تزوجت زوج أختي (الجزء الأول والجزء الثاني)

الحلقة السابعة والستون

تكملة الفلاش باك

ما ان وصلت الي المكان المحدد في الرسالة لتتفاجئ بأن المكان هو عبارة عن طريق فارغ ، لا تعلم لما انقبض قلبها فجأة وشعرت بأن هناك شئ سئ سوف يحدث لذلك كانت تخشى الأسوأ ...

كانت تنتظر في سيارتها وما ان رأت سيارة سارا تقف خلفها حتي نزلت من سيارتها وسارت باتجاه سيارة شقيقتها التي خرجت بدورها من سيارتها وأغلقت الباب ، ثم استرخت عليه ونظرت الي سلمي باعين خالية من اي مشاعر ...

سارا "ببرود" : انتي ايه اللي جابك هنا ...

سلمي : انا اللي عايزة اعرف انتي هنا ليه يا سارا ، انا لما وصلتني رسالة حسام ما صدقش لانه ولا مرة قال حاجة صح لكن المرادي طلع بيقول الحقيقة ، انا لازم تعرف انتي ناوية علي ايه ، بتخططي لايه يا سارا ، قولي ...

كانت تريد ان تعلم ما تخطط له بالضبط كما تريد ان تعلم كيف علم حسام بما تريد سارا فعله ، لقد كرهت هذا الحسام منذ ان ظهر في حياة شقيقتها عندما كانت في المرحلة الثانوية بينما هو كان طالبًا جامعيًا ، اي انه أكبر من سارا وسلمي بخمس سنوات ...

سارا "بحدة" : وانتي مالك ، انا قولتلك قبل كدا مالكيش دعوة باللي يخصني ، فامشي بقي لان وجودك مش هيغير حاجة ...

سلمي : صحيح انتي طلبتي مني اني ما ادخلش في حياتك لكن المرادي لا يا سارا ، انا هتدخل لانك ناوية تغلطي وانا مش هسمحلك بكدا ، ولو همشي فانتي هتمشي معايا ، يلا ...

لتمسك بيدها وتسحبها الي سيارتها ...

سارا "صارختا وهي تبعد يد سلمي عن يدها" : وانا مش همشي ، ابعدي عني وسيبيني ...

سلمي " بصرامة بعد أن نفذ صبرها" : وانا بقولك انتي هترجعي معايا البيت ومش همشي الا وانتي معايا ، انا مش هسيبك تأذي نفسك باللي بتخططيله ، فاهمة ...

سارا : انا عمري ما شفت ولا هشوف اغبي منك ...

سلمي "بصدمة" : ساراااااا ...

سارا : ايه مستغربة ليه ، انتي مش اختي بس غبية ، انتي ايه اصلا اللي جابك هنا ، ايه مش خايفة لتتأذي ...

سلمي : مش مهم ، انا المهم عندي هو انتي ، سارا انا اول ما وصلتني رسالة حسام ما فكرتش في نفسي ، كان كل همي هو انتي ، ازاي عايزاني افكر في نفسي وانسي واجبي ...

سارا : واجب ، واجب ايه ...

سلمي : واجبي ، مسئوليتي اللي وعدت اني اتحملها من وانا صغيرة ، حمايتك ، انا المسئولة عن حمايتك ...

سارا "ساخرتا وباعين تمتلئ بالشر" : تحميني ، يا شيخة قولي كلام غير دا ، قال تحميني ، بقولك ايه بلاش تمثلي انك خايفة عليا عشان انا زهقت ومرارتي قربت تتفقع من حركاتك المزيفة دي ، انا ما غلطتش لما قررت اجي هنا ، لكن انتي اللي غلطتي ، غلطتي اكبر غلطة في حياتك لما قررتي تيجي هنا ...