الخاتونه 👸🏼
قصه فات الاوان الحلقه 75
كمره: مرات اشك بروحي عايشه ويه اثنين احمد
واحد عصبي وما يتحاجى ويتجاهل
واحد حنون وهادئ وحلكه ينكط عسل
هبه: وانتي تحبين منو
كمره: الاثنين
هبه: اثاريج واكعه ومحد سأل عليج
كمره: اخ شلون وكعت وكعه
هسه كليلي شخبار الكليه
هبه: على حالها بس اجى دكتور جديد بدال دكتور وليد
كمره: ودكتور وليد شبي
هبه: سافر
كمره: هااا بيها الخير تعامله شلون ويه الطلاب
هبه: عبالي تكولين حلو لا ركضتي على التعامل
كمره: وشعلي بي حلو اجلح املح انه شلي دخل
هبه: اي حقج هي العدها الشمس شلها بالنجوم
كمره: لا ترحين زايد
هبه: هههه تغارين مو
كمره: طبعا أغار بس مو منج ادري كلبج طيب وفطيره
هسه ما كلتي
هبه: زين بس شويه عنده غرور راح ندخل محاضرته وتشوفينه
كمره: كون تلف علي ساره واخلص منها
هبه: هههه لا هاي عدها الدكتور احمد لا يصعد ولا ينزل
كمره: اسكتي لا يصعد ضغطي خل ندخل راح تبدي المحاضره
دخلنا المحاضره اجانا الدكتور الجديد عرفت اسمه اسعد دخل وسلم اشوفه شخص عادي مو مغرور ظل يشرح بعدين انتبه علي وكال
اسعد: ٲℓانــتيہ طالبه جديده شو ماشايفج
كمره: لا دكتور جنت ماخذه اجازه
اسعد:هااا شنو اسمج
كمره:زينب
هبه: نصب عليج لاحضتي
كمره: لا منين استنتجي
هبه: شوفي الايام تثبتلج
كمره: سكتي لحد يسمعج وتصير طلابه
اسعد: بنات ليش الحجي العدها حجي تتفضل بره تكمله
هبه: اسفه دكتور بعد ما تتكرر
اسعد: كلامي موجه للكل واكوله مره وحده وما أعيده
الطلاب : صار دكتور
كمره:خلصنا المحاضره وطلعنا بقت محاضره اخيره وهي محاضرة دكتور كلبي
هبه راحت للكافتريا تتغده وانه رحت استنسخ المحاضرات الفاتت خلصت وطلعت دك تلفوني شفته صلاح شلته
الووو شلونك صلاح مشتاقتلك
صلاح:هلا بيج يالكاطعه
كمره: حقك شما تكول بس بعد امري مو بيدي والمصايب الما تخلص
صلاح: الجمعه عقدي ولازم تجين اذا ما اجيتي ازعل عليج
كمره: اكيد اجي بس خابر احمد وكله
صلاح: تدللين بنيتي هسه اخابرله واعزمه هم
كمره: ماشي سلملي على اهلي وبوسلي الوالد
صلاح: بس الوالد والوالده
كمره: بوستين الها
صلاح: ههههه يله ما اعطلج اخاف عندج محاضره
كمره: الله وياك
سديته منه ودخلت رحت للمحاضره خلصناها جاي اطلع صاحلي احمد
احمد: كمره انتضري نطلع سويه
كمره: ظليت واكفه انتضره دك تلفونه ما رادني اسمعه كلي سبقيني للسياره تلكين شداد كدامج عفته وطلعت ادور على هبه انه شداد اخاف منه بعد اخر شي صار بينا لكيتها وجريتها تروح وياي
هبه : ولج خبله هديني وين ماخذتني وياج
كمره: امشي وسكتي
هبه: ولج لا يفوتني الخط وابقى هنا لوحدي
كمره: وصليني للسياره لحد ما يجي احمد
وصلنا للسياره لكيت شداد واكف شافني ودنك فتح باب السياره وكال
شداد: تفضلي خيتي
كمره: ما اصعد انتضر احمد وصديقتي يمي عيب اعوفها
شداد: براحتج
هبه: ولج هذا قنبله وين جنتي ضامته عني
كمره: سكتي فضحتيني لا يسمعج
هبه: خل يسمع هم زين سحيتيني وجبتيني جفي حتى اشوف هذا الضيم
كمره: ولج اثكلي عيب
هبه: وليش اثكل كافي هو ثكيل علي
كمره: جبتها عون طلعت فرعون
هبه: شبابكم كلهم حلوين هيج
كمره: ٲٳٲسـ๛ۖــۖـتغفـر اللهہ ولج كافي
ظلينا شوي واجى احمد
احمد: ليش ما صاعده
كمره: انتظرتك
هبه: يله انه اترخص
احمد: تحبين نوصلج ويانا
هبه:مشكور دكتور اجى الخط لازم اروح
احمد: براحتج
كمره:صعدنا للسياره وصلنا للبيت صعدت كبل سبحتوصليت ونمت حتى ما تغديت واحمد نفس الشي نمنا كعدنا المغرب باوعتله وكتله جوعان اصبلك غدا
احمد: يا غدا كولي عشا
كمره: انه جوعانه نازله اكل
احمد: نزلي
كمره:نزلت للمطبخ لكيت هديه ساعدتها بالعشه واكلت شي خفيف وصعدت وكتلها ما اريد عشا اخذت كتبي وملازمي وفرشتهن بالكاع وبديت ادرس واعوض الفاتني لحد الساعه عشره واحمد ماكو شويه وصعد لكاني خابصه الغرفه خبص بالكتب اذكرت صلاح لازم اكله
احمد: صعدت للغرفه لكيت آلامه مكلوبه بالكتب والملازم والدفاتر وكمره بالنص كاعده
هاي شمسويه لو كلها مثلج تدرس الناس تبطل بعد ما تداوم
كمره: فاتتني هواي محاضرات ما الحك بعد
احمد: ليش ما نزلتي على العشا
كمره: ما اشتهي اكلت قبل العشا وشبعت
احمد
احمد: هااااا
كمره:صلاح خابرني الجمعه عقد السيد
احمد: ادري
كمره: وليش ما كلت انت تدري
احمد: نسيت انشرها بالحاله حتى الكل يدري
كمره: حضرتك تنكت
احمد: لج بابا ٲℓانــتيہ خبله شتردين اسوي
كمره: زين انه لازم اروح
احمد: روحي هذا اخوج منو مانعج
كمره: صدك تحجي لو تشاقه
احمد: والله شبيج
كمره: ركضت علي شبكته وبسته من خده
احمد: ٲℓانــتيہ كد هاي الحركه
كمره: ما توقعتك تقبل
احمد: وليش
كمره: ما خليتني اروح ويه امي وخالتي بالخطبه فتوقعت ترفض
احمد: زين هسه لمي كتبج وخبصتج ورانا شغل
الخاتونه 👸🏼
