رؤيا سليم

♥ 26 / ام لمده محدده ♥

فى غرفه نوم الصغيره دهب.......

نظرت رؤيا الى دهب باشفاق واجلستها امامها وابتدءت فى تمشيط شعرها الناعم برقه وتنهدت بعمق و بهدوء مزيف
قائله  : عارفه يا دهب ان كل حاجه  فى الدنيا دى لها وقت صح يا حبيبتى؟؟؟؟؟

اجابتها دهب مستفهمه  بحيره قائله  :  يعنى ايه يا رؤيا؟؟؟؟

ردت رؤيا  عليها بحنان  قائله  :  يعنى فى وقت اللعب ........ وفى وقت للاكل وفى وقت للصلاه........ وكمان للنوم حتى البنى ادميين كمان ليهم وقت يعيشوا فيه على الارض وفى الوقت ده بيكون عندهم حاجات يعملوها واول ما تخلص كل الحاجات دى......... بيطلعوا عند ربنا فى السماء لانهم خلاص عملوا كل اللى عليهم وخلصوا مهمتهم اللى ربنا حددها لكل واحد فيهم فى الدنيا..........

اجابتها دهب بحزن قائله   :   قصدك  بيموتوا يعنى زى بابى صح يا رؤيا

اجابتها رؤيا بالم حاولت اخفائه واشاحت بنظرها عنها بعيدا لتقع عيناها على مراد وهاله الواقفين بتوتر امام باب  الغرفه فى انتظار طلب رؤيا للمساعده  وهمست لها قائله : صح يا قلب رؤيا مضبوط بابا جمال كان عنده مهمه وخلصت........... وللاسف ماما وفاء هى كمان خلصت مهمتها وسافرت عند بابا جمال..........

انتظرت رؤيا صراخ وهتاف دهب ولكنها كانت تبكى بحرقه فقط واجابت على رؤيا بحزن قائله  : انا عارفه يا رؤيا ان مامى ماتت بس مرضتش اقولك علشان متعيطيش انتى كمان زيى وتزعلى علشانى.......زى المره اللى فاتت........

وهنا شدتها رؤيا الى صدرها وانفجرت باكيه وشاركتها دهب البكاء وبعد ان تمالكت رؤيا نفسها قليلا ضمتها الى صدرها سالتها بفضول قائله   : عرفتى منين ان ماما ماتت يا دهب؟؟؟؟

اجابتها دهب بتاثر  قائلة   : هى جت لى وانا نايمه يا رؤيا واخدتنى فى حضنها وقالت لى انها تعبانه قوى وانهم فى المستشفى ادوها حقن كتير قوى وهى خلاص حتمشى وحتروح عند بابا جمال............ وقالت لى انى اكون بنت شاطره ......... وحلوه واسمع كلامك انتى وبابا سليم.......... وانى لما احتاج لها او توحشني اغمض عينى واحط ايدى على قلبى وهى حتسمعنى علطول وانها دائما حتزورنى فى احلامى..................

ونظرت الى رؤيا التى كانت تبكى بعنف وهى صامته حتى لا تخيف دهب بانهيارها امامها وسالتها بالم قائله   : رؤيا هى مامى  كده خلاص مشيت ومش حشوفها تانى ابدا..........

شهقت رؤيا بعنف وضمت دهب لصدرها قائلة  :  مش انتى كنتى لسه بتقولى انك شفتيها وانتى نايمه وانها قالت لك انها حتزورك دايما فى احلامك  رغم انها فى امريكا واحنا فى مصر يبقى المكان الوحيد االى ممكن تشوفيها فيه هو احلامك يا دهب......... يعنى انتى مش محتاجه تسافرى لاى مكان علشان تشوفيها لانها موجوده هنا فى قلبك ومعاكى طول الوقت حتى لو مش  شايفاها بعيونك الحلوه دى