الخاتونه 👸🏼
قصه فات الاوان الحلقه
الجزء الثاني الحلقة 113
احمد: شتردين تسوين سوي ضربيني عضيني دفريني بس امشي
كمره:بكلبي انه الك حتى لو ما توجعت الا العب بيك طوبه
اذا ما طلعت حركة كل راجدي ضربتنياه ما اتسمى كمره بسيطه انته جبتها لروحك
خلصت راح البس صايتي واجيك
احمد: اريدج بموضوع ثاني
كمره: عرفتك والله عندك شي كول اسمعك
احمد: اهلج خابروا عليج يردون يشوفوج
كمره: سد الموضوع ما اريد احجي بي
عفته وصعدت للغرفه دخلت حتى البس الصايه حسيت علي حاوطني من ورى وحجى
احمد: كمره اترجاج لا تسوين هيج مهما يكون هذول اهلج
كمره: شعبالك انه ما محترك كلبي عليهم وبودي اروح اليوم كبل باجر
بس السووه وياي مو هين
احمد: بس هما ما الهم ذنب
الذنب ذنبي ما مشتاقه لأمج ولأبوج
كمره: مشتاقتلهم حيل
وانه كتلك كبل اذا اروح ما ارجع
احمد: هم رجعنا لنفس القوانه
شو دوري علي
كمره: درت
احمد: لا تنزلين راسج باوعيلي
رفعت وجهه وبستها من حنجها وحجيت
لا تتوقعين اعوفج بيوم من الايام ٲℓانــتيہ صرتي روحي
واذا رحتي مني شايفه الروح من تطلع من الجسم معناها هيج روحي تطلع مني تردين تصدكين تردين لا هذا شي راجعلج بس خصم الحجي ٲℓانــتيہ الي وبس
اما بخصوص اهلج فأنتي لازم ترحيلهم تردين العالم تحجي عليج وتجيب طاري اهلج بالمو زين هاا جاوبي
ما اكلج سامحيهم بس على الاقل خليهم يشوفوج
وبعدين هذا زواج اخوج صلاح ٲℓانــتيہ مو تعتبرينه ابوج الثاني يهون عليج تعوفينه شلون ينطيج كلبج كولي
كمره:اكيد ما يهون علي
احمد: والله كل ساعه يخابر عليج ويسأل
لا تحقدين علي ترى هو مو احمد ويتحمل خبالج
كمره: لا تجيبلي طاري احمد ما اطيقه
احمد: اهااا هنا الحجي
راح اسألج سؤال وجاوبيني من كل كلبج عليج بداعة كل غالي وعزيز عندج
كمره: اسأل
احمد: ٲℓانــتيہ ترديني لو لا
كمره: اذا جاوبتك بصراحه تنفذ الاريده منك
احمد: طبعا
كمره: متأكد
احمد: متأكد
كمره: انه؟
