♥ فى الخامسه تقريبا من نفس يوم حادثه البسين الصباحيه ♥
جست رؤيا جبين دهب حتى تتاكد من نزول درجه الحراره وتنفست الصعداء لنزولها الان
فهى فى وقت سابق اتصلت بامانى واعتذرت عن الذهاب الى عملها هذه الليله
فالصغيره كانت تحتاجها بشده وعلى الرغم من انها كانت على مايرام بعد حادثه الصباح التى حدثت على البسين الا ان الصغيره المسكينه ارتفعت درجه حرارتها بعد الغذاء مباشره واستعانت بسليم وطلبت منه احضار طبيب اطفال على وجهه السرعه
وبالفعل قام سليم باستدعاء طبيب شاب من اقرب مستشفى اليهم و قام بتوقيع الكشف على دهب وفحصها جيدا........ وبعد الانتهاء من توقيع الكشف عليها قال لهم بهدوء : انا مش شايف اى مسببات لارتفاع درجه الحراره وغالبا حيكون السبب نفسى مش عضوى خالص.........
ونظر الى رؤيا باعجاب وقح قائلا : او مثلا حضرتك رفضتى تنفذي اى حاجه هى عايزها او كنتى مشغوله عنها فى اى حاجه علشان كده هى زعلت والموضوع قلب نفسى عندها...........
وحقيقى فى اللحظه التى كان سليم يفكر فيها فى لوى عنقه وطرده من القصر لان الحقير كان يغازل رؤيا بوقاحه علنيه امامه وامام جده......... الا انه للاسف لم يجد الوقت ليفعل ذلك لان رؤيا فاجات الكل ونظرت الى الطبيب بغضب نارى واهانته بحده قائله : انا مش عارفه حقيقى امثالك اخدو الشهاده فى الطب ازاى وكمان طب اطفال عارف يعنى ايه اطفال يعنى الحاجه الغاليه قوى فى حياه اهلهم.......... وسيادتك قاعد تستظرف وتقول لى احتمالات مش فاهمه منها حاجه................. احسن لك تقول علطول البنت عندها ايه علشان اطمن عليها بدل ما اتجنن عليك........انطق بسرعه البنت عندها السخونه العاليه دى من ايه........
شعر الطبيب بارتباك لهجوم رؤيا عليه واجابها بسرعه قائلا : حقيقى بنت حضرتك معندهاش حاجه يا هانم اللوز زى الفل والبنت صحتها ممتازه والسخونه دى ممكن تكون السبب فيها نفسى مش عضوى زى ما قلت لحضرتك......
سالته رؤيا بحده قائله : ده اخر كلام عندك خلاص.........
ارتبك الطبيب بشده ونظر الى سليم باستغاثه قائلا : ايوه يا فندم ده اخر كلام عندى........ السبب نفسى مش عضوى انا متاكد جدا من تشخيصى........
اجابته رؤيا ببرود قائله : شكرا لتعبك اتفضل امشى مع السلامه
وخرج سليم بسرعه خلف الطبيب الهارب من نظرات رؤيا الناريه حتى يعطيه اجره الزياره.........وتبادل مع جده نظرات تسليه وهم يختلسون النظر الى رؤيا التى اعادت ترتيب ملابس الفتاه بعد الكشف عليها وقبلتها بحنان وغطتها جيدا
.. خرجت رؤيا من حجره دهب الغارقه فى نومها الان بعد ان اعطاها هذا الطبيب حقنه لتخفيض درجه الحراره.........لتجد مراد باشا امامها واخبرها بدون ان تسال قائلا : سليم نزل وراء الدكتور علشان يدي له اجره ويشكره على الزياره.......
أنت تقرأ
رؤيا سليم
Romanceمن هو القائل ان الانسان عندما يتقابل مع نقيضه يحدث بينهم النفور فبطله قصتنا تمثل البراءه والنور والجمال وبطل قصتنا يراها بانها الهاء لايريده فى حياته فهو يكره مثيلاتها فى النساء ترى هل تستطيع رؤيا النفاذ لقلب سليم المتحجر واختراق قلبه الذى احاطه باس...
