كانت جالسة فقهوة لي مولفة كتجي ليها ديما وكتشرب فقهوتها وتقلب فالانترنيت كيف ديما على شي وظيفة لي تخدم فيها.. عيات وملات من لعيشة لي فيها.. لا خدمة لا زواج لا والو.. واخا جتاهدات وكافحات باش تضمن مستقبلها.. لكن بدون جدوى..
مرام: كيف ديما مكاين حتى جديد
امين: أمالكي دوي بوحدك
مرام(تنهدات): لي عندو عندووو
امين(حط داكشي لي فيديه وجلس): ياك لاباس عاودي ليا
مرام: مكاين منعاود ليك اخويا امين هانتاا كتشوفني لا خدمة لا ردمة
امين: متفقديش الأمل دابا يجي شي نهار تخدمي فيه
مرام: عييت والله رجلي كيضروني بكترة التقلاب
امين: عادي أي واحد كيمر من هاد الظروف بكترة التقلاب وفالاخير كيلقاو لخدمة لي تناسبهوم
مرام: هوووف..
جبدات سيفي كتشوف فيها
مرام: شنو ناقصني شنووووو.. لباك خديناه.. الإجازة خديناهااا .. ديبلوم حتى هو وفلخر والو.. اللغات كندوي بيهوم.. مرضت أنا والله
امين(كيواسيها): صبري.. زيدي صبري شوية غتلقاي رزقك..
مرام: اووووف شحال قدي نصبر شحاال
~: هييي.. فسسسس.. اميييين
مرام: كيعيطيو عليك.. سير قابل خدمتك
امين: انا غاادي نتلاقو من بعد
مرام: إن شاء الله بسلامة عليك
امين: الله يعاونك
من بعد مامشا امين بقات مرام ساهية كتفكر فلمصاريف ديال الدار ولمرض ديال ماماها وبقات كتندب على زهرها لعوج حتى صونا تيليفونها
مرام: الو ماماا
زهيرة: سمحلياا أبنتي صدعتك
مرام: لا أماما مكاين لا صداع لا والو.. واش خاصاك شي حاجة؟
زهيرة: بغيتك تجيبي ليا معاك دوا راه سالا ليا كحكح
مرام: واخا اماما دابا نجيبو ليك
زهيرة: الله يرضي عليك أبنتي والله يعاونك
مرام: آمين أماما اميين
قطعات مع ماماها بقات كتقلب عاود من جديد والو جمعات داكشي وخلصات قهوتها وخرجات فحالها
جمال(هاز صورة وكيشوف فيها): هادي هي لبنت لي كيقلب عليها سي يونس (ناض تبعها)
بقات غادة مرام حتى حسات بشي حد تابعها دارت ملقات حد وهو فديك لوقيتة تخبا مورا واحد الشجرة باش متبانش ليه.. ميكات وهي تكمل على طريقها حتى بان ليها سطاسيون ديال الطوبيس بقات واقفة تما كتسنا والشارع خاوي مفيهش حس بنادم.. فهاد الأثناء جمال كان واقف بعيد عليها ومراقبها.. بعد لحظات.. شي حد كيجري وفيديه زيزوار ضربها لجهة لكلوة وسرق ليها صيكان مع كانت شاداهوم بيد وحدة.. وحدة دايرا فيه بيسي ولاخر فيه تيليفونها وفلوسها.. غوتات وبقات شادة فكلوتها ماحسات براسها حتى فقدات الوعي.. فهاد الاثناء تلگا ليه جمال وعطاه ركلة لكرشو وبونية لوجهو حتى تلاح لارض وهز صيكان يالاه باش يديهوم ليهاا وهو يجي ليه من لور تلاح عليه وشنقو وليد لوخرا بغا يضرب ليه وجهو بزيزوار وهو يضربو جمال لتحت جهة لمعلم وهو يشد فيهاا بقا كيشطح شطحة لقرودة وعطاه بروسية وبونية لوجهو حتى طاح الدم من فمو مطلقو حتى سخفوو مزيااان حتى مقاادش ينوض السيد ومن بعد مشا لعند مرام لي كانت فاقدة الوعي
جمال(كيلهث): ختي.. مرااام
كيصرفق فوجهها لا مجيب
جمال: دابا كيف غندير نهزها ونهز هادشي ديالها..
جبد تيليفونو وصونا
جواد: وي سي جمال
جمال: اجي دابا لحي ***** شارع ****** 5 دقااايق متفوتهاش
جواد: واخا أسيدي هاناا جاي دابااا لعندك
جمال: يالاه سربي راسك
قطع الاتصال وجلس لارض كيتسنا مكملاتش 5 دقااايق حتى كان عندو وركب مرام لور ومشاو لأقرب كلينيك ودخلوها
جمال: الو سي يونس
يونس: فييين.. فين وصلتي فداكشي؟
جمال: دارت حادثة
يونس: شنووووو؟
جمال: غير جرحة بسيطة متخافش عليهاا
يونس: وكيف بقات داباا؟
جمال: عاد دخلناها شوية ويخرجو يقولو ليناا كيف بقات
يونس: واخا واحد شوية وعلمني انا عندي خدمة كتييرة فاش نسالي غندوز عندها
جمال: اوكي
يونس: عينيك عليهاا متفلتهاش ولا دقيقة وحدة
جمال: واخا كون هاني
بعد 15 دقيقة خرج الطبيب
جمال: دكتور طمني هي بخير موقع ليها والو
الطبيب: كون هاني مواقع ليها والو غير جرحة بسيطة الحمد لله متضرراتش لكلوة
جمال: الحمد لله
شوية صونا تيليفونو كان يونس لي معيط ليه
يونس(بخوف): شي خباار؟ ياكما وقعات ليها شي حاجة خطيرة؟
جمال: لا الحمد لله جرحة بسيطة ومتضرراتش لكلوة
يونس(تنهد): الحمد لله منين مواقع عليهااا كيف ما قلت ليك مت...
جمال(قاطعو): متفلتش عينيك عليهاا.. صافي غير تهنا قابل شغالك دابا وفاش تسالي دوز طمن عليهاا
يونس: يا هواا هادااك
خرجوها من غرفة العمليات ونقلوها لغرفة خرى ودخل عندها جمال بقا كيشوف فيها وفجمالها الساحر الفاتن لي عطاها الله
جمال: ما شاء الله على جمال لي عطاها سيدي ربي
بقا حاظيها حتى غفات عينو مافاق حتى سمع يونس كيعيط عليه وجمع لوقفة..
ناض جمال وهو شايف قدامو يونس معصب
جمال: سيدي مالك؟
يونس: فين هي لبنت؟
جمال: ااا.. غير هناا
يونس: هناا.. (شدو من لكول) واش كتفلا عليا ولا شنو هااا
جمال: سيدي راه كانت غير هناا ومعندها فين تمشي
يونس: زيد قدامي قلب عليهاا
جمال مشا كيقلب عليها ويونس كينهج خايف عليها
يونس: فين غتكون مشات؟
مرام من بعد ما فاقت لقات راسها فسبيطار وشخص معاها فالغرفة ناعس على الكنبة تخنقات لبسات صندالتها وخرجات من الغرفة وهي مسندة على الحيط وشادة فجنبها.. تاجهات لجردة ديال كلينيك تشم لهوا.. بقات جالسة تما حتى حسات بشي حد مراقبها دارت ملقاات حد
مرام: مالي كل وقت كنحس بشي حد مراقبني.. يمكن غير تهيأ لي
تحرك لبرد وهي عاجبها لحال زادت تكمشات فراسها ونسيم الهواء كيحرك خصلات شعرها ويونس واقف بعيد عليهاا وكيشوف فيها بنظرات حب وشوق..
جمال: سيدي..
يونس مكاينش فهاد العالم.. كاين فعالم بوحدو مع مرامه.. شاف جمال فين كيشوف لقاه كيشوف مرام ووجها ضارب عليه ضو د لقمر وبقا ساهي فجمالها البريئ
يونس: احمم احمم.. بغيتي شي حاجة؟
جمال)بلع ريقو): لا اسيدي غيير كنت كنقلب على انسة مرام وبنتي لي واقف هنا قلت واش لقيتيها
يونس: اممم اوكي
مرام حسات بلبرد دخل لكيانها وبدات تعطس
مرام: اتسييييو.. هاا لبرد ضربني عااود
دخلات فحالها وهي شادة فجنبها ومرة مرة تسند بلحيط حتى وصلات لغرفة لي هي فيها.. دقائق قليلة دخلات عندها الممرضة تطمأن عليها
الممرضة)بوجه بشوش): كيف كتحسي داباا؟
مرام)بابتسامة): بخير الحمد لله واخا حاسة بالم فجنبي
الممرضة: داباا يفوتك لحال مع الوقت
مرام: عافاك بغيت تيليفوني ندوي مع ماماا
الممرضة: واخاا
عطاتها تيليفونها لقاتو طافي شعلاتو لقات بزااف ديال المكالمات من عند ماماها
مرام: معرفتش واش نصوني ليها داباا ولا حتال الصباح.. غتكون مشوشة عليا.. على الاقل غير تطمأن عليا..
صونات ليها وهي تجاوب فلبلاصة
زهيرة: الله الله ابنتي شحاال صونيت عليك ونتي مكتجاوبيش معرفت حالتك كيف دايرا
مرام: بلا متخافي عليا اماما انا بخير
زهيرة: وايلا مخفتش عليك علامن نخاف
مرام: الله يخليك لياا يا احلى ام فالدنيا.. بلا متشوشي انا بخير غير طفا لي التيليفون ويالاه شعلتو لقيت المكالمات ديالك وانا نصوني ليك
زهيرة: فينك نتي داباا؟
مرام: انا ف.. (عدلات جلستها وتألمات فالجرح وغوتات) اااا.. اححح
زهيرة: مراام.. مالكي
مرام: والو اماما ماشي شي حاجة
زهيرة: كيفاش ماشي شي حاجة؟
مرام: غير جرحة بسيطة
زهيرة: شنوو؟! جرحة بسيطة!! واش نتي فالسبيطار
مرام: اه اماما
زهيرة: قولي ليا فينك نجي عندك
مرام: بلا متشوشي اماما انا بخير
زهيرة: مغنعس حتى نطمأن عليك
مرام: صافي هاني دويت معاك وانا بخير غير طمأني وبلا متشوشي عليا غدا الصباح غنجي لدار داباا مشا لحال وبعيد الحال
زهيرة)تنهدات): هوووف واخاا ميكون غير على خاطرك.. بسلامة عليك
مرام: مواااح عليك.. بسلامة
حطات تيليفونها ورجعات تكات فبلاصتها وكتشوف فالسقف.. في اللاشيء.. حتى داتها عينها.. دخل عليها يونس بعد ما قاليه جمال راها نعسات.. طمأن عليها وكيشوف فيها شحاال.. قرب ليها وبدا كيتلمس فشعرها البني ويتمعن فيها
يونس)تنهد): اااه تشوفي شحاال توحشتك.. توحشت ضحتك.. صوتك.. عينيك.. عفويتك.. توحشتك كلك.. بمشقة الانفس لقيتك.. شحال وانا كنقلب عليك.. واخيراً لقيتك.. ولكن مرام وحدة خرا.. ماشي مرام لي كنت كنعرف شحاال هاداا لي كانت الضحكة مكتفارقش وجهها.. داباا كنحس بيك مهمومة وحزينة.. معرفتش شنوو لي خلاك تكوني هاكاا ولكن غادي نعرفو.. عاجلا أم آجلا..
سها فجمالها الخلاب لحظات قليلة، ثم غطاها ومشا خرج
يونس: سمع اجمال نبغيك من هنا لفوق تبقا مقابلها ليا فين كتمشي وشنو كدير.. بغيت ادق التفاصيل تكون عندي
جمال: واخا اسيدي ميكون غير خاطرك
يونس: متفارقهاش ولو دقيقة وحدة
جمال: صافي غير كون هاني
يونس: تكون بحال..
جمال)قاطعو): اسيدي غنكون بحال ظلها.. كدوي بحالا مكعترفنيش ماشي اول مرة تأمرني بحاجة ومنفدتهاش
يونس: مهم.. متفلتهاش..
جمال: ميسحابليش هاد لبنت سلبات ليك عقلك لهاد الدرجة وشغلات ليك تفكر فيها طول الوقت
يونس: نهار تجرب الحب غتحس بطعم الحياة أ جمال.. الحب كيجي مرة فلعمر
جمال: يالاه سير ترتاح ابااا يونس هي بين يدي في الحفظ والصون
يونس(خنزر فيه): شناهوا
جمال: هه غير كنضحك.. يالاه سير راك عيان
يونس: ها هو غادي..
_______
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
