رؤيا سليم

♥♥25/ماساه دهب♥♥

♥   بعد مرور اسبوعين   ♥

اختلست رؤيا نظره شفقه وحزن الى دهب التى كانت تلعب مع هاله ولاكى الذى كان يقفز بنشاط بينهم وتنهدت بالم فالفتاه فى اقل من سنه اصبحت  يتيمه  الابوين ولا تعرف كيف ستخبرها رؤيا بوفاه امها الحبيبه الان ...........

فهى لم تجد بعد اى طريقه تخبرها بها عن وفاه امها ............ ولا عن سبب غياب سليم الذى سافر الى امريكا من عشره ايام تقريبا........... حتى يقوم باجراءت الدفن واستخراج الاوراق......... والاهتمام بامر المسكن والملابس والاغراض فهى تعرف انه فى دوامه من الحزن والتوتر الان.............هو الاخر

حولت رؤيا انظارها عن دهب الى مراد باشا  الذى كان يجلس متجهما بجوارها .......... وعندما لاحظ نظراتها اليه بادلها النظر وسالها بتوتر  قائلا   :  حنعمل ايه مع دهب يا رؤيا؟؟؟؟؟ حنقول لها ازاى؟؟؟؟على المصيبه اللى حصلت دى
وخصوصا ان سليم مأكد جدا على الحكايه دى مش عارف ليه.................. ولما سالته اتعصب وقالى ارجوك يا جدو خلى رؤيا تلاقى طريقه كويسه تقول لدهب بيها عن وفاه امها............... وانا جاى اخر الشهر  ونظر الى رؤيا بضيق قائلا  :  واخر الشهر فاضل عليه اربع ايام حنعمل ايه يا رؤيا فى المشكله دى

تنهدت رؤيا ونظرت لمراد بالم واعترفت قائله    :  انت يا عارف يا مراد باشا انا علشان دهب وخوفى عليها من المصيبه دى رحت لدكتور متخصص فى طب نفسى الاطفال ...... وقال لى اننا لازم نقول لها الحقيقه......و ان دى حاجه طبيعيه حتحصل لكل البشر.....وان امها فعلا ماتت......... واننا كلنا حنموت وقالى انها بعد ما تمتص الصدمه حتسال اسئله مهمه كلها بتعبر عن مخاوفها الداخليه بعد موت امها واكد عليا اننا لازم نجاوب على اسئلتها كلها بصراحه علشان يبقى عندها ثقه فينا فى المستقبل

... وحقيقى انا خايفه من اسئله دهب لانها ذكيه جدا واكيد حتسال اسئله صعبه بس لازم اجاوب عليها كلها بصراحه علشان تثق فينا اقصد يعنى منقدمش للبنت وعود مش حقدر نوفى بيها بعد كده وبالشكل ده حتفقد ثقتها فينا فى اى حاجه حنقولها لها بعد كده........

تنهد مراد بضيق و حزن قائلا   :  انا حقيقى مش عارف هو ليه عائلتنا مش بتعرف تفرح يعنى كنا حنعمل فرحك انتى وسليم اخر الشهر الجاى .......... وكمان فرحت لما سليم اتغير وصالح امه وجم يزورنا واتعرفنا على حسين  بيه جوزها ............ واتعرفنا على مريم اخت سليم ............. وحقيقي ارتحت جدا لان سليم اتغير بس كل حاجه اتلخبطت بموت المسكينه وفاء  المفاجئ ده........

نظرت رؤيا الى مراد باشا بحنان قائله  : ارجوك متزعلش يا مراد باشا............ عارف ان اكثر وقت بتكون فيه الدنيا ظلمه قوى هو قبل طلوع الفجر مباشره  يعنى كل تجربه قاسيه بيكون وراها تعويض من ربنا وكل ظلمه وراها نور اكيد..........

نظر مراد اليها بامتنان  وحب قائلا  : انا مبسوط قوى انك ظهرتى فى حياتنا يا رؤيا لانك بلمسه حب منك غيرتى كل سكان البيت ده............ وغيرتى حفيدى لشخص محب ومتسامح واهم حاجه انه مبقاش نسخه من ابوه الله يرحمه ويسامحه بقى حقيقى انا لحد دلوقتى مصدوم من اللى عمله فى المسكينه جنات..........