" لما رأيت دموع الورد في لحظة وداع.. قررت أن اسافر بنور القمر الى سنوات الضياع.. ويبقى الحب.. لا مكان ولا وطن.. يطير بأجنحته المنكسرة.. باحثا عن حلمه الظائع.. وهكذا تمضي الأيام.. "
وصلات لعندو ناض سلم عليها
يونس: جلسي متبقايش وااقفة
مرام: هاناا.. قولي شنو بغيتي مني؟
يونس(كيشوف فيها): توحشتك
مرام(غمضات عينها): بلا متبدا عااود أيونس
يونس: واخاا صافي
بعد لحظات صمت وهوما كيتبدالو نظرات
يونس: بغيت نسولك؟
مرام: ويي
يونس: جايبة معاك لاكارط ناسيونال
مرام: علاااش
يونس: اه ولا لا
مرام: اه جبتها
يونس: عطيها لياا
مرام: ولكن شنوو بغيتيها؟
يونس: غير عطيها لياا متخافيش.. تيقي فياا
مرام: نتيق فيك باش تخدلني مرة خرا
يونس: غير عطيها لياا
عطاتها ليه وهو يطير السيد وخلاها متعجبة بهاد التصرف ديالو
السيرفر: شنوو حاب الخاطر أآنسة؟
مرام: عصير ليمون بارد
السيرڤر: واخاا مرحبا
بقات كتسنا تقريباً 20 دقيقة وكتبرد لفقصة بداك العصير
عادل: واتاااك لبيض
شيماء: بصح أحياتي!
عادل: ويي كيجي معااك نتي كولشي
هبط لارض وكيلمس فكرشها وكيدوي مع ولدو
عادل: حبيب باباه.. ايمتا غتشرفني باش نبقا نلعبو انا ويااك.. ايمتا غتشرف عائلة خالدي..
شيماء شدات ليه فيدو
شيماء: قرييب غنتجمعو انا ويااك وولدنا احياتي
عادل عنقها بحب وباس عنقها..
شيماء: اجي بعداا.. درتي داكشي لي تافقنا عليه
عادل: معلووم
شيماء: عنداك لايفضحنا ولا شي حاجة
عادل: نتخافيش كولشي هو هاداك.. خاص غير يجي يونس
شيماء: كنحمد الله ليل ونهار انك نتا معاياا و واقف بجنبي
عادل: صافي خليناا من الدموع.. ضروري من الدراما
شيماء: هه
عادل: يالاه نهبطو
شيماء: حتى يجي يونس وعاد نهبطو ديكساع
يونس: واخاا
شيماء: مقلتييش لياا شمن مفاجأة؟
يونس: حتى يوصل وقتها صبري
شيماء(بتذمر): بففف.. واخاا
مرام: واخيراً جيتي فين تعطلتي؟
يونس: يالاه معاياا
مرام: فيين
يونس: بلا قوة الاسئلة ويالاه
مرام: هووف واخاا
مشات تبعاتو حل ليها الطوموبيل وركبات وزاد مكسيري
مرام: يونس.. نقص شوية السرعة
يونس: ماا بقا ليناا والوو وغتكوني معاياا ديما وللأبد
مرام: شش.. شنوو كتخربق؟
وقف ااطوموبيل وتلفت عندها
يونس: يالاه خرجي
خرجات وشافتهوم فين هوماا
مرام(مخرجة عينيها): من نيتك
يونس بقا كيضحك وجرها معاهاا لداخل
العدول: زيدو تفضلو
مرام شافت فيونس
مرام: وشيماء؟
يونس: حتى حااجة مكتهمني من غيرك.. نتي هي كولشي
جلسو هو وياها ومن بعد ما قرا ليهوم العدول واحد الخطاب بدا يسولهوم
العدول: يونس علالي.. واش قاابل بالزواج من الانسة مرام الانصاري وتبقا معاها فالسراء والضراء؟
يونس(شاف فيها بحب وبتاسم): اه قاابل
العدول: مرام الانصاري.. واش قابلة بالزواج من السيد يونس علالي وتبقاي معاه فالسراء والضراء؟
مرام بقات مترددة واش تقبل ولا لا.. شافت فيونس لي بتاسم ليها وقاليها بعينيه غير طمأني نتي معاياا
يونس: اه قاابلة
وكيصفقو ليهوم واحد لكوبل لقاهوم يونس بغاو يتزوجو وشهدو ليه فزواجو وحتى هوما نفس الشيء وكانت معاهم امرأة حتى هي
عطا ليهوم الكتاب وسناو كل من مرام ويونس..
العدول: اعلن الان زوج وزوجة بالبنين والبنات..
تسالمو مع بعضياتهوم وقبل راس مرام
يونس: يااك قلت ليك بانك نتي لياا واناا لييك
مرام مسحات دموعها ممتيقاش وكيمسح ليها فالدموع
يونس: لبكااية ديالي..
مرام: باقاا ممصدقاش
يونس: ايواا غير صدقي ألالة
مشاو خرجو وهوما شادين فبعضياتهوم وصونا ليه التيليفون كاان جمال
يونس: ويي جمال
جمال: فينك أصاحبي؟ تعطلتي
يونس: نطلبك طليبة
جمال: ويي
يونس: جيب لي لاڤاليز ديالي
جمال: ولكن لاااش
يونس: دير داكشي لي قلت ليك
جمال: واخاا فينك نتاا؟
يونس: جيبو عندي ل *****
جمال: واخاا
يونس: ومتقوول لحد راك دويتي معاياا
جمال: واخاا
داكشي لي دار جمال.. مشا لبيت يونس لقا ڤاليز ديالو مجموعة ورماها من الشرجم و عتادر من الناس ومشا فحالو.. هز لاڤاليز ديال يونس يالاه حطها فالطوموبيل وهي تخرج ليه سارة من الجنب
سارة: فين غادي؟ وديالمن ديك ڤاليز؟
جمال: تبغي تمشي معاياا وتسكتي
سارة: صافي واخاا هاناا ساكتة
ركبات معاه وتوجه لعنوان لي قاليه يونس..
سارة: ديالمن هاد الدار؟
جمال: ديال ماليهوم.. هاا هي الساروت
حل لباب ودخل بقا كيعيط يونس لا من مجيب.. حط الشانطة وتاصل بيه
يونس: ويي جمال فين راك؟
جمال: انا فديك الدار لي قلتي لياا.. فينك نتاا؟
يونس: جي عند مرام
جمال: لاااش
يونس: من بعد وغتعرف
جمال: واخاا
لصقات فيه سارة كيف لمسكة مشات معاه ولقاو لباب محلول
جمال: يونس
سارة: مراام
يونس: ااااي.. دخلوو.. نتي رصاااي ويالاه
مرام: قلت ليك مغنخرجش من هاد الدار
يونس: هااك هاد الشانطة ديها لطوموبيل
جمال: واخاا
يونس: مبغيتيش تمشي..
مرام: لااا هي لااا
يونس: واخاا
وهزها فوق كتافو وهي كضرب ليه ضهرو
مرام: حطني..
يونس: غتمشي هي غتمشي بزز ولا بلخاطر
بقات كضحك عليهوم سارة وسدات لباب.. ركبها لقدام ودار ليها السمطة
يونس: وياااكيي
بقات مرام مخنزرة داها تماك لدار ودخلو حتى جمال وسارة
سارة(بفضول): سي يونس.. واش بينك وبين مرام شي علاقة؟
يونس: اييه هي مراتي
سارة وجمال(مخرجين عينيهوم): شنوو؟
يونس: ايييه كيف كتسمعو؟
سارة: وشيماء؟!!
يونس: مكيهمنيش شيماء كتر ما كتهمني مرام..
سارة: اممم طاح الحك وصاب غطاه
يونس: مراام
مرام: نعاام
يونس: اناا خارج مع جمال مغنتعطلش
مرام: واخاا
طبع قبلة ففمها وتزنگات السيدة ولات حمرة كيف مطيشة.. من بعد ما خرجو نقزات عليها سارة
سارة: ايهاااي الناس ولحوب وداكشي
مرام)ضرباتها): الله يمسخك
سارة: عاوديليا
مرام: شنوو؟
سارة: قصة حبكم.. كيفااش طاح فيك مسيو يونس..
مرام: ههه منين غنعااود ليك..
سارة: ملي حبيتي
عودات ليها مرام كولشي.. من لول حتال لخر
سارة: داازت عليك نييت..
مرام: وايييه
سارة: هانتي صبرتي وربي فرجها عليك
مرام: ان الله مع الصابرين
سارة: داكشي
بعض دقائق قلييلة دخل يونس وجمال جابو معاهوم لماكلة من برا
سارة: هممم سوبحاان الله بحالاا كنتو حاسين بلي فياا الجوع
جمال: تاكلي متشبعي بااز ليك اختي
سارة: بففف حاسدني على لماكلة ياا لطيييف
دوزو دااك النهار مجموعين كولهوم ضاحكين وناشطين.. وتيليفون يونس مزگااش كل مرة كيصوني.. وهو يطفيه
بعد يومين.. يونس ومرام فلمطار متوجهين لهند يدوزو شهر العسل تماا..
مرام: مزاالةة ممصدقاش بلي صاافي تزوجنا
يونس: غير صدقي ياا مراامي
مرام: كنبغييك
" نداااء.. على جميع الركاب المسافرين على الرحلة رقم 487..التوجه إلى البوابة رقم 3.. والإستعداد للركوب على متن الطائرة
مع تمنياتنا للجميع برحلة ممتعة.."
** بعد شهر:
من بعد ما رجعو مرام ويونس من شهر العسل.. مشاو ديريكت لدار واليديه.. ولقاهوم مكاينينش..
مرام: مكاين حد
يونس: داكشي لي بان لي.. غنمشي نطلع هادو لفوق ونتي رتاحي
مرام: واخاا
طلع لفوق دخل لبيتو حط الشانطات وبدل عليه.. فاش كاان خارج من لبيت سمع شي هدرة فبيت عادل.. سمع هدرة لي خلاتو انه يبقا يسمع شنوو كيقولو
شيماء: هوووف.. لهاد الدرجة الاجتماع مهم
عادل)كيعدل لگرافاط ديالو): ضروري أحياتي مغنمشي.. حيت سيهوم يونس مشاا وخلاا كولشي عليا
شيماء: كنكرهوو مبقيتش حااملة نسمع سميتو
عادل: كاالماا بب رامي حااملة ومتعصبيش
شيماء)عنقاتو): راني باغياك.. بناقص من هاد الاجتماع لي غيحرمني منك ومن ولدك..
يونس: الولد لي حاملة بيه ولد عادل.. هادشي يعني انه ماشي خوهاا.. داروها بياا.. اكييد متافقين لشي حااجة واكييد غنعرفها
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
