"يا من سرقت روحي مني.. وخطفت قلبي من بين ضلوعي.. لكني وضعتك أنت مكانه خفقانه أنفاسك.. أنت الهواء الذي أتنفسه.. فلو قطع الهواء عن صدري لعشت أتنفس عشقك.. حبيبي اشتقت إليك كاشتياق النجوم للقمر.. اشتقت لنبرات صوتك.. اشتقت لسماع حروف اسمي وهي ترقص بين شفتيك.. اشتقت لسماع ضحكاتك لكلامك و لجنونك.. اشتقت لحبك ووريد حروفك.. اشتقت لدفء حضنك ولسماع دقات قلبك.. اشتقت لكل همسة من همساتك بل لكل ذرة في كيانك"
نهار لول دااز صعييب بالنسبة لمرام.. من نااحية الخدمة ولو من ناحية يونس لي كان بالنسبة ليهاا كولشي.. وداباا حسات كأنها ولات غريبة بالنسبة ليه.. بقات كتساين فطاكسي حتى بان ليهاا هابط بكل هيبتو الرجولية وشيماء شادة فيه شاف فمرام بنص عين لقاها كتشوف فيه وكتخنزر.. وصل التاكسي وهي تركب فيه والدموع على عينها.. داباا عاد تأكدات بنفسها بأن داك الحب بااقيي فقلبها وهي لي كاانت كتكدب على راسها بانها نساتو.. واليوم شافتو.. جاات عينيها فعينيه.. بقا نفس الحب.. نفس المشاعر.. ونفس الاحاسيس.. بقاات سااهية وكتفكر فيه
مرام: اكيد انه نساني ومبقيت كنعني ليه والوو.. كنت صفحة فماضيه.. وداباا طواهاا وعايش حياتو مع العشيقة ديالو.. اه ياا دنيااا.. شكوون قالي بلي غيجي شي نهار ونتلاقاو فيه مرة اخرى.. ولكن كغرباء فقط.. منقدرش نساه.. منقدرش.. اهئ اهئ
حبس بيها الطاكسي فلحي لي ساكنة فيه ونزلات وهي حادرة راسها كيف بغات تدق لباب وقف عليها مختار السيد لي كاري ليهوم
مختار: هيييي أانسة..
مرام(توترات ومعرفات متقوليه حيت عارفاه شنو بغا): نن.. ننعاام
مختار: ايمتا ناويين تخلصوني
مرام بقات سااكتة معرفاات متقوليه
مختار: راه كندوي معاك
مرام: ااا.. شووف.. عاد لقيت خدمة ليووم.. كيف غنتخلص نعطيك فلوسك
مختار: عييت بهاد الاسطوانة لي كتقولي كل مرة.. بغيت فلوسي يعني فلوسي
مرام: عافااك أعمي..
مختار: اناا ماا عم حد.. لي عندي قلتو ليك وما على الرسول الا البلاغ
مشا وهي توقف قدامو
مرام: سمعني اعمي كنواعدك غير كيف غيخلصوني غنعطيك گااع داكشي لي كتساال ليناا
مختار: بدوك لفلوس لي غتشدي واش غتخلصيناا حنا ولا مول لحانوت ولا شكوون من هادو لي كيتسالو ليك..
مرام(كتحاول تهدن الوضع): بلا ماضرب لحسبة لوالوو.. كولشي غنرجع ليه فلوسو فالوقت المناسب..
مختار: زعماا
مرام: اييه صاافي كلمة وحدة عندي
مختار: ايواا هو هاداااك.. لا معطيتينش لفلوس غير سيرو ت***ودو منهناا
مرام: صافي غير كون على خاطرك
مشاا مختار وخلى مرام فحاالة معاالم بيهاا غير الله كأنها هازة گااع همووم الدنياا فووق كتافها.. دقات لباب وحلات ليهاا زهيرة بوجه بشوش على الله تسمع شي خبر زوين فهاد النهار
زهيرة: مرام مالكي أبنتي؟
مرام: 😔
زهيرة: صاافي غدا ان شاء يكوون خير ابنتي داباا تلقاي شي خدمة
مرام: لقيت خدمة
زهيرة: ايواا مالكي على هاد الحالة.. بلعكس خاصك تفرحي
مرام: كيفاش الفرحة دووم فوجهي فهاد الحالة لي عايشينها حناا 😢
زهيرة: معليناا غير بالصبر.. ان الله مع الصابرين
مرام: تلگا لياا عمي مختار عااود
زهيرة: عليهاا بنتي لياا ماشي حتال تمااك
مرام: قالي لمخلصتونيش فالوقت غيضطر يخرجنا من هناا
زهيرة: ايواا اش عند الميت ميقول قدام غسالو.. الله يفاجيها عليناا وصااف
مرام: اميين.. فينو زهير؟
زهيرة: معرفتش فين مشاا.. صيفطو يجيب لي سخرة من قبيييلة وبقاا تماا
مرام: اممم.. بحال والو يكون كيلعب لكورة مع ولاد الحومة بلا متشوشي عليه
وكيفاش زهيرة متشوش على كبدتها زهير لي بدا كينحرف بعض الشيء.. رفقاء السوء يخرجو على بنادم.. زهير لي معلاا بالوووش.. وصل السطاج لخر.. دااق كولشي مخلاا حتى وااحد.. لگارو.. الشيشة.. النفحة.. لكالاا.. ولاليييست طويييلة.. ما دخل لدار حتال نصاص الليل وهو شااحب.. كيدق فلباب لقا كولشي نااعس وكيعيط على مرام
زهير: مرااام.. مراااام..
فاااقت مرام طلات من الشرجم لقات زهير كيعيط ليهاا مشات حلاات ليه..
مرام: ماالك ما جيتي حتال هاد لوقيتة؟
زهير: واا غيير كنت مع ولاد الحومة
مرام: شووف كيف صفر؟ ماالك على هاد الحالة؟
زهير: ديري لياا لونكيط قداام لبااب
مرام)دفعاتو باش يدخل): دخل دخل
سدات لباب ورجعات نعسات فبلاصتها سااعة حلف ميجيهاا النعاس.. وبقات كتفكر فيونس كيف كان وكيف ولااا.. كتقارنو كيف كاان من قبل فااش كانت كتعرفو اما داباا ولاا منفخ ومعفر وحاس براسوو بزاااف هادشي لي لاحظات هي..
مرام: دغياا نسيتيني ونسيتي لعشرة لي كاانت بيناتنا.. دغياا نسيتي دوك لياام.. كاان يسحااب لي نسيتك ونسيت حبي لييك.. ولكن هاد النهار تبين لي لعكس.. بانني مزاالة كنبغيك وغنبغيك ديماا.. (تنهدات) هوووووف.. حتال ايمتا نحس براسي بانني عاايشة بحالي بحاال النااس كيف كنت قبل.. فرحاانة ناااشطةة.. ضاربة لحيااة بركلة.. مكنتش مهمومة ومضاربة لحسااب لحتى وااحد.. فرمشة عين.. تلاشاا كولشي..
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
