عشق ودموع | مكتملة |

Part 13 "THE END"

#عشق_ودموع
#إكرام_أمروس

#الجــزء_25:

وفجأة ضرباتو الطبيبة وهو يبدا يغوت عاد رجعات فيهوم الروح
الطبيبة)بفرح): مبروووك عليك ولدتي بنيتة
مرام شدات من عندها لبنت وكتشوف فيها بحب
مرام: بنتي لحبيبة.. اميرة ماماها
قبلاتها فجبهتها وخدات من عندها الطبيبة لبنت
الطبيبة: نديوها لباباها يشوفها
يونس كان متوتر بزااف ولكن منين سمع غوات الجنين فرح كيتسنا تعطيه الطبيبة بكل فرح وحب.. جابتو ليه وخداها من عندو وكيشوف فيها بحب
يونس: ههه بنتي لحبيبة..
طبع قبلة فجبهتها وادن ليها فودنها شافهوم مخرجين مرام ودخلوها لغرفة ودخل عندها وهاز بنتو
يونس: كيف كتحسي؟
مرام: منين ولدت بخير وعلى خير وبنتي حتى هي بصحيحتها هادي هي الدنيا ومافيها
باسها فنيفها وحط بنتهوم بيناتهوم
مرام: خبرتي عائلتك بلي انا ولدت
يونس: بكترة ما كنت مشوش عليك نسيت ما تاصلت بيهوم
مرام: تاصل بيهوم وطمنهوم
خرج يونس برا وبقات مرام كتلعب بيد بنتها وكتبوس فيها
مرام: حبيبة ماماها.. لغزاالة ديالي.. شحاال كتباني فنيونة ما شاء الله عليك
وكتشم فريحتها.. جات عندها الطبيبة وهي مبتاسمة ليهاا
الطبيبة: سمحيليا نااخد ليك بنتك ومنها نيت ترتاحي
مرام: واخاا
خدات من عندها لبنت وداتها لغرفة وجاو عائلة يونس لي غير سمعو لخبر كيجريو لعندها
عايدة: على سلامتك أبنتي
مرام: الله يسلمك اخالتي
اسماعيل: فينها حفيدتي باغاا نشوفها
مرام: عاد خداتها من عندي هادي شوية
خديجة: واخيراً وليت عمة 😍
#بعد_8_سنوات:
داخلة ولاء وهي كتبكي ومعاها صهيب كيسكتها
ولاء: اهئ اهئ اهئ
صهيب: صاافي صاافي
ولاء: باباااا اهئ اهئ
يونس(هزها لعندو): ماال حبيبة باباا كتبكي؟
ولاء(دايرا يديها فعينها وكتبكي): اهئ اهئ
يونس: ياكما ضربتيها أصهيب
صهيب: لااا أخالي مضربتهاش والله
يونس حطها فوق الكرسي وكيمسح ليها دموعها
يونس: ماال حبيبتي شكوون بكاهاا لياا
ولاء: ضرباتني لمعلمةة
يونس: وعلااش؟
ولاء: حيت قالت لينا نكتبو رسالة لأم بمناسبة عيد الام واناا معنديش مامااا
يونس بحسرة عنق بنتو والدموع فعينيه كيتفكر مرام وهي كانت على فراش الموت
"كانت مرام فباياص غادين ليها لغرفة العمليات وهي مغتخرج ياا ايما حية ولا ميتة وهي معارفاش لعبة القدر
مرام: حياتي.. سمحلياا لا خليتك نتاا وبنتي.. ماشي لخاطري.. المرض راني مرضت بيه ودابااا غندخل لغرفة العمليات نقدر نخرج حية ولا...
يونس)بالدموع): متقوليهاش.. متقوليهاش.. مزاال الحياة قدامك.. متمشيش وتخليني
مرام: حتى حد ما عارف مصيرو فهاد الحياة.. (والدموع فعينها مقدراتش تحبسهوم) لا جااب الله وخرجت حيةة غنعيش حياتي كولها معاك نتا وبنتي ولاء.. وايلا متت.. دعي معاياا بالرحمة والمغفرة.. و قول لبنتي بلي ماماك كتبغيك بزاااف وعاود ليها على حياتي
يونس)مقادرش يحبس لبكاا وشاد ليها فيدها): غاادي تعيشي.. ميمكنش تخليني
مرام قبلاتو بشغف وبادلها اياها حتى قاطعهوم دخول الطبيبة
الطبيبة: سمحلينا اسيدي خلينا نديرو لعملية
يونس: كنبغيك
مرام: كنبغيك
تفارقو الأيادي وخرج يونس بقا كيشوف فيها النظرات الاخيرة وعينيه حمرين بالدموع.. ومرام كذلك غير كتبكي.. تسد عليه لباب وبنجو مرام وبداو فالعملية.. يونس بقاا واقف وكيشوف فباب غرفة العمليات.. بعد نصف ساعة جات عايدة واسماعيل وخديجة
اسماعيل: امنظرا شي جديد؟
يونس)حادر راسو): بااقي مخرجو
خديجة: ان شاء الله يكون خير
بعد لحظات خرجات الطبيبة وحادرة راسها ومشا عندها يونس
يونس: عاافاااك شي خبار على مرام
الطبيبة)بحزن): ان لله وان اليه راجعون
بقاا مصدووم مقادرش يتحرك.. حتى بداو يصرفقو فيه وشافيهوم
يونس)شاد فكتف خديجة): مامااتش يااك غير كتفلا عليا ياااك
خديجة)بدموع عنقاتو): الله يرحمها أخوياا الله يرحمها
شوية بان ليهوم مخرجين جثة مرام ومشا يجري يونس لعندها حيد لغطا وهو يبوس جبهتها وكيبكي حتى جروه واليديه وخديجة
يونس: مشيتي وخليتيني"
تفكر هاد الحدث المأساوي وزاد زير على ولاء
ولاء: باباااا
يونس: نعاام أأميرة باباها
ولاء: اجي عاوني فشي تمارين عندي لعشية
يونس: واخاا نمشي نصلي ونعاونك
ولاء: اوكي دااديي
ولاء مشات لبيتها جبدات التمارين لي عندها وكتسنا فيونس يجي ويعاونها.. يونس توضا وصلى صلاتو مع السجدة الاخيرة قبض ملك الموت روحه
"ياَ أيَّتُهاَ النَّفْسُ المُطْمَئِنَّه اِرْجِعِي إلَى رَبِّكِ راَضِيَّةٍ مَرْضِيَّه فاَدْخُلِي عِباَدِي وادْخُلِي جَنَّتِي"
#النهاااااااااااااايـــــــة

"اعمل لدنياك كأنك تعيش أبداً و اعمل لآخرتك كأنك تموت غداً"
حتى وااحد فيناا معارفش كيف غتكوون نهايتو حزينة ولا سعيدة.. الموت علينا حق كما يقول الحديث "كن في الحياه كعابر سبيل واترك وراءك كل اثر جميل فما نحن في الدنيا الا ضيوف وما على الضيوف الا الرحيل .."

تــمـــت بحمد الله 🖤

وقد وصلنا الى نهاية القصة نتمنى انها تكون خفيفة على قلوبكوم وتعجبكوم ومتبخلوش علياا بآرائكم وتعاليقكم كيف جاات 🖤