عثمان : اها جاهزة يا مها من بكرة ح تبدي بتنفيذ الخطة .
مها : ايوا جاهزة يا عثمان و متحمسة شديد عشان ألقى القبض على واحد من اخطر رجال الأعمال في الديب ويب
عثمان : متأكدة من إنو ح تقدري عليهو يا مها ؟! ما عايز احبطك أو اخوفك بس يا مها الناس ديل لو كشفوا هويتك ما ح يخلوك انتي ولا اهلك في حالكم
مها : عارفة يا عثمان و ان شاء الله ح نقدر نقبضوا زي ما قدرت الشرطة تلقي القبض على الأرنب السفاح
عثمان : بمناسبة الرجل الأرنب دا احكي لي كيف قدرت الشرطة تلقى القبض عليهو ؟
نبذة بسيطة عن الديب ويب :
الديب ويب من اخطر المواقع الموقع دا بكون فيهو كل المجرمين و السفاحين و السياسين و رجال الأعمال فيهو بتتم جرائم قتل بأبشع الطرق فيهو بتم اغتصاب الأطفال و كمان ببث مباشر فيهو بيتم بيع الأسلحة الخطيرة و بيع الأعضاء يعنى ابشع حاجة ممكن تخطر في بالك موجودة في الديب ويب الموقع دا الجزء الخفي من النت يعنى ما زي وسائل التواصل الإجتماعي لأنو مواقع السوشال ميديا بتكون مراقبة و ممكن لجهاز المخابرات السرية أو الشرطة الإلكترونية تصل للمواقع دي أما الديب ويب ماف اي زول بقدر يصل ليهو ماف اي محرك بحث بقدر يوصلك ليهو يعنى حتى قوقل ما بقدر يخش الموقع دا لأنو محظور و مشفر بخشوهو الناس العندهم خبرة في الهكرز و بكونوا عاملين حسابهم لأنو بمجرد دخولك لديب ويب بيتم تحديد موقعك و بيتم سحب بياناتك من جهازك الشخص يعنى بتتوفر ليهم معلومات عنك عشان ماف اي زول يشكل خطر عليهم ،و بدخلوهو بمتصفحات خاصة .
مها : متذكرة يا عثمان زمان في الأعوام 2010 و 2009 تقريبا كترة عمليات اختطاف الأطفال ما كان في السودان بس لا كان في كل انحاء العالم ،البرازيل كانت وحدة من الأماكن الكتر فيها الإختطاف فكانت الأسر بتودي اطفالها للحضانة ، وحده من الأسر دي كانت بتخت جهاز مراقبة في رجل طفلهم ،و فعلا تم خطف اطفال و من بينهم الطفل دا و تم ابلاغ الشرطة و شغلوا جهاز المراقبة و قدروا يحددوا مكان الطفل لمن الشرطة اتحركت للموقع كان عبارة عن مزرعة كبيرة و في حته بعيدة او ما دخلوا لقوا السفاح الأرنب و هو بقتل في طفل بأبشع الطرق و فاتح بث مباشر للمشاهدين الفي الديب ويب و كل ما كانت طريقة القتل بشعة زاد عدد المتابعين و بالتالي بزيد المبلغ المالي تم القبض عليهو و كان في كتير من الأطفال المغتصبة و المقتولة اعمارهم بتتراوح بين 6شهور و سنتين ،الشرطة فتشت المزرعة دي كلها لقت زي 70طفل مقفولين في كوخ صغير و حالتهم سيئة جدا و لقت في اطراف المزرعة جثث اطفال مدفونة هناك ،تم القبض على السفاح الأرنب عام 2014 و سموهو الأرنب لأنو كان بظهر في الفيديوهات لابس قناع الأرنب ،ما كان في معلومات كتيرة عنو لا صور لا إسم بس عرفنا إنو جنسيتو امريكي ،و المزرعة بتاعتو كانت في البرازيل ،في ملفو الجنائي عندو صورة وحده بس و الشرطة الأمريكية منعت من تسريب اي معلومات بخصوص ،لمن جابوهو للمحكمة و بدا يحكي ليهم ،القاضي و المحامين وقفوهو و ما قدروا يسمعوا أكتر من كدا جرائمو العملها بشعة شديد ماف زول بقدر يتحملها أو يسمع اكتر و فورا حكم عليهو القاضي بالإعدام
عثمان : لا حول ولا قوة إلا بالله ،معقولة في زول نفسو بتسمح ليهو يعمل كدا ياخ دا مجرد من الإنسانية عديل 💔
مها : و لسه في ابشع من كدا ،متذكرة الصورة الشفتها قبيل ،دي كانت لعم طارق كان شغال معانا هنا قسم الجرائم الإلكترونية
عثمان : اي شفت الصورة و الشباب قالوا لي إنو اتوفى ،طبعا انا جديد معاكم و ما بعرف قصتو شنو
مها : في فترة كدا خلى الشغل معانا لأنو كان عيان عندو فشل كلوي سافر امريكا ،الدكاترة قالوا انو محتاج لكلية جديدة ،عم طارق دخل الديب ويب عشان يشترى كلية من هناك دخل اسمو و بياناتو ،و اشتراها و دفع ليهم بعملة مشفرة ،بعد نص ساعة تقريبا الجرس رن فتح الباب و لقى الكلية وصلت ،في اليوم التاني عمل العملية و كانت ناجحة ،بعد فترة وصلنا خبر من امريكا انو قتل و اعضاء كلها ما موجودة لمن راجعوا كاميرات المراقبة عرفوا انو دخل الديب ويب و اشترى الكلية منهم ،الكاميرات كانت شغالة لحدي اليوم القبل وفاتو يعنى اللحظة القتل فيها الكاميرات كانت واقفة و ماف اي صورة للقتلة
عثمان : معناها غشوهو و كانوا مراقبنوا ،و في النهاية عطلوا الكاميرات و بدل الكلية الوحده شالوا اتنين بالإضافة لباقي الأعضاء ،حسبي الله و نعم الوكيل فيهم
مها : انت عارف جثو ما بتقدر تعاين ليها مرتين حتى الجلد و العيون شالوها
عثمان : شنو و بعملوا شنو بالجلد و العيون
مها : بستعملوها للزينة في ناس مهوسة بالحاجات زي يعنى زي ما بنستخدم جلود الحيوانات كسجادات و زينة هم بستخدموا الجلود البشرية و العيون بتكون للزينة في البيت
عثمان : لا إله إلا الله حسبي الله و نعم الوكيل فيهم ياخ ديل ما بشر
في مكان آخر و بلسان هيام
في الفترة دي لاحظت تحسن كبير في حالة احمد بقى يتذكر شويه شويه و انا لحدي الآن ما كلمت زول ،قلت الليلة ح اكلمهم و افرحهم معاي ،كنت نازلة ليهم تحت قبل ما انزل فتشت تلفوني و ما لقيتو قلت بكون احمد دساهو فتشت الغرفة دي كلها قلت يمكن يكون جدعو تحت السرير و لمن نزلت عشان اشوف تحت السرير اتفاجأت بكمية كبيرة من الأدوية مجدوها تحتو و دي الأدوية بتاعت احمد معناها هو ما كان ببلعها 😧انا ما فاهمة حاجة ،بس حالتو اتحسنت شديد ،اذا ما كان هو بياخد الأدوية دي اتحسن كيف ،راسي بقى جايط من الأسئلة دي اول زول فكرت فيهو حازم قلت احسن امشي اكلمو بالحاصل ،لمن وصلت غرفتو سمعتو بتشاكل مع يقين و اصواتهم عالية ،قلت احسن ارجع و اجيهو بعدين اتحركت خطوتين كدا سمعت يقين قالت ليهو والله افضحك و أكلم هيام و أمك بعمايلك ،قال ليها يعنى بتهدديني ،قالت ليهو اي بهددك و اذا ما اديتني المبلغ المطلوب والله اقول لهيام انك سبب حادث احمد و انك اديتو أدوية غلط عشان حالتو تدهور لأنك ما عايز ذاكرتو ترجع ليهو ،انا متأكدة انو عندك سر كبير و هو عارفو ،رفع يدو عليهو و ضربها كف و بدا يشاكل فيها ،انا بقيت مصدومة واقفة قريب ربع ساعة بحاول استوعب السمعتو دا ،معقولة حازم يعمل في اخوهو كدا ،في اخ بعمل كدا في اخوهو يا ربي احمد دا ما اخو حازم ،اتذكرت انو أحمد و حازم اخوانا من أم ،بس دا ما مبرر للعملوا ما فرقت اذا كان اخوك من أم او من اب ففي النهاية هم أخوان 😭لا لا ماف اخ بعمل في اخوهو كدا بس حازم عمل كدا ،معناها احمد كان بشكل ليهو تهديد كبير معناها أحمد عارف سر كبير ،نزلت تحت سرعة قبل ما يشوفوني ،بقيت ماشه و ما منتبه بالصدفة اصطدمت لي بزول كان..
يتبع.........
