Knight and Dei

Chapter 13

Nakapalibot sina Dei, Knight, at Xander sa maliit na mesa kung saan nakapatong ang cellphone ni Xander na naka-loudspeaker. Nasa kabilang linya ay si Dra. Erika Zalameda, ang kanilang Resident Forensic Pathologist.

"Sigurado ka ba sa pangalang sinambit mo?" nagtatakang tanong ni Xander habang nakatitig sa tablet na hawak ni Dei. Naroon ang isang death registry ng isang bata.

"Oo." Maikling sagot ni Erika. "The test came back and it matched Erwin Garces' profile." There was a long pause from the trio and Erika finds it puzzling. "Bakit?"

"According to the National Registry of Birth, Death, and Marriages, Erwin Garces died when he was five back in the early nineties." Paliwanag naman ni Dei. "He died because of pneumonia."

"W-What?" Naibulalas ni Erika mula sa kabilang linya at narinig nila itong nagtitipa ng kaniyang keypad. "Ipinadala ko sa inyo ang file kung saan naka-rehistro si Erwin Garces. Isa siyang tattoo artist. His business and home addresses are there."

Binuksan si Knight ang email mula sa laptop ni Xander. It was an internal link that redirected him to Morville City's official registry website. Singkit ang mga mata ng lalaking nasa larawan, tila nasa trenta y dos anyos na ito, at seryoso ang pagkakatitig sa kamera. May silver lip ring ito sa bandang kaliwa ng kaniyang ibabang labi, semi-kalbo ang buhok nitong nakulayan ng kulay abo, at makikita ang isang parte ng kaniyang tattoo sa kaniyang kanang leeg.

"Patingin ng nasa Registry of Death," pakiusap nito kay Dei at iniabot naman sa kaniya ng dalaga ang tablet na hawak niya. Ipinagkumpara niya ang mga data mula sa magkaibang website. "The name, the birth date, and even the place of birth... they all match."

Nilapitan siya nina Xander at Dei upang tingnan ang mga impormasyon at ipinagkumpara ang dalawa. Halos paalisin ni Dei sa kinauupuan si Knight at walang nagawa ang binata nang maging si Xander ay halos itulak siya palayo sa upuan.

"Nakikita niyo ba ang nakikita ko?" Tanong ni Dei sa dalawa. Itinuro niya ang isang impormasyon na ikinalaki ng kanilang mga mata.

"Eliseo Garces?" Hindi makapaniwalang saad ni Xander nang mabasa ang pangalang naka-rehistro bilang birth father ng dalawang taong iyon.

"Eliseo Garces." Pagkumpirma ni Dei habang tatango-tango mula sa kaniyang kinauupuan. "Ang prime suspect ng Black X case na ngayon ay nakakulong sa Morville Penitentiary." Nilingon niya ang dalawang kasama habang nanatili sa kabilang linya si Erika, nakikinig sa mga pinag-uusapan nila. "Sa tingin ko naman, sapat na rason na ito upang i-reopen ang kaso and to pay him a visit."

──⊹⊱✫⊰⊹──

Naghintay si Knight at si Xander sa visiting area. Narito sila ngayon sa Morville Penitentiary. Their petition to visit Eliseo Garces was granted in less than an hour when they presented evidence that could help them solve the recent crime.

May dalawang pulis na nakaalalay kay Eliseo nang ilabas siya sa visiting area at nanatili sila sa magkabilang gilid ng pintuan papasok sa mismong kulungan, iba pa ang mga pulis na nagbabantay sa pinto papalabas.

Nasa pribadong visiting area sila ngayon at isang salamin ang naghahati sa kinaroroonan ng suspect at ng kaniyang mga bisita. Eliseo looked grim and wrinkles were visible on his face as well as his greying hair. Halos bente anyos na siyang nakakulong rito at mula noon ay piling-pili lamang ang pinili niyang pagbigyang makita ngunit iba ang sitwasyon ngayon, hindi siya binigyan ng ibang choice kundi ang makipagkita sa dalawang detectives.

"Eliseo Garces," tawag ni Knight sa kaniya. The old man's expression remained unchanged, as if he was oblivious to the intense gaze directed at him. Parang wala itong pakialam sa mundo. "Nais ka naming makausap tungkol sa anak mong si Erwin Garces."