رؤيا سليم

🌹4/ نسيانك صعب اكيد 🌹

♥  بعد مرور ثلاثه اشهر من يوم الايفنت.......

القت رؤيا نظره راضيه عن التقرير الذى قدمته لها امانى باعتبار انها المحاسبه الان والمسئوله عن الشون الماليه للكافيه

ولكن سرعان ما ظهرت سحابه حزن ظللت وجهها الجميل فهى حتى بعد مرور كل هذا الوقت الطويل لم تنسى على الاطلاق يوم الايفنت

والذى عادت منه محطمه وباكيه وحزينه والذى اكتشفت فيه بعد جلسه مصارحه مع نفسها وسؤالها الاهم لنفسها  ليه سليم بالذات هو اللى بكلامه قدر ياثر فيها  بالشكل ده؟؟؟؟

طيب ليه مش بترد له الاهانه باكبر منها.؟؟؟؟  ليه بتهرب من مواجهته بعد كل اهانه بيقولها ليها.؟؟؟؟  ليه بتقف خرساء امامه ومش بترد على اهانته لها باهانه مماثله

والاجابه على كل الاسئله دى  صرخ بها قلبها قائلا  :  لانى حبيته مع انه مش احسن واحد ولا احن واحد بس حبيته وحسيت انه محتاج لى......... مع انى مش عارفه اتفاهم معاه ازاى

لكن هو الحقيقه اتصرف فى الموضوع ده كويس قوى الصراحه

اولا فى نفس ليله الايفنت بعت لها الاستاندات بتعتها وسلمها المندوب اللى جاب حاجتها من قصره  ظرف مغلق اخبرها الشاب بانه من الدكتور سليم وطلب تسليمه لها شخصيا

بعد ذهاب الشاب فتحت الظرف بلهفه لتجد شيك يحمل اسمها برقم خيالى اكبر من المبلغ المتبقى لديها عنده بكتير  مما اغضبها بشده 

واكتشفت ان الظرف كان بداخله ورقه اخرى وعندما فتحتها  وجدت فيها  ملاحظه منه مكتوب فيها بان هذا رقم المحامى وعنوان مكتبه وانه سيكون الان هو المسئول عن القرض الذى ينوى اعطائه لها مخبرا اياها بان التعامل سيتم بينها وبين المحامى ابتدءا من الان

ولكن طبعا المعنى المبطن  من كلامه كان واضح بشده من بين السطور فهو اخبرها بشياكه ابتعدى عنى وعن طريقى فانا لا اريد رؤيتك مره اخرى فى حياتى الهادئه

الالم والحزن والشعور بالظلم قهرها ولكن بدلا من ان تبكى وجدت نفسها تتصل بمدام صفاء لتاخد منها الرقم الشخصى للدكتور سليم
وطبعا السيده اعطتها الرقم بسعاده وهى تظن بانها تتصل به حتى تشكره على منحته السخيه لها فهى كتبت الشيك بنفسها بناءا على طلبه شخصيا وكانت سعيده جدا من اجل رؤيا

رنين جرس هاتف سليم اخرجه من دراسه العقد الذى كان ساهرا حتى الان ويقوم بدراسته مع نوران التى طلبت منه الرد عليه  حتى تعد المزيد من القهوه لتساعدهم على السهر والتركيز لتكمله دراسه العقد

فتنهد موافقا وضغط زر الاجابه قائلا بارهاق  : الو مين معايا؟؟؟؟

اجابته رؤيا بحده قائله    : انا رؤيا يا دكتور سليم وانا اسفه انى بكلم حضرتك فى الوقت المتاخر ده بس كان لازم اعمل كده ضرورى جدا