الخاتونه 👸🏼
قصه فات الاوان الحلقه 74
احمد: حتى بعد تكعدين عاقله
كمره: هو انت ما تشبع
احمد: ليش هو الي يشوفج يظل عقل براسه
يــْﮧ͡ــلـهہ كومي تأخرنا خل نسبح
كمره: اسبح كاضتك لو تموت ما ادخل وياك
احمد: لا تسويها عناد تعرفيني اسحج وادخلج كوه
كمره: لا عفيه ادخل انت وانه وراك
دخل حضرت ملابسه وملابسي طلع وانه دخلت وراه وطلعت بدلت لبست تنوره رصاصي بينصل ساده وقميص ابيض فضفاض موديله ‹ حلـِۈۋ وشوي عريض اخاف منه لا يسويلي مشكله وما خليت مكياج لأن محرم علي بس شوي مرطب وهو لبس قاط كحلي طلع يجنن طول ما هو يلبس وانه عيوني علي ما ودي اشيلهن منه شسوالي هل الشيخ جنت ما اطيقه بس هسهً اعشكه وبجنون المفروض هو يباوعلي بس هسه صار العكس ودي اكله على كولة هبه ينكرط كرط كملنا ونزلنا لكينا الكل كاعد على سفرة
صاحتنا الشيخه نتريك ما قبل احمد كال متأخرين جاي نطلع وكالت الحجيه
ليلى: هاي البت شعدها رايحه ويه رجلها
الشيخه: حجيه اداوم وياه عدها كليه
ليلى: شنهي من يمته البنات يداومن عدنا
وسام: بيبي الدنيا اطورت وانتي بعدج بعهد العصملي
ليلى: الدنيا انكلبت مو طورت البنيات يداومن وانت كاعد كون جيره بكصتك
الشيخ: لا عاب حلكج حجيه
وسام: هم رجعوا يحجون بالدراسه انتو ما عدكم غيري
احمد: لا تخاف بالكورس الثاني انت اداوم
وسام: مو بكيفكم
احمد: يله احنا نترخص
ليلى: اوكفوا هاي الملكوفه مرتك هيج تطلع بدون عبيه
كمره: حجيه ما البس عبايه
ليلى: أيا مصخمه على هل سالفه
وانت يا رجلها شمالك ساكت ما تحاجيها
احمد: بيبي مليت ما يفيد الحجي وياها
ليلى: اوكفي لا تمشين راح اجيبلج عبيتي تلبسينه لا تخافين ريحتها تخبل كلها مسج
وسام: ههههههههههههه
احمد: ههههه ولك اسكت
كمره: اباوع لأحمد واخوته ماتو ضحك وانه مصدومه هاي العجوز المخرفه راح تلبسني عبايه لاوبيها ريحة مسج باوعتله وكتله
انتو اكيد متفقين عليه مو
وسام: هههههههه خويه اي انه سمعتهم يتفقون عليج
احمد: انت ليش ما تنلصم وتسكت جاي تهججها
ليلى: هاج لبسيها
كمره: ظليت مصدومه انطتني العبايه شلون البسها بالكليه
احمد: لبسيها شمنتظره تأخرنا
كمره: ما البسها
ليلى : لا اشو تلبسيها وغصبن عليج
انطيني انه البسج إياها
فتحتها وكتلها دنكي هاي البت طويله ما انوشها
شو هاك حميد لبس مرتك العبايه انه ما انوشها
احمد: اخذتها منها ولبستها صدك طلعت حلوه بيها اخذتها من ايدها وطلعنا
الشيخ: حجيه ما رضيت احجي شلج دخل بيهم عوفيهم على راحتهم هو رجلها راضي ٲℓانــتيہ ياهو مالتج
ليلى: شنهي هي سايبه يا وكت البت تطلع بدون عبايه
الشيخه: اول مره اايد حجي الحجيه يا ما صارت مشاكل بينهم على مود العبايه
وسام: انه من اتزوج ما البس مرتي عبايه وبكيفي
ليلى: انت هسه الكى مصخمه تقبل بيك وبعدين احجي
وسام: موجودات تارسات البصره وداعتج لولو بس ااشر بصبعي
ليلى: الا مسودنه ماكو غيرها
الكل: هههههه
ليلى: وانت عادل ما ناوي تزوج
عادل: لا بيبي ما ⁽ اريـﹻٰ۫ﹻـۧد هسه خلي راسي بارد
ليلى: ما تاخذ بت عمك الفاهيه
الشيخه: حجيه سدي موضوعها
ليلى: شنهي لازم صاير شي
عادل: ماكو شي بيبي
انه طالع عندي شغله
وسام : اخذني وياك اخاف بيبي تستفرد بيه
ليلى: الغسل كون
اكلج هذا من جبتي للدنيا هم كلولج على الخير
الشيخه: هههه هذا بزر الكعده ما ارضى تحجين علي
كمره: طول الطريق واحمد يضحك علي انه متأكده متفقين حتى يلبسوني العبايه
احمد: شبيج مطنكره والله حلوه عليج
كمره: شوف لا عبالك البستها صدك ولا تقشمرني حلوه عليج هم اصدك
احمد: هههههه
كمره: انت خو ماي بارد على كلبك طاح
وصلنا للكليه ركن السياره وجاي ننزل وكال
احمد: كمره ما اعيد كلامي هنا هسه وضعنا اختلف هذا الأسمه سجاد تشوفينه بمكان تختفين منه وأي واحد يتحارش بيج تجين تكولين وما اريد اختلاط بأي طالب تبقين ويه البنات بس وطلعه خارج الكليه ممنوع ماشي
كمره: حتى سجن ابو غريب مو هيج
احمد: انه حذرتج والباقي عليج
هسه دخلي للقسم احاجي شداد واجي وراج
كمره: وانت هم
احمد: انه شنو
كمره: دكتوره ساره تبتعد عنها
احمد: لا بالله احنا زملاء هاي شلون ارهمها
كمره: انه زملائي ابتعد عنهم وانت دكتورة كلبك ما تكدر
احمد : لا تجفصين بالحجي زملائها
كمره: نزعت العبايه وشمرتها بالسياره شافني احمد هز ايده وراح وانه دخلت ادردم علي اجتلي هبه تركض شبكتني كسرت ضلوعي والبنات هم اجو سلموا علي وتباركولي وتحمدوا السلامه على مود احمد دخلت للمحاضره الاولى وطلعنا
هبه: شبيج دردمين من الصبح وفيوزاتج طاكه
كمره: لا تذكريني
هبه: ليش متعاركين
كمره: كمت ما اعرف العرك من الرضا كله عنده نفس الشي
هبه: ههههه شصاير
كمره: مرات اشك بروحي عايشه ويه اثنين احمد
واحد عصبي وما يتحاجى ويتجاهل
الخاتونه 👸🏼
