~~~~~အပိုင်း《၆》~~~~~
အစီအရင်အား ဖျက်ဆီးခြင်း
(ဒုတိယပိုင်း)
Uni Ver :
“....”
ကြမ္မာထိန်းချုပ်သူအရှင်မှာ စကားသံထွက်မလာတော့။ ရှစ်ယင်အား ကြည့်နေသည့်သူ၏အကြည့်များမှာ လေးနက်ခြင်းမှ အံ့ဩခြင်းအဖြစ်သို့ပြောင်းလဲသွားပြီးနောက် ဆိုလေသည်။
“ ယင် ,မင်းလောကီ ကိလေသာအာရုံမှာ ညှိတွယ်နေတာတော့မဟုတ်ပါဘူးနော်? ”
ရှစ်ယင်၏ မျက်နှာအမူအရာမှာ အနည်းငယ်လှုပ်ရှားသွားပြီး ပြန်မဖြေတော့ချေ ။
“တကယ်ပဲအဲ့ဒီလိုဖြစ်နေတာကိုး! ”
ကြမ္မာထိန်းချုပ်သူအရှင်သည် အသက်ဝဝရှူလိုက်ပြီး ခေါင်းမော့ကာ ကောင်းကင်ပြင်တစ်ခွင်လုံး ပြည့်နှက်နေသည့် ကြယ်တာရာများအား ကြည့်ရှုလိုက်လေသည်။ ကြယ်ရောင်အောက်ရှိ
အိုမင်းနေသော မျက်နှာတွင် ဖော်ပြ၍မရနိုင်သော အမူအရာတစ်ခု ကိန်းအောင်းနေလျက်...။
“ မင်းက မင်းရဲ့အမေနဲ့သိပ်တူတာပဲ....ဟူး..ငါအပင်ပန်းခံပြီးမင်းကိုကျိုယီတောင်ပို့ခဲ့ရတာ အလကားပဲ!”
ရှစ်ယင်မှာ ဆိုလိုရင်းကို နားမလည်သဖြင့် ကြမ္မာထိန်းချုပ်သူအရှင်အား အံ့အားသင့်စွာဖြင့်ကြည့်နေလေသည်။
သူသိထားသည်မှာ မိမိသည် အနှီးထုပ်ထဲရှိစဉ်အချိန်ကပင် ဧကရာဇ်အရှင်ဖြစ်သူက အဝေးတွင်ရှိသော ကျိုယီတောင်သို့ ကျင့်ကြံအားထုတ်ရန် ပို့ဆောင်ခဲ့လေသည်ဟူ၍သာ။ ထိုသို့အပို့ခံရသည်မှာလည်း ကြမ္မာထိန်းချုပ်သူအရှင်၏ အကြံပေးမှုကြောင့်ပင်။ သို့သော် နှစ်ပေါင်းများစွာကုန်လွန်ခဲ့သည့်တိုင် သူ၏ဆရာတစ်ပိုင်း၊မိတ်ဆွေတစ်ပိုင်းဖြစ်နေသော ထိုအဘိုးအိုအား မိမိ၏ဘဝတစ်ခုလုံးကိုပြောင်းလဲစေခဲ့သော ဤအကြံပြုချက်မှာ အမှန်လော?အမှားလော?ဟူသည်ကိုမူ ဘယ်သောအခါမှ မေးမြန်းခြင်းမရှိခဲ့။
“ထားလိုက်ပါတော့... ”
ကြမ္မာထိန်းချုပ်သူအရှင်သည် ကြယ်ရောင်လင်းလက်နေသည့် ကောင်းကင်အားကြည့်၍ သက်ပြင်းချလိုက်လေသည်။
“ဒါပေမဲ့လို့ အမတသခင်အဖြစ် နေထိုင်ဖို့ဆိုတာကလည်း မင်းရဲ့ကံကြမ္မာမှ မဟုတ်တာပဲလေ, ဒီလိုလည်းမဖြစ်သင့်ပါဘူး”
ရှစ်ယင်သည် တုန်လှုပ်သွားပြီး လက်သီးကို တင်းကျပ်စွာဆုပ်ထားလိုက်လေသည်။
YOU ARE READING
Zhu Yan（Mirror. Zhu Yan) Novel Myanmar Translation
Historyczneရှောင်းကျန့်ရိုက်မယ့် ဇာတ်ကားအသစ်ဖြစ်တဲ့ Zhu Yan ရဲ့ Novel Translation ပါ^^ Title : Zhu Yan (Mirror.ZhuYan) Native Title : 朱颜（镜。朱颜） Author: Cang Yue Zhu Yan (朱颜）ဟာ 2016ခုနှစ်9လပိုင်းတုန်းက ထွက်ရှိခဲ့တဲ့ စာရေးဆရာမ Cang Yueရဲ့ ဝတ္ထုပါ။ Zhu Yan ဟာ Mir...
