ပြင်လက်စဆိုင်ကယ်ကိုကိုင်နေရင်းနာရီကိုလှမ်းကြည့်မိတော့ ညနေလေးနာရီခွဲရန်ဆယ်မိနစ်အလို...၊ပုံမှန်ဆိုညနေသုံးနာရီကျောင်းဆင်းတာနှင့်သူ့ဆီရောက်လာနေကျဖြစ်တဲ့ ကောဟာအခုဆိုညလေးနာရီခွဲမှရောက်ရောက်လာတာလေးရက်ရှိနေပြီဖြစ်သည်။အဒေါ်ကြီးဟွမ်ဆီသွားနေတယ်ပြောပေမဲ့ဒီလိုမျိုးနေ့ရက်ဆက်သူ့ကိုပစ်ပြီးသွားစရာလား...။
"ရိပေါ်ကော..ရိပေါ်ကော..."
ထိုအချိန်မှာပဲ သူ့ကိုအော်ခေါ်ရင်းရုံထဲကိုပြေးဝင်လာတဲ့ ဟန်ရှင်းဆိုသည့်ကောင်လေး။
"ဘာဖြစ်လာတာလဲ..."
ရိပေါ်ရဲ့အေးစက်စက်အမေးကိုဟန်ရှင်းက မောနေဟန်ဖြင့်ရင်ဘက်ကိုဖိထားရင်းမှအမောဖြေကာပြန်ဖြေလာ၏။
"ဆရာလေးရှောင်း ရွာထဲကအဒေါ်ကြီးတွေအဖွဲ့နဲ့ဟိုဖက်ရွာကဆုတောင်းပွဲကိုလိုက်သွားတယ် ရိပေါ်ကော..အဲ့ဖက်ရွာမှာပဲညအိပ်တဲ့သူကအိပ်မယ်ပြောနေကျတယ်..အခုလောက်ဆိုရွာထိပ်ရောက်တော့မယ်ထင်တယ်..."
ဘာကွ!!
လက်ထဲကကိုင်လက်စအင်ဂျင်ကိုပစ်ချလိုက်ကာ ဒေါသတကြီးထအော်လိုက်သောရိပေါ်ကြောင့် ဟန်ရှင်းလည်းလန့်သွားဟန်ရှိ ၏။
"ဟို ရိပေါ်ကောပဲဆရာလေးရှောင်းကိုတခြားရွာတွေလျှောက်မသွားအောင်စောင့်ကြည့်ထားဆိုလို့ကျွန်တော်လာပြောပေးတာနော်..."
ဟန်ရှင်းကလည်းသူ့ကိုပြောသည်အထင်နှင့်ထိတ်ထိတ်လန့်လန့်လေးရှင်းပြလာရှာတာမို့ရိပေါ်စိတ်လျော့ကာကျေးဇူးတင်စကားပြောရသည်။
"ဝူချောင်ဆီမှာမုန့်ဖိုးယူသွားဟန်ရှင်း လာပြောပေးတာကျေးဇူးပဲ..."
လာပြောပေးတဲ့ကလေးကိုမုန့်ဖိုးထုတ်ပေးဖို့ ရိပေါ်ရဲ့လက်ရုံးလို့ပြောလို့ရတဲ့ဝူချောင်ကိုမှာပြီး တစ်ဖက်ရွာသို့ခြေဆန့်ရန်သွားနေသည့်အဆိုးကြီးကိုလိုက်ဖမ်းဖို့ရာစီးနေကျဆိုင်ကယ်ကိုလီဗာခပ်ပြင်းပြင်းဆွဲပြီးမောင်းထွက်လာလိုက်သည်။
ဇွတ်တရွတ်နဲ့မစဥ်းစားပဲဟိုဟိုဒီဒီလျှောက်သွားဖို့ရာအန္တရာယ်များလွန်းတာမို့ ဒီရွာထဲကလွဲပြီးတခြားကိုလျှောက်မသွားဖို့အတန်တန်မှာ ထားပါလျက်နှင့်ပြောစကားနားမထောင်သူကိုရိပေါ်စိတ်ပူသလိုစိတ်ဆိုးမိပါ၏။
أنت تقرأ
DESTINY(Complete)
أدب الهواةအချစ်ဆိုတာကျွန်တော့်အတွက်တော့ရှောင်ကျန့်ပါပဲ🖤 ဘာကိုမှလောဘမရှိပေမဲ့ဝမ်ရိပေါ်ကိုတော့လောဘတက်မိတယ်🖤 တစ်ယောက်ယောက်ကများရှင်သန်နေရခြင်းရဲ့အကြောင်းပြချက်ဟာဘာလဲလို့မေးရင် ကျွန်တော်ကတော့ဝမ်ရိပေါ်လို့ဖြေမယ်🖤
