رؤيا سليم

♥14/ خطوبه اجباريه♥

كان حفل زفاف طارق وسناء رائعا فالسعاده كانت تظهر بوضوح على وجهه العروسين وبدا الكل سعيدا بفرحهم الظاهر

وبالمقابل كانت رؤيا هى الاخرى غارقه فى بحر من التوتر والقلق  وعلى الرغم من هدوئها الظاهرى الا انها من داخلها كانت تسمع دقات قلبها ونبضها السريع وكانها دقات طبول الحرب لبدء معركه بينها وبين عمها البغيض

وتذكرت كيف استيقظت فى الصباح وهى سعيده لان سليم طلب يدها للزواج وتذكرت كيف نامت وهى تحلم بالفستان الابيض وسليم الوسيم يجلس بجوارها على مائده عقد القران

فهى فى الصباح استيقظت على قبلات دهب الجميله والتى كانت تقبلها وهى تعد القبلات بالساعات التى لم تراها فيهم كما علمتها رؤيا
مماجعل رؤيا تضحك بمرح وسعاده هى ودهب بصوت مرتفع انتشر فى المنزل كله  مما جعل الافراد اللذين يجلسون بالاسفل على مائده الافطار يتبادلون الابتسامات السعيده بمرح

ابتسمت احلام بسعاده قائلة   :  واضح ان رؤيا اتعلقت قوى بدهب انا مكنتش اعرف ان رؤيا حتكون ام حنونه قوى كده انا عارفه ان قلبها طيب بس حقيقى اللى يشوفها مع دهب مستحيل يقول انها مش بنتها ابدا

اجابها مراد بمكر قائلا    :  عندك حق يا مدام احلام دى رؤيا  عملت جريمه قدامى  علشان واحده قالت لدهب حاجه زعلتها والبنت سخنت شويه بسبب الكلام ده

ابتسم سليم  بحنان قائلا    :  حقيقى رؤيا غيرت شخصيه دهب نهائى

فى المده اللى قعدتها  معاها هى وامها ايام موت المرحوم جمال كانت دهب صحيح  لطيفه بس مش سعيده قوى كده

ابتسم علاء بمكر وهو ينظر لمصطفى قائلا   :   انتم عارفين ان فى ناس هنا غيرانه جدا من العلاقه دى

اجابه مصطفى  بغيظ  قائلا   :  طبعا من حقى اغير وخصوصا ان رؤيا كانت بتدلعنى زى دهب بالضبط بس شكلها نسيتنى دلوقتى خالص لما ظهرت دهب فى حياتها

ضحك  الجميع  بمرح واندهش مصطفى عندما غمرته رؤيا من الخلف وقبلت راسه بحنان وهى تقول  :  اياك تقول كده ابدا  يا حبيبى انى نسيتك........... دا انا اول واحده شلتك لما اتولدت وانا اللى اخترت اسمك كمان بس لما لقيت انك  اتضايقت قوى لما بوستك قدام اصحابك  فى المدرسه وانا بوصلك اول يوم فى الدراسه عرفت انك كبرت و منعت نفسى بصعوبه انى ابوسك قدام الناس مره تانى علشان متبقاڜ محرج منى..........

نظر مصطفى لرؤيا  بتاثر قائلا   :  انا بحبك قوى يا رؤيا

اجابته رؤيا بحب قائلة   :  وانا اكتر يا  درش

صاحت دهب بغيره قائلة   :  وانا كمان عايز احبكم يا رؤيا

ضحك الجميع بمرح لكلام  دهب اللطيف ونظر مصطفى  الى دهب بسعاده قائلا  :  شكلى كده مش انا لوحدى اللى بغير على رؤيا
وضحك الجميع مره اخرى