Uni ver :
Mirror。Zhu Yan
~~~~~အပိုင်း《၉》~~~~~
ပိလော့
(ဒုတိယပိုင်း)
သီးခြားခြံဝန်းအပြင်ဘက် ခဲတစ်ပစ်စာလောက်နေရာ၌ ပင်လယ်ပြင်ကြီးရှိလေသည်။
ယင်းပင်လယ်ပြင်မှာ လွန်စွာပင် တိတ်ဆိတ်အေးချမ်းလျက် ဘေးတစ်ဖက်တစ်ချက်ရှိ တောင်တန်းများမှာ ပင်လယ်၏ အနက်ရှိုင်းဆုံးနေရာထိ တိုးဝင်ကာ ဘယ်ညာနှစ်ဖက်လုံးမှနေ၍ ပင်လယ်အားထွေးပွေ့ပေးထားလေသည်။ ကမ်းလွန်ပင်လယ်ပြင်ရှိ လေပြင်း၊လှိုင်းတံပိုးများနှင့် ဝေးကွာသောနေရာ၌ ရှားပါးလှသော ဟွေလုံ(နဂါးပြန်)ဆိပ်ကမ်းဟုခေါ်သည့်
ပထမတန်းစား သဘာဝပင်လယ်ရေနက်ဆိပ်ကမ်းရှိပြီး ထိုဆိပ်ကမ်းမှာ ယဲ့မြို့ရှိအကြီးမားဆုံးသော ပင်လယ်ဆိပ်ကမ်းဖြစ်လေသည်။ အများသူငါပြောစကားများအရ လွန်ခဲ့သော နှစ်ပေါင်း(၇၀၀၀)က ရှင်းကျွင်းဧကရာဇ်အရှင်ကြီးမှာ ပင်လယ်တိုင်းပြည်အား ဖျက်ဆီးပြီးနောက် နဂါးနတ်ဘုရားအားဖမ်းခေါ်လာပြီး ပင်မစစ်တပ်အား ဦးဆောင်လျက် အောင်ပန်းဆွတ်ခူး၍ နန်းတော်သို့ပြန်လာသည့်နေရာမှာ ဤကမ်းခြေ ဖြစ်လေသည်ဟူ၍။
ထိုစဉ်လရောင်အောက်၌ ရေတွက်မရနိုင်သော ကုန်သည်များ၏ လှေများသည် ဤနေရာ၌ ကျောက်ချ၍ ဆိုက်ကပ်ထားပြီး ၎င်းတို့၏ ရွက်တိုင်များမှာ မျောလွင့်နေသော သစ်တောအုပ်ကြီးကဲ့သို့ဖြစ်နေလေသည်။
အထောက်တော်သည် သူမနှင့်အမှီ မြင်းအားဒုန်းစိုင်းစီးလာပြီး ဆိပ်ကမ်းသို့တိုက်ရိုက်သွားကာ တစ်နေရာအရောင်တွင်ရပ်၍ အလှမ်းမဝေးသော နေရာရှိ ဆိပ်ခံတံတားအား ညွှန်ပြ၍ပြောလေသည်။
“ အဲ့ဒီ့ရေသူမျိုးနွယ်ကလေးလေးက လမ်းတစ်လျှောက်လုံး သူ့အမေရဲ့အလောင်းကိုဆွဲပြီး ဒီကိုရောက်လာတာ ပြီးတော့ လူသိပ်မရှိတဲ့ ခပ်လှမ်းလှမ်းက ဆိပ်ခံတံတားကိုရှာပြီး သူ့အမေကို ရေထဲပစ်ချလိုက်တယ်------”
“ အဲ့ဒါကိုငါသိတယ် ”
ကျူးယန်မှာ စိတ်မရှည်လာတော့။
“ ရေသူမျိုးနွယ်တွေရဲ့ ရေသင်္ဂြိုလ်လေ မြေပြင်ပေါ်မှာ သေဆုံးသွားရင်တောင် အလောင်းကတော့ ပင်လယ်ဆီပြန်သွားရတယ်လေ အဲ့ဒီ့ကောင်စုတ်လေးကရော? ”
YOU ARE READING
Zhu Yan（Mirror. Zhu Yan) Novel Myanmar Translation
Historical Fictionရှောင်းကျန့်ရိုက်မယ့် ဇာတ်ကားအသစ်ဖြစ်တဲ့ Zhu Yan ရဲ့ Novel Translation ပါ^^ Title : Zhu Yan (Mirror.ZhuYan) Native Title : 朱颜（镜。朱颜） Author: Cang Yue Zhu Yan (朱颜）ဟာ 2016ခုနှစ်9လပိုင်းတုန်းက ထွက်ရှိခဲ့တဲ့ စာရေးဆရာမ Cang Yueရဲ့ ဝတ္ထုပါ။ Zhu Yan ဟာ Mir...
