دوزو هاد الصباح كاامل وهوما كيدورو من محل لمحل كيختارو لبسة عجباتهوم كيلبسوها ويتصورو بيها ويرجعوها لبلاصتها
سارة: نااارييي نتي عالااام.. عمرني متوقعت منك ديري هاد لبلان
مرام: فيامات لافاك ديما كنديرو هاد لبلان انا وصحاباتي
سارة: ضحيكتك شحاال زويينة وتقيبة الزية
مرام: كتحرشي بياا بلعلالي
سارة)ضرباتها لراسها): الله يمسخك.. فياا الجوع
مرام: حتى انا تشهيت شي بيتزا
سارة: بقاي تشهاي علياا هنا
دخلو لواحد لريسطو قريب ليهوم ختارو اش بغاو
سارة: مراام
مرام: ويي
سارة: بغيت نسولك
مرام: ويي سولي
سارة: احمم جمال كيف كيجيك
مرام: لااش هاد السؤال؟
سارة: صافي والوو
مرام: كنشم شي حااجة
سارة: شنوو كتشمي؟ (كتشم حتى هي) مكنشم والوو
مرام: كنشم ريحة الحب
سارة حمارت وتزنگات
مرام: عاودي لياا
سارة: واقيلة كنبغي جمال
مرام: ايواا هانتي صرصرتي
سارة: بفوو زعماا نتي مكتحبيش
مرام سافرات لعالمها التاني ديالها وكتفكر فيونس مفيقها من احلامها الوردية غير صونيت ديال تيليفونها..
سارة: شكون كيصوني ليك؟
مرام: معرفتش هاد النمرة
سارة: ايواا جاوبي باش تعرفي شكون
مرام: الوو
لا من مجيب
مرام: الوو شكوون معاياا
يونس(بصوت حنين): مراام
مرام(تلعثمات): يوو.. مسيو يونس..
يونس(تنهد): بغيت نتلاقا بيك ضروري.. فينكي نتي
مرام: اناا كاينة مع سارة
يونس: ممكن تجي لعندي
مرام: فيين؟
يونس: انا ف *****
مرام: واخا 15 دقيقة وانا معاااك
تقطع الاتصال.. وهزات صاكها
سارة: فيين غادة؟
مرام: غنمشي فحالي امر مستعجل
سارة: غتخليني بوحدي
مرام: بسلامة نشوفك نهار تنين
سارة: هوووف.. غير كيخليوني بوحدي نعيط على جمال يجي عندي
شدات الطاكسي وتاجهات لعنوان لي قال ليها لقاتو كيتسناها مشات لعندو
مرام: بغيتيني!!
يونس(بحرقة شاد فقلبو): عييت
مرام: ماالك
يونس: اجي معاياا لداخل ناخدو راحتنا
تبعاتو مرام ودخلو لواحد الدار
مرام: شنو هادي؟
يونس: هناا فين غتسكني من ليووم وغتخرجي من داك لكاريان
مرام: واش كتجسس علياا ولا شنوو بأي حق تعطيني هاد الدار
يونس: بصيفتي راجلك
مرام: شنوو؟ اش كتخربق؟
يونس(شاد ليهاا يديها بزوج وكيشوف فعينيها): كنتي وغتكوني ديماا ديالي.. كنبغييك
بقات مرام مخرجة عينها ممصدقااش شنو كيقول
مرام: كنحلم عااود
يونس(شاد وجهها بيديه بزوج): لا راكي مكتحلميش أ آنسة
بقاو على داك الوضع وهي دايرا يد مورا عنقو ويد لوخرا على صدرو وهو حاط يد على خصرها ويد لوخرا دافنو فشعرها.. ما حس براسو حتى دفعاتو وهزات صاكها ومشات كتجري ودايرا يد على فمها وركبات فالطاكسي لي بان ليها واقف
مول الطاكسي: فين غاديا اختي؟
بقات سااكتة
مول الطاكسي(كيشوف فيها فلمراية): واش عندك شي مشكلة؟
مرام: مشااكيل هوماا
مول الطاكسي: قولي فين باغاا تمشي؟
قالت ليه عنوان الدار..
يونس مشاا لدار من بعد ما وصاا جمال يمشي عندها لدار.. وعقلو غاايب وهي تلصق فيه شيماء عنقاتو
شيماء: حياتي.. كتباان عياان؟
يونس: وبزاااف
شيماء: عندي ليك شي خبار غتفرحك وغتنسيك هاد لعيا كاامل
يونس: شنوو؟
شيماء: اناا حاااملة
يونس(مخرج عينو): شنوو؟ ميمكنش
وصلات مرام لدرب فين سااكنة وشافت الناس شي كيطل من الشرجم.. شي من السطح.. شي من لبيباان..
مرام: شنوو واقع؟
حتى قربات لدار وكتسمع فلغوات
مرام: اويلييي هادو مالهوم كيتغاوتو
حلات لبااب وكتحيد فسبرديلة وكدوي
مرام: ماالكوووم على هاد الغوات صداعكم كيتسمع من رااس الزنقة.. يااك لابااس
مع دخلات بااش دوي حتى شاافت المشهد كيروع القلب شهقاات ومخرجة عينها مقدراتش تصدق شنوو كيوقع رجعات لور حتى لصقات مع الحيط وجلسات فلارض وهي منهااارةة..
مرام(غوتاات): لاااااااااااااااااااااااااااااااا
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
