صبح صباح.. فاقت مرام وهي بوحدها فلبيت شوية دخل عليها جمال
مرام(بخوف تكمشات فلغطا): شكوون نتا؟
جمال(لاحظ الخوف فعينها): متخافيش مغنأديكش
مرام(بلغوات): متقربش لياا بقا بعيد
جمال(كيحاول يهدنها): انا لي جبتك لمستشفى.. بقيت ليل كامل معاك باش نطمأن عليك حتى تخرجي من هنا.. متخافيش مني مغنأديكش
مرام عاد رتاحت نسبيا وعدلات جلستها
مرام: باغاا نخرج من هنا
جمال: ناخدو الاذن من عند الطبيب ويمكن ليك تخرجي
مرام: واخاا
دخل الطبيب فديك لوقيتة باش يطمأن على صحة مرام
الطبيب: كيف حال مريضتنا شوية داباا
مرام: شوية دكتور واخا كنحس بلحريق
الطبيب: شيء عادي ولكن مع الوقت غتحسي براسك مزياان.. خاصك غير ترتاحي ومتجهديش راسك وتبعي الدوا
مرام: واخاا ادكتور غنحاول
الطبيب: شوية غتجي الممرضة تبدل ليك الفاصمة
مرام: دكتور.. يمكن لي نخرج اليوم؟
الطبيب: للاسف لا.. صحتك باقاا عيانة.. تبقاي غير اسبوع وبعدها غتخرجي
مرام: ولكن انا كنحس براسي مزياان مكاين لااش نبقا هنا
الطبيب: صحتك هي لولة
مرام: ولكن..
قاطعها دخول الممرضة لي جات تبدل ليها الفاصمة ديال الجرح
مرام: اححح
الممرضة: ياكما وعتك؟
مرام: شوية
الممرضة: هاناا ساليت ليك.. بالشفاء العاجل
مرام: شكرًا لك
بعد خروج الممرضة نطق جمال
جمال: ياكما خاصاك شي حاجة؟
مرام: لا شكرا
جمال: مهم انا نخليك داباا فلعشية ونطمأن عليك
مرام: واخاا شكرا
بقات مرام بوحدها فلبيت كتفكر تخرج من السبيطار
مرام: قلت لماماا بلي غنجي هاد الصباح منغنخليهاش تسناني
لبسات صندالتها وهزات حوايجها بدلات وهي تخرج وباقاا موعتة شادة فجنبها ومسندة على الحيط حتى خرجات من المستشفى بان ليها طاكسي دايز وقفاتو قالت لو عنوان دارها وحطات راسها على الزاج وكتشوف الناس غاديين جايين.. وكتأسف على حالتها كيف ولات.. كانت وردة متفتحة ودابااا دبلات..
مول الطاكسي: هاا حنا وصلنا اختي
مرام: شكرا
خلصاتو وهبطات فحالها مشات لدار كدق فلباب
زهيرة: شكوون
مرام: هادي انا اماما
من بعد ما حلات لباب
زهيرة: الله أبنتي شوشتيني عليك
مرام:،صافي اماما ها انا قدامك
زهيرة: دخلي دخلي.. خليني نعاونك
مرام: فينو زهير؟؟
زهيرة: لاعب لكورة على الصباح
مرام: انا نمشي نبدل ونجي
زهيرة: واخاا نيت على بما نحط لفطور
بدلات مرام حوايجها لقات ماماها كتكب فاتاي
مرام: اممم فطور كيشهي يعطيك الصحة
بدات كتاكل وتبنن تقول شهر وهوما حابسينها على لماكلة حتى نطقات ماماها
زهيرة: قولي ليا ابنتي شنوو وقع ليك حتى بقيتي فالسبيطار
مرام: فاش كنت راجعة لدار وقفت فالسطاسيون ديال الطوبيس وكان الشارع خاوي وداز وااحد كان فيدو زيزوار جا ضربني لجهة لكلوة طحت لارض والدم كينزف معقلتش على راسي حتى حليت عيني ولقيت راسي فالسبيطار.. هادشي لي كاين اماما
زهيرة: الله ياخد فيه الحق فهاد النهار
مرام: امين.. صافي بدلي عليا هاد الاسطوانة ونكملو فطورنا
عم الصمت في المكان.. من بعد ما كلاو جمعات زهيرة لمواعن وبغات تعاونها مرام حبساتها قالت ليها تمشي ترتاح بحجة راك باقا عيانة
شعلات تلفازة من قناة لقناة ملقاات متفرج وسرحاات بمخيلتها لشخص لي عمرها نساتو
مرام: شنو غيكون كيدير داباا؟
بقات تفكر فالدكريات الوردية هي وياه ومحسات براسها حتى نعسات..
يونس كيدوي فالتيليفون مع جمال وكيغوت ويسوط
يونس: كيفااش خرجاات؟ وانا علاياش وصيتك؟ هاااا
جمال: كنت باغي غير نبدل شوية دلجو ونخليها على خاطرها
يونس: ايواا هاا هيي خرجاات فين غنلقاهاا عاااود
جمال: صاافي تهدن اصاحب داباا نلقاوها
يونس: هووووف.. قلب عليهاا فيين ماا
جمال: صافي انا غندير لي فجهدي وغنلقاها ليك ونجيبها حتال بين يديك
يونس: غير بقا متبعها هتدشي لي بغيت منك.. تشوفها شنو كدير وفين كتمشي ومعاامن.. مفهوووم
جمال: صاافي كوون هاني
تقطع الاتصال وجلس يونس فوق كرسيه وحل صدايف دشوميز لي لابس وكيفكر فمرام
يونس: شنوو غتكون كدير داباا؟ بعد هاد السنين قدرت نشوفها ولكن هاد المرة مغنخليهاش تفلت بين يديا.. اصلا غتكوون لياا ومغتكون لحتى حد من غيري
داز أسبوع بسرعة البرق مرام ولات شوية لاباس ولكن ماماها لي تزاد عليها ملقاات مدير وباعت لبيسي وتيليفون حتى شرات ليها الدوا
مرام: ماماااا هاناا غادة داباا ودعي معاياا نلقا شي حااجة
زهيرة: الله يعاونك ابنتي والله يجيب التيسير
زهير: هييي فسسس
مرام: شنووو بغيتيي شي حااجة
زهير: عطيني وااحد 50 درهم يحفظاااك
مرام: معنديش معندي واالوو من غير فلوس باش كنمشي ونجي
زهير: شوفي ليناا أمرام الله يحفظك اختي
مرام: زهير.. راك شاايف حالتنا كيف ولات لا خدمة لا والو وشحال من وااحد كيتسال ليناا لفلوس..
زهير: 😔
مرام: متقلقش اخوياا غير نلقا شي خدمة باش نصوڤيو راسنا وديكساع نعطي لخوياا لي بغاا.. واخاا؟
زهير: واخاا
مرام: يالاه اجي عنق ختك
تعانقو وهي خرجات بحالها على امل تلقا شي حااجة واول مكاان سبقات بيه هي لقهوة لي كتمشي ليها ديما تشوف صديقها امين لي من شحاال مشافتو.. جلسات وكتقلب عليه بعينيها حتى شافتو وشيرات ليه وجا لعندها
امين: اهلا اهلا اهلا غبرتي علينا
مرام: غير سكت خليها على الله
امين: ياك لاباس اش واقع؟
مرام: اخر نهار فاش شفتك فيه وقعات لي حادثة
امين: ياا ربي السلامة موقعاتش ليك شي حاجة خطيرة
مرام: ماشي شي حااجة غير جرحة فجهة لكلوة
امين: وكتقولي ماشي شي حااجة
مرام: داباا انا بخير
امين: ايواا على سلامتك
مرام: الله يسلمك
امين: وكيف بقات الواليدة؟
مرام: شوية.. بعت داكشي ديالي وشريت بيه الدوا ليها
امين: 😔
مرام: بلا شفقة ولفت على هاد الحالة
امين: معرفتش شنو ندير باش نعاونك
مرام: غير دعي معاياا هادا مكاان
امين: الله يدير لي فيهاا خير
مرام: امين أخوياا
امين: نسيت مقلت ليك
مرام: شنوو؟
امين(مبتاسم): تسناي واحد الدقيقة وهاناا جاي
مرام: متعطلش
مشا امين كيجري لداخل ومرام بقات كتشوف فالناس حتى شافت جمال واقف قبالتها هاز جورنال فيديه ومرة مرة كيشوف فيها
مرام: واش هاداا تابعني وحاضيني فينما مشيت ولاا غير كيتخايل لي
جا امين وهاز جريدة فيديه وكيبتاسم شافتو مرام هازة حجبانها لفووق وكتسنى بيه شنو غيقول ليها
امين: هاكي شوفي
مرام: شنوو هادا؟ شنو نشووف؟
امين: اعلان ديال شي شركات محتاجين موظفة وقلت لا غتمشي دفعي سيڤي ديالك على الله يقبلوك
مرام: مكاين لااش نعدب راسي مع هادشي اخر شركة حطيت فيهاا رجلي بهدلوني وجرحوني فكرامتي
امين: متفقديش الامل سيري جربي زهرك متعرفيش شنوو مخبي ليك الله
مرام: اوديي لي عندو زهر عندووو انا عندي غير زمر هو لي كيتشاير
امين: بلا متفقصيني أمرام وسيري.. متيأسيش
مرام: هوووف
امين: يالاه سيري سيري كوغااجوو
مرام: زعماا نتقبل وبهاد الحاالة
امين: ومالها شنوو فيهاا بقات شنو كاين فهناا (وكيشير بيدو لعقلو)
مرام: واخاا انا غنشوف
امين: يالاه سيري وداباا نيت
مرام: واخاا على أمل تقبل بياا شي شركة مليت من هاد الوضع لي انا فيه
امين: راني حاس بيك وحتى انا كنت بحالك ايواا بزز باش لقيت هاد الخدمة وقلت اللهم لعمش ولاا لعماا.. سيري شوفي رزقك شنوو مخبي ليك
مرام: واخاا هاناا مشيت خليتك على خيير
امين: الله يعاونك
رجع امين لخدمتو وبقات مرام كتشوف فديك الجريدة.. قطعات ديك الصغحة طواتها وشدات طاكسي لاول شركة وكتدعي الله يقبلوها
مرام: صافي غير هناا
هبطات من الطاكسي وهي متوترة وطلعات النفس وهبطاتو باش يتنقص شوية من التوتر وهي دخل طلعات فلاسونسور ومعارفاش فين غادية حتى دخل معاها وااحد السيد شافيها طلعها ونزلها وهي متوترة وحادرة راسها ومزيرة على الملف لي شادة.. دخل معاهاا من بعد ما كليكا على الطابق لي غيوقف فيه وبتاسم ابتسامة استهزاء
الشخص: تقلبي على خدمة؟
مرام: لا رد
الشخص: هيييهووووو.. راه كندوي معاك الاخت
مرام هزات راسها وشافت فيه
الشخص: واش صمكةة؟
مرام: شنوو قلتي؟
الشخص: واش راكي تقلبي على خدمة
مرام: ويي وان شاء الله يقبلوني
الشخص: اكيد غيقبلوك
وعاض شنافو وكيشوف فيها بنظرات شهوة.. اما مرام كتسنا ايمتا يوقف هاد سانسور خلاص باش يبعد عليها هاد خينا.. وقف لاسونسور وتلفت ليهاا
الشخص:،تبعيني
خرج وبقات هي لداخل كتشوف فيه
عاود تلفت ليها وغوت عليها
الشخص: قلنالييك تبعيني
مرام مزادتش معاه لهدرة وتبعاتو وكدوي فخاطرها
مرام: هاداا شنوو بغا مني؟ ياكماا يدير لي بحال لوخرين لي دازو.. غير نرجع فحالي وكاان.. ماشي وقت هادشي نتبعو ولي بغا يوقع يوقع.. هووووف
دخل لمكتب ديالو وتبعاتو بقات واقفة
الشخص: يمكن ليك تجلسي
من بعد ما جلسات
الشخص: عطيني داك سيڤي نشوفو
عطاتو ليه وبقا كيقرا فيه وهي مزيرة على يديها وكدعي فخاطرها انه يقبلها حيت صاافي ملات من هاد الوضع كل مرة وهي من شركة لشركة ولقهاوي ولمطاعم حتى واحد من هادو ماقبلوها
مرام)فخاطرها): معرفتش شنوو جابني لهناا.. بفففف.. عارفاهوم مغيقبلونيش.. غير انا لي دافعة السنطيحة.. مالي على حالتي
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
