صحينا على صوت عمتي غادة، قالت لينا انا طالعة عايزاك يا هيام تعملي ليهم الأكل لأني يمكن اجي متأخرة، قلت ليها حاضر،و ما قدرت اسألها عن الشغالة البتطبخ ليهم ،لأني عارفة انها عملت كدا بس عشان نحنا قاعدين معاها في البيت و هي مجبورة علينا، المهم مشيت عملت ليهم الأكل ،اصلا هي عندها ولدين و بت، ولدها الكبير هيثم برا السودان، بعديهو يقين و اصغر واحد احمد، جات راجعة لقتني عملتو قالت لي غسلي لينا العدة و اعملي الشاي، عملتهم كلهم و في حاجات ما طلبتها مني عملتها، لأني انا زاتي حاسه نفسي عبأ عليهم و لمن اشتغل ليهم كدا كأني دفعت ليهم ثمن قعدتنا معاهم، المهم استمر الحال كدا بقيت شغالة ليهم صباح و مساء حتى بعد ما ارجع من الجامعة بشتغل ليهو و انا ما فيني حيل، امي دي بس بتبكي، ما عندنا زول يساعدنا اعمامي كلهم ما عندهم شغلة بينا عشان امي غريبة عنهم يعنى ما من اسرتهم 💔حسان اتصل علي في تلفوني و دي كانت اول مرة يتصل، مديت التلفون لأمي و قلت ليها ردي انتي، رديت عليهو سلم عليها و قال ليها وين انتوا جيت البيت و ما لقيتكم، قالت ليهو والله نحنا رحلنا مع ناس عمت اولادي في الشارع التالت طوالي وصفت ليهو البيت ما تم دقيقتين الجرس ضرب طبعا نحنا بعاد منهم و ما سامعين حاجة فتحت غادة، سلم عليها و قال ليها عايز اشوف خالتو حنان و بتها قالت ليهو اتفضل طوالي قعدتو في الصالون و جاتنا بهناك قالت لينا في زول عايز يشوفكم، طبعا كانت متحيرة و بتسأل في نفسها دا منو و بعرفهم من وين، شكلو غنى شديد و سمح و وجيه بالله هيام دي طلعت ما هينة و عاملة نفسها مسكينة 😏دخلنا الصالون و سلمنا عليهو، بقبت كل مرة ارفع فيها عيني بلقى حسان بعاين لي لمن عقدنا و غادة مراقبانا من بعيد، جرت سرعة نادت بتها يقين، قالت ليها شوف دا منو دا؟ يقين قال ليها دا حسان صاحب هاشم، بعد وفاة هاشم بقى يجي يزورهم كل مرة و يتفقد حالهم 😒بقوا الإتنين مراقبننا من بعيد في النهاية حسان استأذن و قال لينا ح اجيكم مرة تاني امي شكرتو و قدمتو لحدي الباب 💚غادة بقت تفكر طول الليل و ما نامت ليها عين، بقت بتتذكر في نظرات حسان لي كانت ح تموت من الغيظ، بقت تفكر و تفكر لحدي ما نامت، في يوم من الأيام جيت تعبانة من الجامعة نادتني غادة و كانت معاها ضيفة قالت لي تعالي اعملي لينا شاي، سلمت على الضيفة و مشيت عملت ليهم الشاي و جبتو ليهم، بعد ما طلعت منهم الضيفة قالت لغادة دي منو البت دي، قالت ليها دي قريبتنا ما تشغلي بالك بيها، قالت ليها سمحة ما شاء الله، غادة لوت خشمها لمن الضيفة قالت كدا، بعد مسافة الضيفة قالت ليها عايزاها لولدي، عمتي غادة قالت ليها شنو 😱عايزا البت دي لولدك، دي ما بتناسبكم عايني مستواكم وين و مستواها وين، قالت ليها ما بهمني، لأنو البت عجبتني شديد كلمي لي زول من اهلها او انا براي ح اكلمهم و كانت قايمة بس عمتو غادة منعتها و قالت ليها خليها علي ح اكلمهم ليك 👿المهم الضيفة استأذنت منها و مشت، يوم انا و شيماء بعد طلعنا من الجامعة قالت لي اليوم عازماك ارح مطعم ()قلت ليها جدا 😍مشينا و طلبنا و قعدنا نتونس، يعنى شيماء دي نعمة بالجد معاها بنسى مشاكلي و همومي كلها،ونستها سمحة و كلها ضحك و دراما، اثناء ما نحنا بنتونس كدا لمحة ليك حسان و معاهو وحده جو داخلين المطعم، بقيت مطيرة عيونو و متابعاهم لحدي ما قعدوا، ما عارفة لي انا زعلت لمن شفت بت معاهو حسيت نفسي مضايقة شديد لمن شفتهم سوا 😤شيماء قالت لي مالك، ليه ملامح وشك دي اتغيرت لمن شفتي حسان مع البت ديك ما يكون ..قاطعتها و قلت ليها لا ماف حاجة زي دي و انا دموعي قربت تنزل ،كل مرة اعاين ليهم بلقاهم بضحوا بالله التقول قاعد معاهم فضيل، بقيت اعاين و اعاين لحدي ما حسان لمحني، إلتفت منو طوالي، شويه كدا جونا هم الإتنين سلموا علينا و قالوا لينا ممكن نقعد معاكم شيماء قالت ليهو طوالي اتفضل يا حسان 😍و هو ما صدق طوالي قعد و هاك يا الونسة، شيماء قالت ليهو ما عرفتنا بالحلوة المعاك دي، البت ابتسمت عشان قالوا ليها حلوة 😏قال ليها دي نور صديقة الطفولة و بت عمي، طبعا من قال بت عمو بقيت اشوف طشاش طشاش، إلتفت على نور و قال ليها دي هيام اخت هاشم صحبتي بتعرفيهو مش، قالت ليهو اي ربنا يرحمو، قال ليها و دي شيماء صحبتها، قالت لينا اتشرفت بمعرفتكم شيماء رد ليها لينا الشرف، اما انا فما كنت قادرة انطق بحرف لأني عارفة نفسي لمن اكون زعلانة و اتكلم دموعي بتجري عشان كدا كنت ساكته و بسمع بس، رفعت عيني لقيت حسان بعاين لي نزلت راسي و بقيت بطقطق في اصابعي دا كلو توتر، عاد شيماء و نور ما وقفوا من الونسة دقيقة، حسان زاتو بقى يشاركهم و يضحك مع نور 😤ما قدرت اتحمل شويه كدا و كنت ح ابكي ،لمن حسيت اني خلاص ح ابكي، قلت لشيماء خلينا نمشي و ما انتظرت ردها طوالي طلعت، كلهم استغربوا من تصرفي دا، شيماء قامت على حيلها حسان قال ليها ألحقيها و انا ح ادفع، جاتني جارية قالت لي مالك يا هيام و دا شنو التصرف البايخ العملتيهو دا، قلت ليها انا ماشه البيت لأني زهجت من القعدة، قالت لي لكن ما بالطريقة دي، وريني انتي ليه كنت مضايقة؟ لاحظت ليك من ما حسان و نور قعدوا معانا و انتي ما طبيعية يعنى انتي بتحبي حسان ولا حاجة، قلت ليها لا و ما تسأليني تاني 😭قالت لي طيب البكي لزومو شنو، بتبكي ليه يا هيام مدام هو ما بهمك و انتي ما بتحبيهو، قلت ليها ما عارفة بس عايزا ابكي و خلاص، قالت لي امرك عجيب يا صحبتي
يتبع.......
