الخاتونه 👸🏼
قصه فات الاوان الحلقه 77
حيدر: لو يبقى يوم بعمري ما راح تعرف شي عنها
احمد: ركعته بكله خليت راسه ينزف
ركضوا علي عادل وشداد وطلعوني منهم وانه افور غضب
عادل: بعصبيه
احنا شكلنا هاااا ليش ما تاخذ حجي لـٰيش راسك يابس وليش تريد تعرف وين مدفونه شتستفاد لا تنسى انت هسه متزوج ومرتك ......
احمد: احجي ليش سكتت
عادل: لا تزعل مني بس مرتك تسواها
وبهاي تصرفاتك راح تخسرها
احمد: محد اله دخل بيه وبمرتي فاهم
عادل: لا النا دخل اذا رجعت حالتك مو بس انت تتمرض البيت كله يتمرض واولهم امك وابوك وهسه اجت مرتك ولا تنسى وضعها وحالتها النفسيه
وسام: احمد بعد اخوك امشينا نرجع للبيت هسه ما دام لزمناهم بس انطينا مجال والله وامان الله كلشي نعرف منهم وإلا اخليهم يغردون مثل البلبل ولا تنسى زلمهم بعد ما كضيناهم
عادل: ياله خويه توكل بالله وروحوا انت وسام وانه وشداد نظل يمهم ولاتكول شي لأهلي ماشي ولا تنسى باجر عندك دوام ادنى غلطه منك تخسر حتى سمعتك مو بس جامعتك وانت اعدائك هواي ويدورن ﻋﻠﻴﻚ الزله
احمد:ماشي راح ارجع بس اليوم من باجر انه على روسهم
شداد: توكل بالله ومنالباجر الله كريم
احمد: رجعت البيت ما ردت ادخل نزلت من السياره وظليت واكف نزل وراي وسام وكف يمي
وسام: جكد تريد تظل واكف هنا هااا
ادخل وهدي شوي بس يشوفون حالتك هاي راح يشكون واولهم بيبي انت مو حمل اسألتها
احمد: شتريدني امثل يـ؏ـنـي
وسام : مثل شراح تخسر
احمد:كفخته على راسه ودخلت صعدت للغرفه ودخلت كالعاده لكيت كمره فارشه الكتب بس هل مره على الجربايه مسويتها قادسية
بدون لا ‹ ڛـــۧﻶݥِ ولا كلام كتلها لمي خبصتج اريد انام
كمره: صار بس ليش هيج اعصاب
احمد: لسانج لزمي وصوتج ما اسمعه والأحسن نزلي جوا
كمره: صفنت بوجها وتالي لميت كلشي وعدلت الجربايه وقبل لا اطلع تجرأت ورحت يمه كعدت على الجربايه ولزمت ايده وكتله
احمد شبيك كلما تطلع وتجي تكب بوجهي
احمد: نترت ايدي منها وكتلها
طلعي كمره ما اريد اجادلج
كمره: انه مرتك لو لا
احمد: وتالي وياج كتلج طلعي( بعصبيه)
كمره: طلعت منه مهضومه ودمعتي بطرف عيني نزلت جوا للمطبخ شافتني الشيخه والحجيه وسألتني شبيج وكتله
احمد ما اعرف شبي كلما يطلع ما بي شي ويرجع الغضب الجبار حصره علي اسأله شي يكب بوجهي اخر شي طردني من الغرفه
الشيخه: يمه عذري وتعودي على طبعه هو هيج من تشوفينه عصبي عوفي وطلعي بدون ما تسألي شي
ليلى: تعاي جماره حذاي
كمره: شتردين حجيه
ليلى: تعاي اسولفلج سالفه
كمره: سالفتيش
ليلى: سالفتي ويه عواد هذا يصير رجلي وجد الولد
كمره:سولفي بلكي انسى الصار
ليلى: شوفي جماره اول ما عرست جنت ما اعرف طبعه وهو جان عصبي ما يتحاجى وما يكل للفلك ولك وانه جنت اصغيره وما اعرف شي وجانن النسوان يغارن مني لجن جنت حلوه واخذت الشيخ وبعدني صغيره كلشي ما علمني جان كلما يجي من شغل الكيعان جانت عيونه بكصته وانه جنت خوثه مثلج هسه
كمره: ياااا حجيه نعم الله عليج
ليلى: جا تخليني اكمل
كمره: كملي بعد ما احجي
ليلى: علميني ًوٌَيــن وصلت بالحجي
كمره: من جنتي خوثه
كمره: الغسل كون
كمره: جا شكلج
ليلى: هسه ما علينا جان من يجي عصبي ما اتكفى الشر واكعد واسكت لا ادخل بي تحقيق واشلع افاده وهو ما يتحمل يكوملي بالنطاق يكطعه تكطع علي يزورك جسمي تزوك
ظليت على هل حال شهر وانه يوميه انكتل لحد ما كال لمي خلاكينج بصره وأمشي اردج لهلج
انه هنا انخفت كلبي وظليت لا اخذ ولا انطي
وكتله ما اطلع وشتريد تسوي سوي
كال صارلج شهر ما عرفتي طبعي
المره الما تعرف طبع رجلها ما الها عيشه وياه
كتله انت علمني عليك انه كلشي ما اعرف كلي ٲℓانــتيہ تعلمي من ذاتج انه هسه راح اعوفج مده واذا ظليتي نفس طبايعج اردج لهلج وانه اخذلي مره
ومن اهدها تعلمت كلشي وعرفت شنو يحب وشنو يكره وصرتله الكل بالكل حتى ما خليته يحس بنقص وخليته هو يجي من الشغل ملهوف علي
كمره: الله جكد ‹ حلـِۈۋۏ هيج
ليلى: قصدتج بسالفتي
من تشوفين يتعصب يا بيبي تركي ولا تعمين على رويحتج وتعلمي على طبايعه ترى هو شيخ ودكتور والف وحده تلفه وتأخذه منج وانتي تظلين تعاينين
كمره: حجيه ٲℓانــتيہ هم اخذ عليج مره
ليلى: شحده ما خليته يتنفس
كمره : لو ما خذ شتسوين
ليلى: جا كصيته اله وخليته بحضنه
كمره: ياااااااا حجيه
هههههههه هههههههههه هههههه
اخ يمه بطني شسويتي هههههههه يمه اختنكت وصار وجهي احمر من الضحك ومستمره اضحك
الشيخه: ياااا يمه البنيه اختنكت
حجيه بالله هذا هم حجي تحجبنه الها
ولج كمره كافي كومي غسلي وجهج
كمره: هههههههه عمه ما اكدر بعد هههههه
ورجعت اضحك وآخر شي اختنكت ظلت الشيخه تضرب على ظهري
الشيخه: هديه ركضي جيبي كلاص ماي • بـٰٚـِْسـ᷈͟ــرعه البت اختنكت شكول عليج حجيه
الخاتونه 👸🏼
