الخاتونه 👸🏼
قصه فات الاوان الحلقه
الجزء الثاني الحلقة 110
احمد: بكلبي خل اشوفها بالاول من امس لليوم ما شايفها
خابرها واسألها
وسام: عليمن هسه اذا ما تروح توديلي رساله مثل امس
احمد: ظلينا كاعدين شويه وكمت كتلهم اريد انام تعبان جذب انه اريد بس اشوفها صعدت ماكو هم كلت هاي تالي وياها شفتها محضره فراشها على القنفه دخلت سبحت وطلعت وتمددت اكلب بالنقال واتانيها تجي وهي ماكو
صارت الساعه ١٢ وهي ماكو اخر شي غفيت ونمت
كمره: يوم كامل وانه ما شايفته
اجذب اذا اكول ما مشتاقتله بس لازم ادوس على كلبي
هواي نزلت من قيمتي كدامه وبعد ما اتحمل وخصوصا تعامله وياي بالفترة الفاتت
خابرت لوسام كتله باجر نطلع على وكت حتى ما اشوفه
نمت وكعدت الصبح من وكت حتى محد كاعد حتى هديه بعدها حضرت الريوك للكل وبدلت
وسويت لفه وجاي سفري لوسام لأن ادري بي اذا كعد على السفره محد يكدر يقلعه شفته نزل يمشي وفاتح عيونه بنعاس
وسام:ادري شعدنا طالعين من غبشه رايحين انفتح الكليه
كمره: عفيه كوم بسرعه تأخرنا ورانا طريق وازدحام
وسام: ولج حتى ابو المخضر بعده ما كاعد شجاج اليوم ٲℓانــتيہ
كله من رجلج الله لا ينطي العافيه ورطني ويه وحده خبله
كمره: ههههههه
هسه مو وكت هذا الحجي يله كوم
اجى يروح للصاله جريته من ايده وطلعته من باب المطبخ وبايدي اللفه والجاي ونطيته اله
وسام: ٲℓانــتيہ صدك تخبلتي رسمي
كمره: صبر روحك بذني لحد ما نوصل للكليه واعزمك ريوك على حسابي
وسام: اذا هيج بيها عزومه قابل اكعدلج من الاربعه الفجر
كمره: ههههه
عند البطون تعمى العيون
وصلنا للكليه نزلت وشفته نزل وياي
سألته شو نزلت
وسام: والله مرت اخوي عزمتني على الرويوك شـلون ترديني افوته
كمره: عبالي نسيت
وسام: شلون انسى وخصوصي ويه وحده صاكه مثلج
كمره: هههه انت ليش ما تتأدب
رحنا للكافتريا تريكنا سوى وخلصت من عزومته يأكل وعينه على البنات صدك ما يستحي
عيب اكلت البنات بعيونك انه بعد اعزمك توبه
وسام: بالله لا تصيرين مثل رجلج واكفلي على الدجه
خليني اشبع نظري قابل بايك انه
كمره: هههه انت مو خلصت روح لكليتك
وسام: شو هنا البنات احلى احتمال راح احول هنا
بس لا رجلج الغثه هنا يطلعها من خشمي
كمره: غثه وبس
وسام: هي لا تحجين على اخوي
كمره: وانه اكدر احجي شي
يله انه رايحه وانت بكيفك بعد راح تبدي محاضرتي
احمد: اخذتني الغفه وانه جنت متانيها حتى اشوفها كعدت الصبح هم ماكو
خابرت على وسام كال طلعنا نزلت تريكت واليوم تعمدت ما اطلع ظليت اتانيها لحد ما تجي ظليت افتر ما اعرف شسوي طيرت عقلي من راسي
احس الوكت كوه يمشي وكل شويه مخابر على وسام اسأله شوكت يجون
وسام: ما تكلي شبيك اليوم خبصتني
عمي طالع هسه رايحلها واجيبها واجي
احمد: لهسه بعدك بكليتك وبعدك ما رايح
غير تروح من وكت
وسام: خابرت عليها بعدلها محاضره تريدني اطلعها من نص المحاضره واجيبها شبيك انت اليوم
كمره: خلصت اخر محاضره طلعت لكيت وسام واكفلي كبال القاعه
استغربت شبي الا صاير شي سألته
وسام: غير هذا رجلج الشفيه خبصني عليج خبص عبالك راح يخطفونج
وهو حتى الي يخطفج ورى ساعتين يرجعج
كمره: وانه عبالي صاير شي طاح كلبي
بكلبي شايف مني الا اداويك على زمانك انه تكلي ما اريد اشوف وجهج
هسه خليته حسره ﻋﻠﻴﻚ شوفتي كلي مو بس وجهي
رجعنا للبيت نزل وسام وانه وراه فتح الباب
وسام: دخلي حضرة الاميره هسه يستقبلج بالأحضان الأمير احمد
كمره: لا يستقبلني ولا استقبله انه راح ادخل من باب المطبخ
وسام: كمره لا تسوين هيج ولا تكبرين السالفه تدرين برجلج ما يتفاهم
كمره: الي شفته منه كافي بعد ما اتحمله انت ادخل ومعليك بيه
دخلت من باب المطبخ سلمت عليهم كلهم استغربوا تصرفي
انه هم ما درت بال رحت لغرفة هديه حتى ابدل ملابسي
احمد: ظلت عيني على الباب شوكت يدخلون حتى اشوفها واشبع منها ولو هي ما ينشبع منها انفتح الباب دخل بس وسام وعيني وراه سألته
احمد: مرتي وين
وسام: خل العب بأعصابه شوي كتله
مرتك ما هي ما لكيته بالكليه خابرت عليها كالت طالعه تتغدى بمطعم ويه صديقاتها يخلصون واروح اجيبها
احمد: تحجي صدك انت شجاي تخربط
اذا صدك وحك علي اليوم جنازتها تطلع منا
وسام: هههههههه
والله مشت ﻋﻠﻴﻚ ردت العب بأعصابك شوي
احمد: هسه من اكوملك واشرب من دمك احد يلومني
احجي وينها
وسام: دخلت من باب المطبخ ما رضت تجي من باب الصاله
احمد: لا عاد مصختها كلش انه الها
صعدت للغرفه كل ظني الكاها دخلت ماكو فتحت باب الحمام هم ماكو
صارت عيوني بكصتي كلش تحملت عليها نزلت فاير كون بس اكضها دخلت المطبخ وصحت على آٱآمـي وينها بصياح
الشيخه: اسم الله الرحمن شبيك تصيح
احمد: كمره وين بصياح
الشيخه: توها اجت وراحت تبدل وين قابل تروح
احمد: وين ماهي ما موجوده دورت الغرفه والحمام ماكو
ادري تبخرت لو صارت كاسبر تعبر من الحيطان
الشيخه:درت على هديه الي وجها كام ينطي الوان وكلت
هديه احجي وينها
هديه: شيخه هاااا
احمد: احجي ولج وينها
هديه: والله شيخ انه معلي هي صارلها يومين يمي بالغرفه
احمد:يمج بالغرفه يـ؏ـنـي حتى تنام هااا
