قلت ليها خوفتيني الحاصل شنو هناك ؟انتوا كويسين ؟! قالت لي والله يقين دي ليها يومين مختفيه ،قلت ليها كيف يعنى مختفيه اتصلتوا عليه ؟بلغتوا الشرطة ؟قالت لي بنتصل عليها بس تلفونها مغلق و حازم رفض انو نبلغ الشرطة ،قلت ليها ما على كيفك ثم تانيا ليه يرفض دي زوجتو في الناهية ،هسي انا ماشه ابلغ ،قالت لينا نحنا ما بلغنا لأنو يقين دي شكلها هربت من البيت ،قلت ليها دا كلام شنو دا و تهرب ليه و انتوا ليه فكرتو كدا في سبب يخليها تهرب ،قالت لي لأنها سحبت مبلغ من البنك و ما ظهرت تاني ،الخبر دا صدمني و ما عرفت اعمل شنو مشيت كلمت عمتي غادة قالت لي كيف يعنى تقولي بتي هربت تهرب من شنو قايلاها مقطوعة من شجرة زيك كدا و قعدت تجوط و تكورك و شالت تلفونها اتصلت على بتها بس لقت التلفون مغلق ،امي قالت لي امشي لنسابتك بكونوا محتاجنك في وقت زي دا قلت ليها ما بمشي إلا رجلي برجلك انا مستحيل اخليك تقعدي هنا معاهم قالت لي لا يا بتي كيفن امشي و اسكن في بيت نسابة بتي و بعدين عمك حسن لو عرف إني رحلت منهم ح يزعل و ح يحس بإنو مقصر مننا ،قلت ليها يمه حاليا عم حسن مسافر و حتى لو عرف ح ألقى ليهو عذر هسي خليتي ألم حاجاتك دي كلها رفضت و حلفت ما بتمشي معاي بس انا اصراري المرة دي و بعد حالتها الشفتها فيها كان اكبر من عنادها يعنى خلاص ح احسم الموضوع دا امي دي ما ح تقعد دقيقة هنا ما اشتغلت بيها لميت حاجاتنا و البيت مشت معانا عمتي غادة اول ما دخلت بدت تصرخ و تقول كيف تقولوا بتي هربت انتوا قايلنها شنو عشان تهرب ،عمتي محاسن قالت ليها استهدى بالله يا غادة نحنا ما متأكدين من انها هربت ولا لا بس دا الإستنتجناهو بعد ما سحبت قروش من البنك و ما ظهرت تاني ،قالت ليها و ما تسحب قروش كان سحبت مش قروش راجلها و الله دا اخر الزمن مرة تشيل من قروش راجلها و تقولوا عليها حرامية و هاربة ،عمتي محاسن قالت ليها سمح بنتك ما هربت لكن وينا هسي ليها يومين ما ظهرت ،عارفة مكانها وين ؟عندك معلومات عنها ؟و بدت الجوطة وسط الضجيج و الأصوات العالية دي كلها انا كنت بنتبه مع حازم يعنى ما ظاهر عليهو إنو زعلان على مرتو و حتى إنو ما مستغرب من تصرفها دا ،بصراحة للحظة شكيت فيهو معقولة يكون عمل ليها حاجة ،لا لا ما اظن لأنها زي ما قالوا سحبت مبلغ من البنك و ما ظهرت تاني ،معروف يعنى خالتو غادة و يقين اكتر حاجة بحبوها في الدنيا دي القروش ،قلت لعمى موسى الرشيد خلونا نبلغ الشرطة على الأقل كدا ح نطمن عليها و ان شاء الله ما يكون حصل عليها حاجة ،عمتي غادة قالت لي عايزة تفضحي بتي مش عايزا الخبر دا ينتشر عشان تشوهي سمعت بتي مش يا وسخة ،سكت و ما اتكلمت معاها ما عرفت اعمل شنو ،عمي موسى قال لينا زي ما قالت هيام احسن نبلغ الشرطة ،طلع و معاهو حازم عشان يمشوا يبلغوا و نحنا هنا بقينا محتارين و افكارنا بقت تطاش ،بقينا منتظرين حازم و عمى موسى اول ما وصلوا قالوا لينا فتحنا بلاغ و الشرطة ح تفتش عليها بدون ما تنشر صورتها اي معلومات عنها ،بقينا عايشين على اعصابنا مروا 3 أيام و لسه ماف خبر عن يقين 💔 بقيت افكار شديد لمن زهجت من التفكير قلت احسن امشي الحديقة الخلفية لمن مشيت هناك حسيت بحركة زول ورا الشجر بقيت ماشه براحة براحة عشان ما اعمل صوت لحدي ما وصلت ورا الشجرة كان حازم قاعد في الواطة بدون ما انتبه عفصت فرع شجرة و عملت حركة ،خفت يكون شافني بس شكلو ما انتبه لي بقيت اقرب حبه حبه عشان اشوفو بعمل في شنو قربت ليهو شديد فجأة سمعت صوت تنهيدات و بكى طالعة منو كان بقول ليه يا يقين عملتي فيني كدا ليه مشيتي و خليتيني الكان ناقصك شنو ما عارف الغلط العملتو في حقك عشان تجازيني كدا 😭💔رجعت لورا عشان ما يحس بي بس إلتفت علي و طوالي قش دموعو قلت ليهو آسفة ،طوالي مشيت جوا ،من جهة انا محتارة في حازم المتنافض دا و من جهة تانية حازم كان ببتسم بخباثة بعد ما انا مشيت و قال شكلها صدقت الغبية دي اصلا انا حسيت بيها لمن جات بس لازم المرة الجاية انتبه و اخد حذري لازم اطلع البلوة دي بأي طريقة قبل ما زول يعرف ،كلام حازم دا كلو في زول كان سامعو و صورو فيديو كمان، عملت الشاي و وديتو ليهم كلهم في غرفهم بس ما لقيت عمي موسى في غرفتو عمتي محاسن قالت لي بكون في المكتب بتاعو فوق ،قلت ليها طيب ح اودي ليهو الشاي ،اثناء ما انا ماشه ليهو كدا ،لاقتني حليمة و قالت لي انتي ارتاحي انا الح اوصل ليهو الشاي قلت ليها لا ما فيها تعب بس الغريبة انها كانت مصرة شديد و دي ما اول مرة دايما بتحاول انها تدخل المكتب بتاع عمى موسى ،شالتو مني و ودتو ليهو ،شكيت في امرها قلت احتمال عايزا تسرقنا بس المكتب فيهو شنو ؟بكرا لازم اخشوا و اشوف لو في حاجات او اوراق مهمة اقول لعمى موسى يدسهم كويس ،مروا يومين تاني و ماف خبر عن يقين عمي حسن و عمتي غادة حالتهم بقت صعبة شديد كل يوم يتصلوا و يسألونا اذا يقين رجعت أو في خبر عنها ،كنت مخططة اني لازم اخش المكتب دا بس نسيتالحاجة دي خالص و راحت عن بالي ،من جهة تانية عمتي غادة كانت بتبكي و بتقول لعمي حسن السبب كلو حنان و بتها هيام اكيد عملوا عمل لبتي ،اكيد مشوا ليهم لشيخ عشان يدمر حياة بتي انا ما عافية ليهن دنيا و آخرة بعد العملتوا ليهم يا حسن عملوا سحر لبتك هسي لا معروفة ميتة لا معروفة حية 😭الله ينتقم منهن و ان شاء الله يقفلها عليهن محل ما يقبلن ،عمي حسن كان ساكت ساي و ما قادر يقول حاجة بسبب المصيبة الجاتم دي ،و اصلا ما حاول يفكر في كلام مرتو دي كان بسمعها بهنا و بطلع كلامها بهنا ،تاني مر اسبوع من فتحنا البلاغ و لحدي الآن ما خبر ،كنا قاعدين انا و امي و عمتي محاسن و متمحنين في الحاصل دا جاتنا حليمة و قالت إنها ح تخلي الشغل لأنو امها عيانة و هي مسافرة ليها في البلد ،عمتي محاسن قالت ليها سمح اديك اجازة كم يوم ؟قالت ليها انا عايزا اخلي الشغل دا نهاي ،قالت ليها ليه يا بتي قصرنا معاك في حاجة ؟قالت ليها لا والله حاشاكم من التقصير بس خلاص بعد دا عايزه اكون وسط اهلي و اكمل حياتي عادي ،قالت ليها سمح يا بتي مشت جابت ليها قروش و سلمتهم لينا حليمة مسكت في عمتي محاسن و قعدت تبكي فجأة الإتنين بدوا يبكوا 😭عمتي محاسن قالت ليها ما كان العشم تمشي و تخلينا والله اتعودنا عليك شديد يا بتي 💔بعديها ودعتنا و مشت ،ما عارفة ليه بس حسيت نظرات حليمة لعمتي محاسن كلها حنية و في نفس الوقت نظرات اعتذار كأنها بتعتذر عشان حاجة كأنها بتقول ليها عايزاك تسامحيني و بس كأنها بتقول ليها سامحيني على الحاجات الحتحصل ليك لقدام 💔ما عارفة اذا كان احساسي دا صح أو انا ساي مكبرة الموضوع ،زي الساعة 11كدا شلت الحليب و وديتو لأحمد بس قلبي كان مقبوض حاسه في حاجة ح تحصل بتوتر شديد لمن افكر في بكرا نفس الإحساس الكنت حاساهو في الليلة القبل وفاة هاشم حاساهو هسي ،بديت ابكي ساي بمجرد التفكير في الجاية مشيت صليت ركعتين و جبت المصحف و قعدت اقرا في القرآن و دموعي ديل عشرة عشرة يا ربي شنو الح يحصل بكرا يا رب جيب العواقب سليمة يا رب ارحمنا برحمتك يا ارحم الراحمين يا رب ما افقد عزيز علي كفاية الخسرتهم ما هينين ،خسرت ابوي و اخوي و ..وو و حسان 💔يا رب كفاية الحصل معاي يا رب ما تضوقني من كأس الحرمان و الفقدان بعد ما خلصت اتمنيت انو الصباح ما يجي اتمنيت انو الليل يبقى طويل مع كل دقيقة بتمر انا قلبي بتزيد ضرباتو في شنو بكرا اللهم اجعله خير 💔
"مَلئتُنا الأيام بالخيبات، و شاهدنا سقوطنا مراراً..
فقدنا آرواحنا، وأجزاءٌ منا،....
ذهبنا لإحتضان الحياه فقابلتنا بصفعة في وجهنا، و حطمت ما تبقي منا..
و رغم هذا يبقى الخوف من ذلك المجهول هو الأدهى و أمر 💔
يتبع......
