"အတန်းချိန်ပြီးရင်ကိုယ်လာကြိုမယ်စောင့်နေနော်..."
"ဟုတ်ပါပြီဝမ်လေးရဲ့ ဆိုင်ကယ်ကိုဖြေးဖြေးမောင်းနော် နောက်ကျလည်းကိစ္စမရှိဘူး..."
"ဟုတ်ပါပြီဗျာ...ဒါပဲနော် ကိုယ်အသည်း.."
"ဟာ..ဒီဝမ်ရိပေါ်ကတော့.."
"ဟဟ.."
ရယ်သံသဲ့သဲ့နှင့်အတူဖုန်းချသွားသည့်ဝမ်လေးကြောင့် ရှက်အားပိုစွာဖြင့်အောက်နှုတ်ခမ်းလေးကိုကိုက်ကာ တစ်ကိုယ်တည်းပြုံးနေမိသည်။ သူ့ထက်ခြောက်နှစ်ငယ်ပါသောထိုအမျိုးသားလေးကိုရှောင်ကျန့်ကချစ်စနိုးနှင့် ဝမ်လေးလို့ခေါ်မိပါ၏။
ချစ်မိပြီဆိုတော့လည်းမတွေ့ရတဲ့အချိန်ခဏလေးအတွင်းမှာတောင် အဆက်အသွယ်မပြတ်ချင်တာသဘာဝပေလား...။
ညနေအတန်းဆင်းတာနဲ့စောင့်နေကျနေရာလေးမှာစောင့်နေတုန်း ဆိုင်ကယ်သံကြားလို့ကြည့်လိုက်တော့ အဝေးကနေကြည့်ရတာတောင်ချစ်ရသူအမျိုးသားလေးကခန့်ညားလွန်း၏။
"ကိုယ့်အသည်းလေးစောင့်နေရတာကြာသွားပြီလား..."
"အာ..ဝမ်လေးနော်အဲ့လိုကြီးမခေါ်ပါနဲ့ဆို.."
"ဘာလို့လည်း အသည်းလေးကတခြားသူတွေကိုဂရုစိုက်ပြီး ကိုယ်ခေါ်တာကိုမကြိုက်လို့လား.."
"မဟုတ်ပါဘူးဝမ်လေးရယ်..ဟို..ကောရှက်လို့ပါ.."
ကလေးကြီးသဖွယ်ချစ်ရသူကဆူပုပ်ပုပ်မျက်နှာနှင့်မေးလာပြန်တော့ သူ့မှာပြာပြာသလဲငြင်းရပြန်တယ်။ကိုယ့်ထက်ခြောက်နှစ်ငယ်တဲ့ရည်စားလေးမို့အငြိုငြင်မခံနိုင်ပါ။
"ရှက်ရင်ကိုယ့်ကိုဖက်ထား..လာ.."
"ရိပေါ်နော်.."
"ဟား..ဟား..ကိုယ့်ချစ်သူလေးကကွာ.."
စပ်ဖြီးဖြီးမျက်နှာနှင့်ကျောင်းရှေ့ကြီးမှာသူ့အားဖက်ရန်ပြင်နေသည့်ရိပေါ်အား ရှက်ရမ်းရမ်းပြီး ရင်ဘတ်ကိုထုလိုက်တော့ သဘောကျသလိုအော်ရယ်နေသေး၏။
တကယ်ပဲဒီဝမ်လေးဟာ တက်လည်းတက်နိုင်လွန်းပါ၏။
"ဒီနေ့ရောဘယ်ကိုသွားကျမှာလဲ..."
BINABASA MO ANG
DESTINY(Complete)
Fanfictionအချစ်ဆိုတာကျွန်တော့်အတွက်တော့ရှောင်ကျန့်ပါပဲ🖤 ဘာကိုမှလောဘမရှိပေမဲ့ဝမ်ရိပေါ်ကိုတော့လောဘတက်မိတယ်🖤 တစ်ယောက်ယောက်ကများရှင်သန်နေရခြင်းရဲ့အကြောင်းပြချက်ဟာဘာလဲလို့မေးရင် ကျွန်တော်ကတော့ဝမ်ရိပေါ်လို့ဖြေမယ်🖤
