الطبيب: عظم الله اجركم السيدة ماتت
الكل شهق الا مرام لي زادت قربات ليه وكضحك
مرام: ههه اكييد غير كضحك معاياا.. ماماا ممااتتش (شداتو من لكول) قول غير كتفلااا ماماا مامااتش
الطبيب(متحسر على حالها): للاسف راهاا ماتت.. الدنياا راها دوارةة وحنا كولناا غنموتو.. الله يصبركم
مرام: لا ميمكنش ميمكنش ميمكنششش لاااااااااااااا اهئ اهئ اهئ لااااااااا
نهارت فيد يونس لي كاان ضاارو قلبو عليهاا ومقدرش يستحمل كتر دفنهاا فصدرو وهي كتبكي وتغوت حتى تهدناات شوية ونوضها جلسها وجاب ليها لما
مرام: مشاا باباا ومشات ماماا وخويااا اهئ اهئ لي مقدرتش نصدق انه قتلها بلا شفقة بلا رحمة على قبل لفلوس.. الناس لي بغيتهوم ونقدر ندير المستحيل على ودهووم مشاو من هاد الدنياا 😢
يونس(معنقها وكيحاول يهدنها): ششش صاافي طيبتي هاد لعوينات بكترة لبكاا (وكيمسح ليها دموعها)
مرام بقات كتشوف فيه وطبع قبلة على جبهتها
يونس: اناا معااك.. فينماا درتي تلقايني حداك
هاد الكلام ريح مرام نسبيا وتكمشات فيه حتى شافتهوم مخرجين الجثة ديال ماماها وناضت لعندهوم
مرام: مامااتي لحبيبة حتى نتي مشيتي وخليتيني لمن خليتيني.. لمن.. اهئ اهئ اهئ
هزها بين يديه وهي مقدراتش تحبس لبكا
يونس: بكي بااش ترتاحي
نفاجرات بلبكا وهو معنقها
مرام: شكون لي غيبقى يفيقني الصباح باش منتعطلش لخدمة؟ شكون لي غيبقا يسول علياا فااش غنبقا نتعطل على براا؟ شكوون لي غيبقاا يعايرني ويضربني فااش ندير شي حااجة خاايبة متعجبووش؟ شكوووون وشكووووون
جات سارة بسرعة البرق فاش قاليها جمال شنو وقع
سارة: مرااام.. حبيببتييي.. هاناا معاااك
مرام: شحاال خااايبةةة تكملي حياتك بلا اب وام واخ لي يسندوك وينصحوك ويقولو ليك شنوو غديري وشنو مغديريش.. شكوون لي غيبقا يقولي عمارة الداار شكووون
سارة: اناا أحبيبة
زادت مرام فبكاها وغمز يونس لسارة بمعنى هادي ماشي وقيتة ديال الضحك وسكتات
سارة: صافي أحبيبة قطعتي لياا قلبي.. يالاه تمشي معاياا
مرام: بغيت نمشي لدارنا.. ديوني لدار
يونس: واخا انا غنوصلك
سارة: نمشي معاكوم
يونس: مكاين لاااش غنوصلها لدار.. حتال غدا
سارة: واخاا
داها لدار وهي حاطة راسها على الزاج ودموع على عينها لي مفارقوهاش ولو لحظة وحدة
مرام: حتال ايمتا نبقا هاكاا منحسش براسي عايشة.. حتال ايمتا وهاد الحزن غيبقا مرافقني طول حياتي.. مليييت مليييت من هاد لعييشة
وصلو لدار ودخلو
يونس: كون مشيتي لدار تمااك حسن
مرام: بلاش بغيت نبقا هناا.. لا مقدرتيش تبقا هناا غير سير
يونس: ماشي هكااك أمرام كنقلب على راحتك
مرام: انا مرتااحة هناا بلا متشوش
يونس: اوك على خاطرك.. فييك الجوع؟
مرام: لااا.. بغيت نبقا بوحدي
يونس: واخاا هاناا غنمشي اندوز عندك غدا
مرام: واخاا
يونس باسها فجبهتها وتمنى ليها ليلة سعيدة ومشاا فحالو وهي بقات كتشوف فالدار وشافت بقعة ديال الدم فلارض طاحت دمعة على خدها ومسحاتها.. مشات لبيت ديال ماماها نعسات فوق الناموسية وكتبكي هزات صورة كانت محطوطة تماا كانو مجموعين هوما بربعة هي وزهير وماماها وباباها
مرام: اهئ اهئ علاااش أسيدي ربي وقع لي هادشي علاااااش اهئ كناا عايشين حياة بسيطة وفرحانين مع بعضياتنا ملي متيي اباباا ولحزن رافقنا فحياتنا
باست الصورة وبقات معنقاها وكتفكر فالدكريات لي كانو فيها مجموعين وضاحكين وناشطين ما حسات براسها حتى نعسات..
اصبحنا واصبح الملك لله.. فاقت على دقاان ديال لباب
مرام: اوووف صبحنا على الله.. شكوون
يونس: غير اناا
مرام حلات ليه لباب
يونس: صباح الخير
مرام: صباح النور
يونس: وااقيلةة فيقتك من النعااس
مرام: ماشي موشكيل
يونس: جبت ليك لفطور باش تفطري باش تمشي تسلمي الجثة ديال ماماك قبل ميدفنوها
مرام: واخاا 😔
فطرات مرام ولبسات حوايجها ومشات مع يونس لسبيطار باش تسلم الجثة وتعمر شي وراق مشاو دفنوها وقراو عليها ما تيسر من القرآن
- البركة فراسك ابنتي الله يرحمها ويجعلها من اهل الجنة
- اميين
من بعد ما مشا السيد وهي بقات شحاال حدا قبر ماماها ويونس واقف بعيد ومتحسر على حالتها وداباا عاد عرف حالتها شنوو سبابها.. مشاا لعندها وهزها من تماا
يونس: يالاه نمشيو
مرام: واخاا
باست قبر ماماها وتبعات يونس
يونس: فين بغيتي تمشي؟
مرام: معندي فين نمشي.. باغاا نمشي لدارنا
مزادش معاها لهدرة وصلها تماا
يونس: لا خاصاك شي حااجة قوليها لياا.. وايلا حتاجيتيني انا على رهن الاشارة
مرام: شكرا حيت نتا فجنبي
يونس(شد ليها يدها بزوج): اناا ديماا معااك
مرام تبسمات ليه
يونس: شحال كتباني زوينة ونتي ضاحكة.. انا مشيت غنجي عندك لعشية
مرام: واخاا بسلامة عليك
ركب فالطوموبيل وشيرات ليه بيدها حتى خرج من الزنقة عاد دخلات لدار
زهير دخل لواحد الدار مهجورة وكيتسنا فشي حد
روبيو: هااك هاا هي الامانة
زهير: احححح الله يرضي عليك.. هادشي مجهد عندك اخاا
روبيو: بصحتك اخوياا الزيين.. عطيني لفلوس باش نمشي عندي واحد لغرض
زهير: هااك أصااحب.. دبر لي فشي دار لحااافظك
روبيو: والااا علييك كاينة وااحد كنعرفو بغا يبيعها واحد السيد غتعجبك
زهير: صاافي فلعشية وغندوز عندك
روبيو: واخااا تهلااا
مشا روبيو وزهير بقا كيتحشش تماا
زهير: غنبقاا هارب حيااتي كااملة.. ضرووريي مغنديباني لراسي واخاا غير نسربي
بقاا نهاار كاامل وهو تماا حتى وصل لعشية ومشا عند روبيو لخدمتو
زهير: فسست
روبيو خرج من تحت الطوموبيل
روبيو: واا فيين.. عندك لوقت هو هاداك
زهير: ايوااا للضرورة احكام
روبيو: هه (وضرب كتف زهير) تبارك الله على سي زهير.. دقيقة وانا معااك
شيماء كتلمس فكرشها وكتشوف راسها فلمراية
شيماء: كون كنتو معاياا داباا تفرحو معاياا بحملي.. مشيتو وخليتوني بوحدي.. مقطوعة من الشجرة.. كون مكانش معاياا عادل ووقف معاياا كنت غنتبعكوم.. داباا انا وقفت على رجلي وحققت ليكوم داكشي لي بغيتو ولكن حتى مشيتو وخليتوني بوحدي.. بغيتوني نتزوج بعادل.. وحنا قريب غنتزوجو.. من مورا مغادي نتاقمو من مول الفعلة وديكساع غنعيش بخير وعلى خير.. ومع عادل لي وليت كنبغيه وكنحماق عليه
يونس: شكون هادا لي كتبغيه وتحماقي عليه
شيماء: هاااء نتا من ايمتا ونتا هناا
يونس: عااد جييت
شيماء مشات عنقاتو
شيماء: وليت كنتوحشك كل لحظة.. كنتوحشك كتر ونتاا معاياا.. متبقااش تغبر علياا صاافي
يونس(بضحكة صفرة): واخاا ألالة.. نمشي ندوش
شيماء: واخاا أحياتي
شدات من عندو ڤيستة ودارتو على نيفها وبقات كتشم فيهاا
شيماء: اهئ بغيت عادل
صونات عليه و هو مكيجاوبش
شيماء: هادا مالو مكيجاوبش
عاودات كتصوني والوو
شيماء: بففف حتى بغيتك داباا ونتا مكتجاوبش.. غير تجي غنااكلك
دوزات مرام نهار كولو وهي كتبكي مكلات والو
مرام: منقدرش نتحمل على فراقك أماما اهئ الله يااخد فيك الحق أزهير الله ياخد فيك الحق
زهيرة: مراام بنتي لحبيبة
مرام: ماماا..
زهيرة: اجي عندي أبنتي اجي
ناضت مرام وهي تمشي لعندها
مرام: ماماا.. فين غادية؟
زهيرة: تبعيني
تبعاتها مرام وهي متاجهة لسطح بقات كطل تماا وهي طلع فوق ديك لحاشية شافتها وحدة من دوك لجيران وهي تغوت.. كولشي طل لبراا شافوو مرام فوق لحاشية وهي كضحك وكتردد "انا جاية عندك أماما مغنخليكش بوحدك".. فهاد الاثناء كان جا عندها يونس شاف قجقلةة ديال الناس حدا دار مرام وكيغوتو.. مشا يجري لعندهوم وشافها فديك الحالة وهي بغات ترمي راسها وكضحك
يونس: مرااام.. مراااام..
دخل بسرعة لواحد دار ونقز السطح وغادي لعندها
يونس: مراام
مرام غمضات عينيها وحلات يديها
مرام: هاناا جاية عندك أماما
وكيف بغات تنقز وهو يجبدها عندو يونس حتى تلاحت فوقو وتصدم راسها بصدرو
يونس: واش نتي بعقلك؟ شنوو كنتي غديري؟ هاداا هو الحل بالنسبة ليك
مرام غير كتبكي وساكتة.. هز ليها راسها
يونس: ماشي حشومة عليك تمشي وتخليني هااا
مرام بقات ساكتة ودموعها على عينها
يونس: منصورش حياتي بلا بيك.. نتي روحي وكياني.. كنبغيك.. واخاا ماشي وقيتة ديال هاد لهدرة
مرام عنقاتو
مرام: واعدني عمرك مغتخليني
يونس: كنواعدك.. كنواعدك عمرني نخليك
مرام زادت تخشات فيه وكتشم فريحتو لي توحشاتها
يونس: يالاه نهبطو لتحت
هبطو وهو يعيط على جمال يجي..
جلسات مرام ومشا يونس كيجمع ليها فحوايجها
مرام: هييي شنو كدير
يونس: كنجمع ليك فحوايجك
مرام: ومعامن تشاورتي بالسلامة؟
يونس: مع راسي
مرام: لا أسيدي مغنمشي فيين غنبقاا هناا
وكتهز فحوايجها تردهوم لبلاصتهوم
يونس: حتاال ايمتاا غتبقااي على هاد الحاالة
مرام: مشغلكش ومكيهمكش هادشي
يونس: غادي تمشي معاياا هي غادي تمشي
مرام: هوووف عنيد
يونس: نتي لي عنيدة.. بهاكاا غير متزيدي تمرضي راسك
مرام: عافااك أيونس محتاجة نبقا بوحدي هاد ليامات..
يونس: منقدرش نخليك بوحدك
مرام: عافااك حتارم قراري
يونس: هوووف صاافي سيمانة وغتمشي من هناا
مرام: حتى نشوف
يونس عاقد غوباشتو
مرام: صاافي لي بغيتي نديرو غير حيد لياا هاد لغوباشة
يونس: كامونية لا متحكيتيش متعطيش الريحة
مرام: بديتي تصعصع علياا
يونس: وايلا متصعصعتش ليك علامن غادي نصعصع
مرام شافت فيه بحب وعنقاتو
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
