1 ខែកន្លងផុតទៅ!
អ្វីគ្រប់យ៉ាងហាក់លឿនហួសពីការរំពឹងទុកវាចូលជាងមួយខែហើយដែល Taehyung បានមកនៅភូមិគ្រឹះ Jeon ជាមួយនឹង Jungkook ដែលពេលនេះពួកគេក៏មាននាមជាសង្សារពេញសិទ្ធនិងឈានចូលដល់ការក្លាយជាគូដណ្តឹងឆាប់ៗនេះដូចគ្នា ។
" Jungkook បងកំពុងធ្វើអ្វី ? "
" គឺគ្មានអ្វីទេបងចេះតែមើលលេងៗទៅ "នាយបិទសៀវភៅទុកវិញពេលដែលរាងតូចដើរចូលមករកគេដែលអង្គុយលើកៅអីក្នុងបន្ទប់ធំរបស់គេ ។
" មើលដែរមកបងកំពុងលាក់អ្វីសៀវភៅអីអូនសុំអានផងមើល "គេចូលមកជិតនាយចាប់កញ្ឆក់យកសៀវភៅពីដៃនាយយកមកបើកមើល ។
" ឲបងវិញមក Tae កុំលេងបែបនេះអី "Jungkook ងើបខ្លួនឡើងបម្រុងនឹងយកសៀវភៅនោះមកវិញ ប៉ុន្តែក៏ត្រូវ Taehyung គេចមិនឲយកបាន ។
" លាក់បាំងអីមែនទេទើបមិនឲអូនឆែកបែបនេះចាំមើលអូនមើលទាល់តែខ្ទេច "Taehyung រត់ឡើងទៅខាងលើពូកអង្គុយបើកសៀវភៅនោះមើលគ្រប់សព្វកន្លុកកន្លៀតទាំងអស់តែវាគ្មានអ្វីនោះទេទើបគេងាកមកសម្លឹងមុខនាយវិញ ។
" យ៉ាងម៉េចហើយ ? "
" គ្មានអីទេ "Taehyung ជ្រួញចិញ្ចើមសន្លក់នាយថ្លែដែលធ្វើឲ Jungkook សើចបន្តិចទើបឡើងមកខាងលើគ្រែចាប់សង្រ្គប់ពីលើខ្លួនប្រាណតូចច្រឡឹងនោះតែម្តង ។
" មើលអស់ចិត្តហើយនៅ ? "
" សៀវភៅគ្មានអីផងក៏លាក់ដែរចំមែន "
" លាក់ឯណាគ្រាន់តែវាមិនសំខាន់ទើបមិនចង់ឲមើល "នាយញាក់ចិញ្ចើមយ៉ាងច្រឡឺមដាក់អ្នកខាងក្រោមទ្រូង ។
" មើលងើបចេញទៅធ្ងន់ណាស់មាឌដូចក្របីមកកិនសត្វចង្រិតបែបនេះទៅកើត "គេលើកដៃខ្លួនរុញទ្រូងនាយចេញតែក៏ត្រូវ Jungkook ចាប់លើកដៃគេទាំងសងខាងឡើងលើសង្កត់ជាប់មិនឲរើរួច ។
" ហ្នឹងឬសត្វចង្រិត ? "រាងក្រាស់សើចទាំងហួចចិត្តជាខ្លាំងនៅពេលដែលឮសង្សារខ្លួននិយាយថាខ្លួនឯងត្រឹមជាសត្វចង្រិតឯគេវិញសុទ្ធតែជាសត្វដំរីមាឌធំៗដូចជាយក្សអីបែបនេះ ។
" ក៏ត្រូវហើយមាឌបងដូចអីចឹងធំណាស់ចេះមកសង្កត់គេទៅកើត "
" សង្កត់សង្សារបងមានអីខុស "
