رؤيا سليم

🌹12 / مؤمراة قاسيه 🌹

نظرت رؤيا الى سليم بدهشه لما يقوله الان.......... ولكنها اجابت فى ثقه  :  بس انا متاكده من اللى  شفته كويس قوى يا دكتور سليم

اجابها سليم بعناد قائلا   :  بس على كلامك الدنيا كانت ظلمه وكان فيه ظلال كتير  مع كراهيتك الشديده  لنوران ممكن كل ده يعمل عندك تشويش شويه ولا ايه يا رؤيا

شعرت رؤيا  بالغضب لانه يحط من قدرها ويدافع عن نوران ولهذا صاحت   بحده قائله    :  اه فهمت الموضوع فيه نوران................ على العموم انت حر انا عملت اللى عليا وقلت لك على اللى حصل تصبح على خير...........

ولكن سليم اعترض على ذهابها الان  مانعا خروجها.............. فهى على مايبدو غضبت منه ................. وتنوى الخروج بدون ان يقبلها كما كان يتمنى منذ لحظه خروجه من الحمام واكتشافه بسعاده لوجودها فى غرفته.............

تنهد سليم وشدها اليه مراضيا اياها قائلا   : استنى بس انت بقيتى عصبيه كده ليه  اليومين دول ............. احنا لسه  بنتناقش فى اللى حصل ويمكن اقتنع بكلامك فى الاخر مين عارف

اجابته رؤيا بعصبيه وهى تصرخ  فى وجهه قائله   : انا مش عصبيه فاهم مش عصبيه.............. واعمل حسابك انا ودهب بكره حنسافر البلد علشان نغير جو.................. والبنت تشوف رعد علشان تنسى اللى حصل لها  من تحت تصرفات خطيبتك العزيزه..............

صاح سليم بضيق قائلا   : هو كل شويه مسافره انتى مش كنتى هناك من اسبوعين ايه لازمته السفر بكره  انشاء الله...............

اجابته رؤيا بحده  قائله  : حقيقى مضطره  اعمل كده.............. لان سفرى للبلد بقى مطلب جماعى من الكل وده لان طارق باشا  خطيبى السابق............. حيتجوز................ ولازم اكون موجوده فى الفرح بتاعه ............. علشان اثبت اننا على الرغم من انفصالنا المؤلم عن بعض
الا اننا لسه برضه بنحب بعض كاخوات زى الاول .............. وان انا كويسه وعايشه من غيره عادى..............  ومقطعش  شرايين ايدي حزنا عليه لما اتجوز واحده تانيه غيرى  وانا لسه متجوزتش لحد دلوقتى ............. فهمت  تصبح على خير بقى

ولكن سليم منع ذهابها وهو يمسك يدها بضيق قائلا  : انا شايف انها حاجه سخيفه جدا وايه لازمته طارق ده يشوفك تانى مش خطب وحيتجوز كمان يبقى ايه الداعى للمبالغه دى كلها............

اجابته رؤيا بضيق قائله    : والله هى  ده عادات وتقاليد اهل الريف............ الناس هناك عائله واحده  مترابطه جدا................. وما تنساش ان ماما واخواتى  لسه عايشين فى وسطيهم لحد دلوقتى.............واضافت بضيق واضح جدا ادهشه وهى تضيف ببراءه قائلة  :  بس مش هى دى المشكله خالص دلوقتى.............. لكن المشكله الاهم هى صف العرسان اللى منتظرنى هناك فى البلد و اللى لازم وضرورى انقى واحد منهم علشان انسى خيبه املى مع طارق................... علشان كلهم يطمنوا عليا ويرتاحوا انى بخير وسعيده مره تانيه................ وقلبى مش مكسور بعد ما طارق اتجوز.........