*في مكان آخر:
صباح: زوزو
زهير: سميتي زهير ماشي زوزو
صباح: هه وينووو كتباان كيووت ونتا معصب
زهير كيخنزر فيها
صباح: قول لياا واش هارب من شي حد حتى جيتي تخباا عندي.. شهر ونتا معاياا مقلتي لي شنوو بيك
زهير: فاش نبغي نعااود ليك وغنعاود ليك
صباح: هووف دعقتيني بهاد الجملة لي كتقول لي ديماا
زهير: نتي لي فمك واكلك.. ديكساع ومتسولينيش
صباح: هوووف
زهير: عطيني شي كااس
صباح: واخاا
كبات ليه كاس وعطاتو ليه.. هو كيشرب وهي كتشوف فيه
صباح(بنفاد صبر): سمعت بانك هربتي من الحبس
زهير(مخنزر فيها): بااش عرفتيها؟!
صباح: سمعتك فاش كنتي كدوي مع الروبيو فاش قلتي ليه منقدرش نخرج حيت لبوليس غيكونو باقين كيقلبو علياا
زهير: ضروري متعرفي
صباح: اه بغيت نعرف
زهير: حيت كنغتاصب الزويناات 😉
صباح: هاااء مييي.. مشييت فيهاا
زهير: متخافيش.. كون كنتي زوينة كنت درتها شحاال هاداا
صباح عقدات غوباشتها وكتشوف فيه نظرات القتيلة
زهير: بلا متشوفي فياا دوك الشوفات غير كنضحكو معااك
صباح: 😏
بعد لحظات صمت
صباح: مليت من الدار غنخرج نشم لهوا ونتقدا شي حاجة.. ياكماا خاصك شي حاجة..
ومأ ليها براسو بلا.. وخرجات فحالها
صباح: هوووف معقد.. كون مكان الروبيو عشيري كون تهنيت منو شحاال هاداا
فاقت شيماء وصوت الآلات ضروها فراسها وجسمها كيعكرها
شيماء(بالم): اااا.. مييي..
بغات تنوض مقداتش
شيماء: ااااي.. رااسي
فهاد الاثناء دخلات عندها الممرضة تطمأن عليها
الممرضة: كيف صحيتي؟
شيماء: ضارني راسي وجسمي عاگرني.. مقديتش نتحرك.. (لمسات كرشها) ولدي!! باقي عاايش
الممرضة: للاسف فقدنا الجنين والشاب لي كان معااك حتى هو فقدناه..
شيماء دارت يدها على فمها ممصدقااش
شيماء: لاااااااا اهئ اهئ اهئ ميمكنش.. ميمكنش.. ويخليني.. لااااا.. ياااك واااعدتينيييي غتبقاا معاياا حتال اخر العمر.. موفيتيييش بوعدك ليااا.. عاااااديييييييل..
بكترة الصدمة لي تعرضات ليها موت عادل وفقدان الجنين دخلاات فغيبوبة..
يونس متكي فوق الناموسية ومرام كدوش خرجات وهي كتنشف شعرها وغادة جهة لمراية
يونس: اجي
مرام: اتسنا نقاد حالتي
يونس: ألالة راكي غزاالة بلا متقادي لياا
مرام كتشوف فيه من لمراية وكضحك.. مشطات شعرها وجمعاتو على شكل كعكة ونشات لعندو
مرام: شفتي شيماء وعادل علاياش كانو مخططين
يونس: ويي.. بغاو ينتاقمو من موت واليديهوم
مرام: فراق الوالدين صعييب مغيحس بيه من غير لي مجربو
يونس: واناا داباا معااك
مرام: نتا فيك ماما وبابا وختي وخويا
يونس: صاافي
مرام: عرفتي قلت واليديك مغيرحبوش بياا مزياان.. ساعة صدق العكس
يونس: علاه مالهوم بوعوو
مرام: هه.. معرفت فين خوياا؟ معرفتو واش حي ولا ميت
يونس: داباا تجينا خبارو وداباا نعرفوه فين كااين
مرام: ان شاء الله
يونس: يالاه نعسي
نعسو بزوج وهوما معانقين.. صبح صباح جديد.. فاقت مرام نااشطة ولما لا وهي داباا مع حب حياتها فااقت الصباح وخاطرها مروع مشاات ستفرغات
يونس: مالكي! بنتي لي صفرة
مرام: خاطري مروعني
يونس: لا مكنتيش كتحسي براسك بخير نمشيو لعند الطبيب
مرام: لا مكااين لاااش اناا بخير
هبطو لتحت لقاو كولشي مجموع كيفطرو
عايدة: صبااح الخيير
يونس ومرام: صبااح النور
خديجة: نعستي مزياان أمرام
مرام: الحمد لله
خديجة: اش بان ليك نخرجو اناا وياك؟
يونس كيخنزر فختو
مرام: بالطبيعة لحاال نخرجو.. لا بغاا لمسيو بعدا
يونس: ياا داباا دويتي.. يمكن ليكوم تخرجو
خديجة: مصدقتييش ألخاواا
يونس: سيري تنبگي.. انا غادي لخدمة
مرام: الاااا..
يونس: هه نشووف الاوضاع كيف ماشية فالشركة وغنرجع واخاا
مرام: واخاا
اسماعيل: الله يخليكوم لبعضياتكوم.. وان شاء الله ما نموت حتى نشوف حفادي كيلعبو قدامي
مرام)بخجل): ان شاء الله أعمي
مشاا يونس توجه لشركة ومرام مشات لبسات حوايجها باش تخرج مع خديجة تقدا شي حوايج..
خرجات مرام وخديجة يتقداو وهوما ضاحكين ناشطين..
خديجة: اجي ندخلو لهناا
مرام: واخاا
مشاو كيشوفو فاثاث ديال المنزل.. شوية حسات مرام بشي حد مراقبها.. تلفتات جهة الزاج وبقات مصدومة
مرام: زهير..
ومشات كتجري لعندو.. وبقات كتشوفيه كيف ولا.. ولاااا شااحب وزااد رقاق.. وبقات كتبكي على حالتو لي ولا فيهاا
مرام(كتبكي): علااش علاااش؟؟
زهير بقا سااكت وكيشوف فيها وعينيه مغرغرين بالدموع
مرام: جاوبني.. علاااش قتلتي ماماا؟
زهير حدر راسو وكيبكي.. حااس بالندم مبكااش مورا ما قتلها وعمرو ما حس بتأنيب الضمير حتال داباا.. وتساراا معاه شنوو دار.. على الفلوس دار العجب المتعجب.. قتل ماماه.. الانسانة لي جابتو لدنيا ورباتو احسن تربية وعدبات راسها وفلخر قتلها بدم بارد.. ومشا عنقهاا
زهير: سمحيليا سمحيليا
مرام بادلاتو لعناق
مرام: خاصك تطلب الله يغفر ليك على هاد الفعل الشنيع لي درتي ماشي انا لي طلبني نسامحك..
زهير بقا سااكت ومعنقها
يونس: مرااام
مرام تلفتات ليه لقات يونس قدامها وعروقو بارزين وولا حمر نااوي على خزيت.. خديجة تلفتات كتقلب على مرام لقاتها برا حدا لمحل وهي تخرج بان ليهاا يونس و واحد لولد معرفاتوش
خديجة: مالكووم شنوو واقع؟
مرام)مسحات دموعها): كنقدم ليكوم خوياا زهير
خديجة: اااه هاداا خووك متشرفين
زهير: الشرف لياا اختي.. اناا غنمشي
مرام: فيين غادي تمشي؟
زهير: فحالي.. خليتكوم على خيير
جاا واحد ضرب زهير بلكتف ودخل لمحل
زهير: واا بشوية مالك مدرم؟
الشخص)تلفت ليه): سمحلياا
ودخل داك الشخص وجبد تيليفون
الشخص: ويي هو هادااك.. قبضو عليها داباا
خرجو لبوليس.. كل سيارة فيها زوج ومسلحين غاديين فاتجاه زهير لي غير شافهوم وهو يجري
مرام: زهير.. زهير فين غاادي
شافت لبوليس غادي فاتجاهو
مرام: يونس.. غيشدو خوياا.. لااا.. بغييت خوياا
يونس: بقااي معاهاا اخديجة هاناا جااي
خديجة)مفاهمة والو): واخاا غير سير
يونس مشا تبعهوم باش يعرف شنوو واقع والسبب لي خلاهوم يتبعوه باش يتشد.. يالاه زهير بغا ينقز من وااحد الصور وهو يشدو واحد من لبوليس
البوليس: هاا حنا شدينااك.. مرة خرا تفكر تهرب ديكساع شوف شنوو غنديرو
زهير: طلق مني طلق..
البوليس: صحابك راهوم توحشوك ههه
زهير تشلشل من بعد ما سمع بأن صحابو لي هربوه تشدو.. الشلامة وكليكتو.. بقاو غاديين بيه جهة صطافيط ومرام كتبكي وتغوت وشاداها خديجة كتحاول تهدنها
مرام: زهيييير.. زهيييييير.. طلقوووه متشدووووهش.. لااااااااا
خديجة: تهدني أمرام تهدني
طلقات مرام من خديجة ومشات كتجري جيهتهوم وتلاحت على زهير كتعنقو..
مرام: اهئ اهئ اهئ متديوهش.. طلقوه هو ما دار والو
لبوليسي: لي دار الدنب يستاهل لعقوبة
مرام: لاااا اهئ اهئ
لبوليسي: مغنباتوش هناا زيد قدامي
جروه وهوما غاديين بيه لجهة صطافيط وهو كيبكي.. ومرة مرة كيدور عند جهة مرام لي نهاارت فلأرض ويونس وخديجة شادين فيها ورجع عندهوم وااحد لبوليسي
لبوليسي: لا بغيتو تفهمو شنو دار اجيو لمركز
ومشاا وخلاهوم فحيرة شنو دار زهير حتى تشد
يونس: خديجة سيري لدار.. غنمشي انا ومرام نفهمو شنوو واقع ونرجعو
خديجة: واخاا
خديجة شدات طاكسي ويونس ومرام تاجهو لمركز.. مرام طريق كولها وهي كتبكي..
مرام: حتى لقيت خوياا وبغاو يشدوه فلحبس.. هو الوحيد لي بقا لياا من عائلتي
يونس: كالماا بب داباا يخرج.. غيكوون غير تغالطو ليه مع شي حد.. داباا يخرج براءة..
مرام: ان شاء الله
وصلو لمركز وهي دايخة معرفات متسول
يونس: عافااك.. واحد السيد عاد جابوه داباا
لبوليسي)تاجه لعندهوم): هااا جيتوو.. تفضلو معاياا
دخلو معاه وجلسو فوق الكرسي وعطاها شي تصاور
لبوليسي: كتعرفي شي واحد من هادو؟
مرام بقات كتشوف فالتصاور وتحقق فيهوم
مرام: هادو ولاد الدرب لي كنت سااكنة فيه
لبوليسي: شنوو كيجيك زهير الانصاري؟
مرام: خوياا
لبوليسي: خووك ألالة عندو سوابق.. القتل العمد.. السرقة.. وتهريب المخدرات.. الاغتصاب.. شديناه لا هو ولا كليكتو.. شديناه وهرب ليناا شهر وحنا كنقلبو عليه
مرام شهقات ودارت يدها على فمها مصدومة بعد ما سمعات هاد لهدرة ممتيقاش
مرام: يمكن لي نشوفو
لبوليسي: لااا ميمكنش.. بعد غدا عندو محاكمة
مرام: واخاا شكراً
خرجات مرام ورجليها فاشلين عليها ممصدقاش شنو هادشي لي دار خوها
مرام: مقدرتش نصدق هادشي
يونس)معنقها وكيحاول يواسيها): صاافي تهدني تهدني كولشي غيتصلح
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
