Uni ver :
Mirror。Zhu Yan
~~~~~အပိုင်း《၉》~~~~~။
ပိလော့
(ပထမပိုင်း)နေဝင်ဆည်းဆာအချိန်ရောက်သောအခါ သူမတို့အဖွဲ့သည် ယဲ့မြို့ ခြေရင်းသို့ရောက်ရှိခဲ့လေသည်။
ချယ်လန်ဧကရာဇ်နန်းမြို့တော်၏ ဆင့်ပွားမြို့တော်ဖြစ်သည့်အတွက် ယဲ့မြို့၏ မြေမျက်နှာသွင်ပြင်မှာ အလွန်ပင်အရေးကြီးလှပေသည်။ ကျင့်ရေကန်အဝတွင်တည်ရှိ၍ တစ်ဖက်တွင် ကျင့်ရေကန်ရှိပြီး အခြားတစ်ဖက်ဖြစ်သော တောင်ဘက်ပိုင်းတွင် ပိလော့ပင်လယ်ပြင်ရှိလေသည်။ မင်းဆက်အဆက်ဆက် ခုန်းဆန်းဧကရီများအား မွေးထုတ်ပေးခဲ့ပါသော ပိုင်မျိုးနွယ်စုများ ထိန်းချုပ်အုပ်စိုးရာမြေပင်။ ယင်းမြို့သည် ရှေးယခင် အချိန်ကာလကတည်းက ယွင်ဟွမ်းကုန်းမြေကြီး၏ အချမ်းသာအကြွယ်ဝဆုံးသော မြို့ဖြစ်နေခဲ့လေသည်။
ကောင်းကင်မှာမဲမှောင်နေလေပြီ။ လူသွားလမ်းမကြီးဘက်မှ ကြည့်လိုက်လျှင် ထိုနှစ်ထောင်ချီသမိုင်းအစဉ်အလာကြီးမားခဲ့သော မြို့မှာ တိမ်ပေါ်၌ မျောလွင့်နေသည့်အလားထင်ရပြီး ငွားငွားစွင့်စွင့်ဖြင့် ခမ်းနားထည်ဝါလျက် ရောင်စုံရောင်ခြည်တန်းများ၊ ပန်းပုရုပ်ထွင်းထုထားသည့်တိုင်လုံးများနှင့် အံ့ချီးဖွယ်ရာ စံအိမ်ကြီးများက တစ်ထပ်ပြီးတစ်ထပ် တည်ရှိနေလေသည်။ ညဘက်ရောက်နေသဖြင့် မြို့တစ်ခုလုံး မီးရောင်များဖြင့် ထိန်ထိန်လင်းလျက်ရှိကာ ထူထဲပြည့်သိပ်စွာရှိနေသည့် ကြယ်တာရာများ အတိုင်းပင်။ ၎င်းသည် ကောင်းကင်ထက်၌ လွင့်မျောနေသည့်မြို့နှင့် ပို၍ဆင်တူပေသည်။
“ ရောက်ပြီ ရောက်ပြီ !”
သူမသည်မအောင့်ထားနိုင်တော့ဘဲ ဝမ်းသာအားရ ပြောကာ စိတ်ဆင်းရဲမှုများကို ရှင်းလင်းဖယ်ရှားလိုက်လေသည်။သို့သော် ရှေ့မှအရင်သွားနှင့်ပါသော အထောက်တော်သည် မြင်းအားအသော့နှင်စီးလာပြီး ဒူးထောက်ကာ စိတ်ဓာတ်ကျစရာသတင်းတစ်ခုအား လျှောက်တင်လာလေသည်။
“ မင်းသမီးကို လျှောက်တင်ပါတယ် ကျွန်တော်တို့ ရောက်တာနောက်ကျသွားပြီး ညဘက်ရောက်ပြီဖြစ်လို့ မြို့တံခါးပိတ်သွားပါပြီ ”
YOU ARE READING
Zhu Yan(Mirror. Zhu Yan) Novel Myanmar Translation
Historical Fictionရှောင်းကျန့်ရိုက်မယ့် ဇာတ်ကားအသစ်ဖြစ်တဲ့ Zhu Yan ရဲ့ Novel Translation ပါ^^ Title : Zhu Yan (Mirror.ZhuYan) Native Title : 朱颜(镜。朱颜) Author: Cang Yue Zhu Yan (朱颜)ဟာ 2016ခုနှစ်9လပိုင်းတုန်းက ထွက်ရှိခဲ့တဲ့ စာရေးဆရာမ Cang Yueရဲ့ ဝတ္ထုပါ။ Zhu Yan ဟာ Mir...