Knight and Dei

Chapter 01

MADILIM at masukal ang eskinitang dinaanan ng dalawang taong naghahabulan -- ang isa'y suspect sa isang pagnanakaw habang ang humahabol nama'y isang pulis na hangga't maaari'y ayaw nitong paputukin ang dalang baril. Nais nitong mahuli ang magnanakaw ng buhay at humihinga.

May kalaliman na rin ang gabi nang makatanggap sila ng tawag mula sa isang naghihisterikal na residente dahil sa nangyaring pagnanakaw sa kanilang bahay kaya hindi na nag-atubili ang mga pulis na rumesponde sa kanila.

Ito ang pangatlong kaso ng pagnanakaw na natanggap nila sa loob ng dalawang linggo at hinihinala nilang iisang tao lamang ang nasa likuran nito sapagkat pareho ang modus operandi ang ginamit nito - hihintaying makatulog ang mga tao sa loob ng bahay at sa likod ng bahay sila dumaraan.

Isang maliit na papel ang nakita ng mga kapulisan sa may lock ng bawat pintuan kaya't madaling napapasok ang kanilang mga bahay.

Umaalingasaw ang amoy ng creek na natambakan ng basura ang napuntahan nila. Puno rin ng iba't ibang metal at barong-barong na bahay ang kapaligiran ng tinatahak nila.

Inakyat ng magnanakaw ang bakod na gawa sa rehas upang matakasan ang humahabol sa kaniya. Wala itong balak magpahuli ngunit mukhang minamalas talaga siya ngayong gabi dahil maliksi ang pangangatawan ng pulis na ito.

Napamura siya ng malutong dahil mauubos na ang kaniyang enerhiya katatakbo ngunit hindi nagpapaawat ang humahabol sa kaniya. Napatigil na lamang ito nang kamuntikan itong malaglag sa bangin dahil nilingon niya ang pulis. They both reached a dead end.

"Itaas mo ang mga kamay mo kung ayaw mong mapuruhan ng bala ko." His voice was soft but his tone was deadly. Walang nagawa ang magnanakaw kundi ang itaas ang kaniyang mga kamay tanda ng pagsuko. Hindi na rin ito nanlaban nang marinig niya ang pagkasa ng baril mula sa kaniyang likuran.

──⊹⊱✫⊰⊹──

NASA presinto na sila at sinalubong ang mga ito ng mga reporters. Gustong umirap ng binatang pulis na nakahuli sa magnanakaw, 'ang bilis talagang kumalat ng balita!' puna ng isipan nito habang hinahawi ang mga reporters upang makapasok na sila.

Tinalukbungan nila ang mukha ng magnanakaw bago ilabas sa police van. They don't want to disclose any personal information about the suspect lalo na't hindi pa sila sigurado kung siya nga ang matagal na nilang hinahanap.

Lahat ng mga mata'y napako sa binatang patubo na ang balbas at magulong buhok na halos tinatakpan na ang kaniyang mga mata habang dinadala ang kaniyang nahuling suspect sa kaniyang lamesa. Pinaupo niya ito at marahas na tinanggal ang police jacket na nagtatakip sa mukha nito.

Nasa late forty's na ang lalaking nahuli, nag-uumpisa na ring mamuti ang ilang hibla ng kaniyang buhok, may kaitiman ang balat na tila babad sa araw. Maaaninag mo sa kaniyang mukha ang kaniyang pagkadismayang nahuli siya ngayong gabi.

District 4, or the Northern Region of the country, is the easiest place to rob. Maraming bahay-bakasyunan rito ang mga mayayaman dahil sa angking ganda ng lugar na ito na halos walang tumitira kapag hindi vacation season.

The Northern Region is composed of beautiful beaches and seas. Ito ang pinaka-kalmadong lugar sa bansa kaya halos bumaliktad ang mundo ng mga mamamayan nang maging talamak ang pagnanakaw at halos tatlong buwan ring hindi matukoy ng kapulisan kung sino ang nagnanakaw. Ito rin ang dahilan kung bakit maraming reporters ang nakaabang sa labas kanina.

"Arnel Dimasalang." binasa nito ang pangalan mula sa ID ng suspect. He grinned before looking back at the man who was displeased. "Naubos ang suwerte mo ngayong gabi."

Umiwas ng tingin si Arnel. Ang mga mata nito'y galit na galit. He was dubbed as The Invisible Man for almost a year dahil wala ni isang CCTV footage ang nakakuha sa kaniyang pagpasok sa mga bahay upang magnakaw.