دوز معاها ديك لعشية وهو كيحاول ينسيها فالحزن وكيواسيها وكيتفكرو أيام زمان وهي ناعسة على صدرو
مرام: عرفتي شنو توحشت؟
يونس: شنو؟
مرام: تبقى تغني لياا فنصاص الليل
يونس: ههه هاداا وكاان.. شنوو نغني ليك؟
مرام: لي حبيتي
يونس: " واناا معاااك.. كل يووم نعيشو عييد.. مرتاااح وفرحااان ونتي حدايااا.. فهواااك.. جنوونيي بيك بيزييييد.. يااا نموووت.. يااا نعيش.. ونتيي معايااا"
مرام(تبسمات): الاغنية ديالناا 😍
يونس: ايييه
بقاو يغنيو الأغنية ديالهم بزوج مع بعضياتهم حتى سالاوها كاملة
يونس: ايواا عندااك تموتي وانا ممعاكش
مرام: هههه
رجعات لصدرو ممتيقااش راسها واخيرا تجمعو مع بعضهوم وكتشم فريحتو
مرام: فراسك.. ملي تفارقنا اناا ويااك عمرني شفت نهاار زويين فحياتي.. دايما كندوزو بكاا.. بعد النهار لي تفارقنا ماات باباا.. كاان مريض بالسرطان.. من بعد ما ماات جراو علينا عماتي وعمامي من الدار.. سرسبونا من الدار لي تزاديت وكبرت فيهاا.. بقينا مشردين.. لا حنيين لا رحيم.. بتناا فالزنقة ديك ليلةة.. حتى صبح الصباح.. وتلاقات ماما بواحد لمرا كانت كتعرفها شحاال هادي هي لي عاوناتنا وجابتنا هناا لدار.. وبقيت انا كنخرج نهار كاامل نقلب على خدمة وفلخر ملقيت واالووو.. ياماات وانا كنتعدب.. غادة جاية.. مخليت فين قلبت.. شركاات.. مطاعم.. لوطيلات.. قهاوي.. واالووو.. كل وااحد وكيبغي لمقابل.. شي يقول لي حكي جيبك ونخدمووك.. شي يطلبني لحوايج خرا وعاد يشوف واش يخدمني ولا لااا.. قالت لياا ماماا غير جلسي بقاي فالدار.. قلة ندير شي ديبلوم ولا نقرا اللغات.. غير ندير شي حاجة منبقااش غير جالسة فالدار ومخلية ماماا تعدب.. بقات ماما كتخدم فالديور ولمرا كتبيع لمسمن ولحرشة.. حتى صوڤينا راسنا شوية.. وحتى قلت الدنيا بدات ضحك لينا.. بعدو ماتت لمرا مسكينة الله يرحمها وخلات ليناا هاد الدار.. ماماا بدات كتعياا وتمرض مكتقدش تمشي.. وبقاا ليناا غير شي بركة هي باش مدوزين.. والديون لحد الان باقي ممخلصين..
يونس(بحسرة): هادشي كولو دوزتيه
مرام: ايواا شنو غندير.. هادشي لي مكتاب علياا
يونس: ولكن من هناا لفوق.. وداعاً يا حزن
مرام: ياا ربي.. مليت من هاد لعيشة ديال الويل
زاد عنقها يونس مزير عليها
يونس: اناا معااك.. فين ما بغيتي شي حااجة اناا معااك..
مرام: قول لياا
يونس: نعاام
مرام: شنوو قضية ديك شيماء؟
يونس: ماتوو واليدييها شي هادي عامين وبقات بوحدها هي وخوها عادل.. ايواا وعجبات واليديا وبغاو يلصقوها فياا. قالو لياا ياا السخط ياا رضاا..
مرام: هاانية واليديك هادوك.. خاصك دير المستحيل على قبلهوم.. قبل ما تخسرهوم بزوج.. بحالي اناا..
يونس: يالاه نعسي
مرام: مغتمشيش؟!
يونس: كتجري علياا
مرام: هه لااا حاشاا حتى نجري عليك
يونس: ايواا هكااك
نعسو وهوما على دااك الوضع معانقين.. صبح صباح جديد.. يوم جديد.. فاقت مرام كتكسل ملقاتش حداها يونس
مرام: ياكماا نكون عااود كنحلم
مشات لحمام غسلات وجهها وكتقلب على يونس لقاتو فكوزينة كيصاوب لفطور
مرام: هه شنوو كدير؟
يونس: كنقاد ليك لفطور
مرام: هه امممم هادشي كيشهي
يونس: يالاه هزي معااك شي حاجة باش نفطرو
مرام: واخاا
فطرو فجو رومانسي.. مرام نسات شوية الحزن وعايشة اللحظة مع يونس..
يونس: اش بان ليك نخرجو ليوم تبدلي الجو
مرام: وانا نقدر نقول ليك لااا
يونس: يالاه سيري لبسي
مشات مرام تلبس حوايجها وخرجو دوزو نهار كاامل مع بعضياتهوم.. كيتمشاو حدا لبحر وهوما مشادين من بعد مشاو جلسو فقهوة خداو لي بغاو وهو يصوني ليه التيليفون كانت شيماء وهو مكيجاوبهاش
مرام: شكوون
يونس: شيماء
مرام: ايواا جاوبها
يونس: بلاش.. غتنکد علياا اللحظة
مرام: ههه بااز ليك
شيماء واقفة بعيد كتشوف فيهوم وداخلها كيغلي
شيماء: اييه أسيدي مكتجاوبنيش
صيفطات ليه مساج فيه "جاوبني ضرووريي امر مستعجل" وعاودات صونات ليه وهو يجاوبها
يونس: ويي اش وااقع يااك لاباس؟
شيماء: راني حاسة بحريق فكرشي.. ولدي غيضيع مني.. اجي داباا (وهي تقطع)
يونس: الو.. الووو.. قطعات
مرام: يااك لاباااس
يونس: قالت لياا اجي امر مستعجل
مرام: ايواا سير لعندها شووف اش واقع ليهاا
يونس: يالاه نوصلك
مرام: سير عند لبنت شوف شنوو بيهاا
يونس: يالاه نوصلك وعاد نمشي
مرام: واخاا
مشا وصلها لدار وشيماء كانت تابعاهوم بطوموبيلتها حتى عرفااتها فين سكناات
شيماء: قوول هناا فين ساكنة الانسة كعب غزال
يونس: ياكماا خاصاك شي حاجة
مرام: لااا
يونس: ايواا نخليك داباا
مرام: بسلامة
كيف مشاا دخلات لدار وسمعات الدقان
مرام: هه ياكما نسيتي مقلتي... ااا.. سلاااام
دخلات شيماء ومبتاسمة ابتسامة جانبية وكتشوف فالدار والاثاث.. سدات مرام لباب وتبعاتها
مرام(مربعة يديها عندها): كااين شي منقضيو الاخت؟
شيماء: يونس
مرام: مالو
شيماء: غادي تبعدي عليه ولا ميعجبك حاال
مرام: ههه وعلاااش بالسلامة؟
شيماء: واقيلة نسيتي بلي انا خطيبتو.. يعني ما بقا لينا انا ويااه وغنتزوجو
مرام: من لخر قولي شنوو بغيتي؟ وشنو جاية ديري عندنا هناا؟ من المفروض خااصك تكوني فالدار مع قلتي ليه يجي عندك امر مستعجل
شيماء: هاهاها جاية نقول ليك زوج د لكلمات وغنمشي فحالي
مرام: كنسمعك
شيماء: بعدي من يونس راه ولا رااجلي وبابات ولدي
مرام: كيفاااش؟ باباات ولدك!!
شيماء: ويي بابات ولدي.. علاه مقالهاش ليك
مرام: ماا قالياا والووو
شيماء: ايواا ها اناا قلتها ليك.. اناا حااملة منو والسيمانة الجاية غنتزوجو.. ونتي من اول المدعوين 😉
زادت وخلاتها فصدمة عمرها متوقعاتها من يونس.. غدرها وكدب عليهاا..
مرام: كدب علياا.. كدب عليااا.. متسوااااااش.. علاااااش درتي فيااا هاكاا.. علااااااش
هزات وااحد لكااس وضربات بيه لحيط وشدات فراسها
مرام: ممصدقاش انك دير بيااا هاكاا.. ولا باغي دير وحدة فالدار ووحدة فالزنقة.. اهئ اهئ اهئ
بقات جالسة كتندب وتحدب فزهرها لعوج.. حتى قالت الدنيا بدات كضحك ليهاا وفلخر ضحكاات عليها.. بدا تيليفونها كيصوني كان يونس.. مجاوباتوش خلاتو كيصوني حتى تشوش عليها وجا عندها بقا كيدق عليهاا.. مشات حلات ليه
يونس: مرام.. مالكي مكتجاوبينيش.. شنوو واقع عااود
مرام: كنكرهك
يونس: مالكي؟ شنو بيك؟
مرام: علاااش مصارحتينيش بحمل شيماء
يونس تكوانساا وغير كيرمش
يونس: شكون قالها ليك؟
مرام: مكيهمش شكون قالها لياا
يونس: هي لي قالتها ليك
مرام بقات ساكتة
يونس: حساابك معاياا من بعد أشيماء
مرام: يونس..
يونس: مرامي
مرام: متبقاااش تجي عندي.. نساا بانك كتعرف شي مرام.. مرام لي كنتي كتعرف صاافي ماتت..
يونس: شنوو كتقولي أمرام؟
مرام: هادشي لي غيكوون مفهووم
يونس: ولكن..
مرام(قاطعاتو): كل واحد يمشي فطريق.. متبقااش دوور بساحتي
يونس: واش عارفة رااسك شنو كتقولي؟
مرام: عطيني بالتيساع.. خرج عليااا خرج
يونس باقي ممصدق شنوو كيوقع.. يالاه قبيلة كانو ضاحكين ناشطين.. سمن على عسل.. وداباا كطلب منوو كل واحد يمشي فطريق..
يونس: واخاا لي بغيتي.. هاناا مشيت
مشاا يونس ونهارت مرام.. ليل كولوو وهي كتبكي حتى لصبااح عاد نعسات بقاات فالدار سيمانة مكتاكل ما والوو.. غير واحد لمرا جارتها صاحبت ماماهاا لي كتبزز عليها تااكل.. داز اسبوع وهي على هاد الحال.. ويونس مخليهاا على راحتها.. ليوم لي غيوقع عقد القران هو وشيماء لي هي كانت فرحاانة حيت داكشي لي باغاا قريب توصل ليه.. يونس كيحاول يعيط على مرام ولكن مكتجاوبوش صيفط ليها مساج لعل وعسى يحن قلبها عليه وتجاوبو
مرام(كتمسح فدموعها): شنو بغيتيني؟؟
يونس: بغيت نشوفك ضروري غير 5 دقايق
مرام: ما كاين لا 5 دقايق لا 10 دقايق
يونس: عافاااك أمرام صبرت بما فيه الكفاية.. انا قلبي كيتشوا.. نتي محاساش بياا
مرام بقات ساكتة
يونس: شنوو داباا تخليني كنتسنا فيك واخاا معارفكش انك مغتجيش
مرام: وتبدا تفلسف عااود وتقول "انتظرها تحت المطر رغم انني اعرفها لن تأتي"
يونس)بصوت حنين): مرااام
مرام: امممم
يونس: كنتسنا فيك ف ***** وعفااك اجي غير 5 دقايق
مرام: واخاا هاناا جاية
لبسات حوايجها ومشات خرجات شدات تاكسي قالتو لو لعنوان فين غتمشي وحطات راسها وسهاات فهاد الحياة لي ولات عايشاها مرة ضحك ليها ومرة ضحك عليها
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
