DESTINY(Complete)

Destiny_9

(ဒီအပိုင်းကိုဒီသီချင်းလေးနားထောင်ပြီးဖတ်ပါလို့ အပေါ်ကMedia မှာလည်းတင်ပေးထားတယ်)

"ရိပေါ် စတော်ဘယ်ရီတွေရေဆေးပြီးပန်းကန်ထဲထည့်ပေးနော်..."

"ဟုတ်ပြီဗျား..ပြီးတော့ရောဘာလုပ်ပေးရဦးမလဲ..."

"ဒီကြက်ဥတွေကိုနာနာလေးခေါက်ပေး.."

"Yes Sir.."

ရိပေါ်ရွှတ်နောက်နောက်ပြောကာ အလေးပြုသလို ပုံစံလုပ်ပြတာမို့ ရှောင်ကျန့်ရယ်မောမိရသေးသည်။

တကယ်တော့ဒီနေ့လေးကသူတို့နှစ်ယောက်အတွက်တစ်နှစ်ပြည့်မင်္ဂလာနှစ်ပတ် လည်နေ့ဖြစ်တာမို့ ရွာထဲကလူတွေကိုမုန့်ဝေရန် အလုပ်များနေခြင်းဖြစ်သည်။ မုန့်ဝေပြီးတာနှင့် သူတို့နှစ်ယောက်အတွက်သီးသန့်ကိတ်လေးနှင့် ဝိုင်လေးပြင်ဆင်ကာ အချိန် ဖြုန်းမည်။ ပြီးတော့ ချစ်ရတဲ့သူ့ခင်ပွန်းလေးအတွက်ခိုးသင်ပြီးထိုးထားတဲ့ဆွယ်တာ‌လေးကိုလက်ဆောင်ပေးရင်းပေါ့..။

မနက်ကတည်းကအလုပ်ရှုပ်နေလိုက်တာ နေ့လည်ရောက်ခါနီးမှအားလုံးပြင်ဆင်လို့ပြီးသွား၏။

"ရိပေါ်ရေ အားလုံးပြီးပြီ သွားမယ်လေ.."

"ခဏလေး ကောမောင်လာပြီ..."

သွားကာနီးမှအိပ်ခန်းထဲဝင်သွားတဲ့ရိပေါ်ကြောင့် ရှောင်ကျန့်မှာစောင့်နေရသေးသည်။

ရွာထဲကလူတွေကို ရှောင်ကျန့်ကိုယ်တိုင်လုပ်ထားတဲ့ပေါင်မုန့်လေးတွေကို ဝေပြီးတော့
ရိပေါ်ကခြင်းအလွတ်လေးကိုကိုင်ကာ ရှောင်ကျန့်ကတော့ရိပေါ်ရဲ့လက်မောင်းကိုတွဲခိုလျက် အဝါရောင်ပန်းခင်းကြီးရှိတဲ့လမ်း‌ အတိုင်းလမ်းလျှောက်ပြီးပြန်ခဲ့ကြသည်။

"ကော ခဏ.."

ရုတ်တရက်ရိပေါ်ကလမ်းလျှောက်နေရာမှ ရပ်ကာရှောင်ကျန့်တွဲထားတဲ့လက်ကလေးကိုဖြုတ်ချပြီး မျက်နှာချင်းဆိုင်စေ၏။ ထို့နောက်ဘောင်းဘီအိတ်ထဲကတစ်စုံတစ်ခုကိုနှိုက်ယူကာ ရှောင်ကျန့်ရှေ့မှာဒူးထောက်ထိုင်ချလိုက်သည်။

"မောင် လမ်းမကြီးမှာဘာလုပ်နေတာလဲ.."

ရိပေါ်ကတော့ရှောင်ကျန့်ကိုပြုံးကြည့်ကာ လက်ထဲပဲဆုပ်ထားတဲ့အရာကိုဖွင့်လိုက်တော့ တလက်လက်တောက်ပနေသည့် စိန်လက်စွပ်လေးနှစ်ကွင်း...။