تزوجت زوج أختي (الجزء الأول والجزء الثاني)

الحلقة الثلاثون

في صباح اليوم التالي

مجموعة العمري

مكتب فهد

كان هذا الاجتماع الذي طلب كمال ان يتم عقده بينه وبين ليلي العمري واصر علي حضور فهد حتي يكون شاهدا علي ما يحدث ...

ليلي "بحدة" : يعني انت طلبت تقابلني النهاردة عشان تقولي الكلام الفارغ دا يا فهد ...

فهد : ليلي حاولي تهدي عشان تعرفي تفكر وصدقيني اللي انا بقولهولكدا في مصلحتك ...

ليلي : مصلحتي ايه ، اللي انت بتقوله دا اسمه جنان ...

فهد : جنان ...

ليلي : طبعا جنان ، يعني الاول مراتك تصوت ضدي والنتيجة اني خسرت منصبي ، وانت دلوقتي قصادي وكأن مش مكفيك اللي حصلي لا جاي تكمل عليا وعايز تربطني بكمال بيه ...

لتجول بعيناها بينه وبين كمال ...

ليلي : انا مش عارفة انا عملتلك ايه يخليك عايز تنتقم مني بالشكل دا ...

كمال : لا اسمحيلي ، انا مش عايز ارتبط بيكي ولا ان يكون في بينا اي حاجة ، انا كل اللي عايز اعمله هو اني اتنازلك الاسهم اللي باسمي في مجموعة دبي ...

ليلي "بذهول" : الاسهم بتاعتك ، عايز تتنازل عنها ليا انا ، ليه ، ليه هتتنازل عن الاسهم اللي كانت السبب انك توافق تشارك مجموعة دبي في المشروع ، ايه السبب القوي اللي يخليك تتنازل عنها بسهولة كدا ، مش ممكن تكون بتعمل كدا عشاني ...

كمال : ليه ...

ليلي : لان انا عارفاك كويس زي ما انا عارفة فهد ، وانت وفهد زي بعض خصوصا في اللي يخص الشغل ، انتوا الاتنين ماشين علي مبدأ واحد ، وهو ان كل حاجة بالنسبالكم صفقة لازم تطلعوا منها كسبانين ، ويمكن دا اللي خلاكم اصحاب ، فيا ريت نجيب من الاخر وتقولي ايه الفايدة اللي هتعود عليك من انك تتنازل عن الاسهم ليا ...

كمال : بغض النظر عن وجهة نظرك فيا واللي علي اساسها بتتعاملي معايا بالقسوة والفظاظة دي ، ولا انك فكرتي اني معجب بيكي مثلا ، بس اللي احب افهمولك ان انا اكتر واحد عارف انتي هتحسي بأيه لما تشوفي تعبك وشغل سنين بيروح منك في لحظة ، فلو حابة تتكلمي وتخرجي كل اللي انتي حاسة بيه وحبساه جواكي ، انا موجود ...

كانت تستمع له وعقلها يرفض تصديق ان هذا الرجل الذي امامها واخبرها كلمات جعلت قلبها يرقص فرحا ويرفرف طائرا هو نفسه السيد مغرور والمتكبر الذي تعاملت معه من قبل ...

ليلي "محدثتا نفسها" : هو الراجل دا بجد والا انا بيتهيألي ، اااااااه يا ابن المصري ، هاين عليا اقوم وابوسك ، لا لا ، ايه اللي انا بقوله دا ، اعقلي يا ليلي وما تنسيش حازم ، يعني انتي مش هينفع تبدأي حاجة مش هتعرفي تنهيها ، وبعدين هو لو كان بيعاملك بلطف دلوقتي فاكيد دا عشان اللي حصلك مش اكتر، بس مهما كانت اسبابه ايه ، انا لا يمكن اقبل شفقة منه والا من غيره ، وكمان لا يمكن اسمح لنفسي اني احبه لان لو دا حصل فدا معناه اني غبية ، وقلبي اللي بيدق جوايا دا لازم يوقف ، انا اتعلمت الدرس كويس ولا يمكن اعرض نفسي للخيانة مرة تانية ، لان قلبي مش هيستحمل وجع الخيانة ...