الخاتونه 👸🏼
قصه فات الاوان الحلقه 72
شداد:كول شيخ منو طلع
احمد: .........
شداد: جاوبني ليش ساكت شبيك صنمت
احمد:هاك شوف انت بنفسك
شداد: اخذته منه وشفت
حيدر ????
احمد: هذا الجنت ما حاسب حسابه
شداد:شيخ مو كتلك الهم ايد بالسالفه بس انت دخيل بختك جذبتني
احمد: زفرت بعصبيه
وليش اصدك اصلا شيردون بعد مني أخذوها مني غصب وموتوها شبقى
هاااا جاوبني شنو بقى شهل الحقد الما جاي يخلص
شداد: اي شبيك عصبت اهدى شوي خل نشوف شنسوي
احمد: شهدى وشنسوي لعبوها صح
شداد: افاااا شيخ هذا الما اريد اسمعه منك هما يعرفون نقطة ضعفك
احمد:هسه شنسوي احس روحي مربط
شداد: انت معليك يجيك الصافي انه بنفسي اكضه الك اجيبه جوه رجليك
احمد: ما اضحي بيك ما اكدر
شداد: بس انت من ضحيت وحميتني ما كلت شي
احمد: احنا ما جاي نتعامل ويه بشر لك هذوله حيوانات
أيدهم والغدر وإلا شتترجى من واحد يكتل اخته هم يا ريت عدها ذنب
شداد: لا تخاف انه حاسب حساب لكل شي انطيني مهله شكم يوم وانت الك الصافي
احمد: براحتك بس اذا حسيت بخطر انسحب مو لخاطر احد ماشي
شداد: مو انه الاعوف رفيجي واشرد اطمن وراك ذيب ما يخاف احد
احمد: والنعم منك ابن خالي
رجعنا للبيت دخلنا للمضيف ما ردت ادخل للبيت حتى لحد يسألني وانه روحي طافره تغدينا وتمددت غفيت كعدت على صوت التلفون كمره
الوووو
كمره: الوووو وين انت شو تأخرت
احمد:ليش شصاير
كمره: مو كلت نروح للدكتور
احمد: اهوووو كمره والله نسيت شويه واجيج
سديته منها وصعدت لكيتها مبدله كتلها تحضر ملابسي اريد اسبح
كمره: حضرتله ملابسه وخليتهن على الجربايه وكعدت اتاني بس هو مو على بعضه وجه ما يتفسر اخاف اسأله وينفجر بوجهي شويه وطلع بدل وكال يله اخذ سويجه والتلفون وانه هم متفاجئه حتى ما فحصني ولا كلي دوري مثل كل مره شفته خابر لشداد وكله تحضر وانه كلشي ما مفتهمه
صعدنا للسياره ومشت بينا واحنا الهدوء سيد الموقف لا هو حجى ولا انفتح موضوع ولا انه اتجرأت وكفنا كدام عماره كلي نزلي ودنكي ونزلنا ودخلنا صعدنا للطابق الثالث اسمنا جان الاول بس متأخرين فراح علينا كله السكرتير انتظروا بس يطلع المراجع انتظرنا تقريبا ربع ساعه ودخلنا على الدكتور جان جبير بالعمر يـ؏ـنـي رجله والكبر حجيت بكلبي هسه هذا يجوز مخرف شكول ﻋﻠﻴﻚ احمد باوعتله وكال
احمد: شبيج تباعيلي صفح تعاي اخذيلج راجدي بعد
كمره: ما لكيت اكبر من هذا الدكتور
احمد: شبي شتردين واحد توه متخرج حتى يشبع بيج شوف
كمره: شهل التفكير العندك هو هذا هم دكتور ناقصه بس عكازه
احمد: دخلي وسكتي بلا حجي زايد
كمره: لا والله اسألك سؤال هذا هم يعرف يفحص
احمد: صوتج منا الدكتور لا يسمعج شبيج بابا اليوم شو لسانج طولان
شو كدامي يله
كمره: دخلنا للدكتور شرحتله الحاله وكلي نامي على السديه وفحص خشمي ومكان العمليه وكال كومي وسأله احمد
احمد: دكتور تكدر توضحنا شنو سبب الحالات التجيها
الدكتور: ابني لا تخاف كلشي طبيعي والعملية وضعها ممتاز
ارجح يكون السبب نفسي
بس بقى شي لازم نسوي ناخذ أشعه لخشمها وبعدين نحكم شنسوي
احمد: ماشي دكتور
اخذتها وطلعنا بنفس المجمع سويتلها أشعه ورى نص ساعه تقريبا طلعت ورجعنا للدكتور انطيته الاشعه شافها وكال
الدكتور: مثل ما توقعت كلشي طبيعي شغلتها ما تخوف
احمد: زين والاختناقات الي تصير عدها
الدكتور: طبيعي النزف يسد مجرى التنفس عدها وتتعرض لحالة اختناق
احمد: زين والحل دكتور
الدكتور: راح اكتبلها على أدويه تقلل الحاله عدها وكلما تتعرض لنوبه تاخذ الدوه وطبعا الوضع النفسي تتجنبه اي كان وان شاء الله معافايه واذا تكررت عدها الحاله وما فاد الدوه رجعوا والله كريم
احمد:تسلم دكتور
طلعنا جبنا الادويه وصعدنا للسياره
كمره: دخلت للدكتور وطلعت كلشي ما مفتهمه منه احمديسأل وهو يجاوب صعدنا للسياره نفس الشي بس لمحت سياره تمشي ورانا من اول ما طلعنا من البيت عاد كلت خل اسأله حتى لو يرزل عادي تعودت ليش هي اول مره
احمد
احمد: هاااا
كمره: اكلك ما انتبهت هاي السياره تمشي ورانه
احمد: اي عادي هذا شداد والزلم حراس زلمنا
كمره: ليش اكو مشكله
احمد: قبل ما اعرف منو ورى الضربني تعودي كلما نطلع ورانا هاي السياره
كمره:حتى باجر بالكليه
احمد: اي
كمره: وبعد سؤال
احمد: سألي
كمره: شبيك اليوم
احمد: شبيه مثل كل يوم
كمره: لا وضعك ما عاجبني احس عصبيتك كوه كاتمها وشويه وتنفجر
احمد: مثل ما كلتي شويه وانفجر فلا تخليها تنفجر عليج
كمره: بِسْم الله هسه انه شكلت قابل كفرت
احمد: تعودي من تشوفيني عصبي تجاهلنيني ًحتٍٍٍــى ما ااذيج
الخاتونه 👸🏼
