الخاتونه 👸🏼
قصه فات الاوان الحلقه
الجزء الثاني الحلقة 109
كمره: هسه انام يمج لو اروح انام بالمطبخ
هديه: وعلي ٲℓانــتيہ تسودنتي تعاي دخلي نامي
احمد: كعدت الصبح باوعت ماهي يمكن نازله دخلت للحمام غسلت ونزلت
لكيت الكل على الريوك بس هي ما هي جانت امي وهديه يسون بالسفره
كلت يمكن راحت للدوام بس انه كلتلها داوم ماكو اليوم شويه واجى وسام
شفته استغربت يـ؏ـنـي وسام موجود ما رايح للدوام سألته
ليش ما مداوم مو عندك دوام
وسام: اذا مرتك ما داومت شعندي انه مداوم خليني اشبع نوم
احمد: مرتي بالله بطلت من الكليه انت هم تبطل
وسام: صدك بطلت
احمد: انت صدك خبل كتلك اذا بطلت مو بطلت
وسام: والله فرحت عبالي صدك بطلت بلكي السره يلحكني
احمد: هذا الحجي يفيدك
كعد الكل على السفره اريد بس واحد يسأل عليها ليش ما اجت تتريك
وسام: اي صدك احمد مرتك اليوم ليش ما داومت وليش ما اجت تتريك ويانا
احمد: ما عدها شي اليوم
جانت هديه واكفه وكالت
هديه: هي كعدت من وكت اليوم جوعانه لأن امس ما تعشت وتريكنا انه وياها
ليلى: جا مو لزوم انت تسأل على مريتك ليش ما اجت تريكت
احمد: والله يا بيبي هي مو طفله حتى اكللها شوكت تتريك لو تتغدا لو تتعشى
الياكل بضرسه ينفع نفسه
ليلى : هو هذا الله كدرك علي
احمد: خل اكوم منكم احسن الي كعدتكم ما تنمل اروح اكمل المعامله حتى الاحد اسافر واخلص
كمره: جنت بالمطبخ وسمعت كل الحجي ما استغربت كلشي أتوقع منه
هديه : شبيج ضايجه سمعتي حجي الشيخ ها
كمره: سمعته كله وما ضايجه عادي اصلا لازم أتعود
الشيخه: كمره ليش ما اجيتي تتريكين ويانا وامس هم ما نزلتي على العشا
كمره: امس جنت نايمه واليوم تريكت من وكت
الشيخه: ترديني اصدك
علي هذا الحجي ادري بيج تتعمدين ما تجين بس كليلي الى متى
شوكت نخلص من المشاكل
كمره: كلشي بإيد الشيخ هو يكدر يخلصكم مني
الشيخه: ٲℓانــتيہ السبب كمره كله صوجج كتلج احتوي سايري لا تعاندي
جنت متإكده يجي يوم ويمل منج ومن تصرفاتج واجى هذا اليوم
كمره: وانه هم ما متفاجأه
ولا ضايجه اصلا شيريد يسوي خل يسوي
الشيخه: ٲٳٲسـ๛ۖــۖـتغفـر الله
والله بهاي تصرفاتج ٲℓانــتيہ الي راح تتندمين
كمره:الشيخه معاملتها وياي كلش اتبدلت وصايره تحاسبني على اي شي
وما تنطي بأبنها لو شما يسوي بيه بس هو مو صوجها صوج اهلي الي شمروني هنا وبالجذب حتى سألوا علي
هو طلع استغليتها فرصه صعدت للغرفه نظفتها ولمعت الأخشاب وعطرتها
وحضرت ملابسه خليتهن على الجربايه
ودخلت سبحت وطلعت واخذت ملابس الكليه وكتبي وملازمي وطلعت من الغرفه كبل لا يجي الغضب وديتهن لغرفة هديه
هديه: هاي شني ناويه تظلين مقيمه يمي
كمره: اتحمليني هديه فدوه وكلشي لا تحجين
هديه: كمره تعوذي من ابليس وردي لغرفتج
الشيخ ساعة عصبيه وحجى قابل متقصد
كمره: لا تدافعين عنه كدامي
ما اريد اشوفه وخلص
احمد: كملت كلشي بقت بس حجز الطياره
رجعت للبيت صعدت للغرفه ما لكيتها بس محضره ملابسي
اعرفها تتقصد تسوي هيج عفتها على راحتها بس اشتاقيت الها
ادري بروحي قسيت وياها بس لازم اسوي هيج وياها حتى لا تتمادى اكثر
نزلت للغدا هي هم ماكو سألت عليها الحجيه كالتلها هديه ما تشتهي تاكل
خلصت غدا طك كلبي عليها اريد اشوفها احس بروحي مضيع شي
دخلت للمطبخ عبالي الكاها بس ماكو شافتني هديه
هديه: هااا شيخ اذا تريد شي كلي وانه اسوي الك
احمد: اريد جاي وخلي كمره تصعده اليه بسرعه
هديه: صار شيخ
هسه هاي شككللها
انه شعلي ما على الرسول الا البلاغ
رحت كتلها الشيخ يريد جاي وإلا ٲℓانــتيہ تودي
كمره: ما اودي اي شي
روحي ٲℓانــتيہ ودي واذا سألج عني كليله اي عذر
هديه: والله انه راح انجلط منج
اخذت كوب جاي وصعدت وانه خايفه يعيط بيه دكيت الباب وكال تفضل
دخلت وبدون ما احجي شي خليت الكوب على الميز وجاي اطلع وكال
احمد: انه مو كلت كمره تجيبه
هديه: شيخ كمره عدها شغل ملتهيه بي وانه ما عندي شي جبته الك
تريد شي بعد
احمد:لا نزلي
اووووف منج كمره لهل درجه واصله عندج ما تردين تشوفيني
بسيطه انه اعلمج اريد اشوف وين توصل وياج
شربت الجاي ونمت وكعدت العصر عبالي الكاها بس ماكو
قررت انزل اشوفها لأن بعد ما اتحمل هل كد جاي انزل ودك التلفون
عادل: الووو شيخ يكول ابوي حضر روحك بدل وانزل عدنا طلابه
العالم صارت بالمضيف
احمد : شويه واجي
هسه وكتكم وانه اريد اشوف بلوتي طاك كلبي عليها
هسه انه الا اعاقبها مو جانت يمي اول مره احس بروحي غبي
ادري بيها عنيده الا استفزها
بدلت ونزلت للمضيف وما خلصت الطلابه الا بطلاع الروح تقريبا الساعه تسعه بالليل
دخلنا كلنا للصاله لكينه امي والحجيه
الحجيه:الله يساعدكم فضت طلابتكم
الشيخ: ويساعدج حجيه فضت كوه
وسام: اكول شيخ باجر مرتك هم ما تداوم
احمد: شمدريني تسألها لو تسألني
وسام: غير انت رجلها واكيد تعرف
احمد: بكلبي خل اشوفها بالاول من امس لليوم ما شايفها
خابرها واسألها
