حط سيڤي ديالها فوق لمكتب وصونا على السكريتيرة تجي
سارة: ويي مسيو عادل
عادل: اجي عندي داباا بغيتك
سارة: واخاا مسيو
صاوبات سارة شعرها وقادات لماكياج ومشات لعندو وهي كتعوج
عادل(باقي كيشوف فالسيڤي): مرام ياا مراام
مرام هزات راسها وشافت فيه وبلعات ريقها
عادل: مرام الأنصاري.. سميتك زوينة
مرام: ش.. شكراً
سمع الدقاان
عادل: دخل
سارة: ويي مسيو بغيتيني
عادل: هادي مرام.. من ليوم غتولي خداامة معاناا.. بغيتك توري ليهاا لمكتب وشنو غدير.. مهم راكي عارفة اش غديري
سارة: اوكي مسيو هي لولة.. تفضلي معايا
مرام بقات حالة فمها باقاا ممصدقاش
يونس(ضرب فلمكتب): هييي انسة.. تبقااي عاشة لياا هناا
مرام: امممم
يونس: سيري مع سارة توري ليك لمكتب ديالك وشنو غديري
مرام: واخا
هزات صاكها والسيڤي ديالها وتبعات سارة
سارة: ها هو المكتب ديالك
مرام(بقات حالة فمها باقاا ممصدقاش انها اخيرا لقات خدمة): شكراً لك اختي
سارة: العفو.. واحد شوية اناا معاك نوري ليك خدمتك
مرام: واخاا
مشات سارة وخلات مرام كتكتشف المكان ويديها على فمها
مرام: واخيراً لقيت خدمة بحالي بحاال الناس.. داباا عاد مرا بالحياة كضحك لياا
طلات من الشرجم وبقات مبهوضة
مرام: هاد الشركة قدها قد السخط واااو.. داباا لا بغيت نتاحر نتاحر من هناا نييت
سارة دخلات مع الجملة الاخيرة
سارة: ويلييي على تناحري من هناا ستغفري الله شنو هادشي كتقولي فيه
مرام(تنهدات): لي ما دااز علياا صعييب
سارة: لا بغيتي تعاودي لياا عاودي.. منهاا ترتاحي متبقايش هازة غير الهم
مرام: اودييي غير خلي داك الجمل رااگد
سارة: لي بان ليك.. مهم حلي معاياا عقلك وركزي معايا
مرام: واخاا
بقات سارة كتشرح لمرام كيف دير لخدمتها وعطاتها شي ملفات تخدم عليهوم..
فنفس المكان.. يونس غاطس وسط الملفات وكل مرة كيتفحص تيليفونو لا يصوني ليه جمال ويقولو شي خبار على مرام
يونس: هوووف.. فينك أمرام فينك..
حط يديه ورا راسو حتى سمع الدقان
يونس: دخل
شيماء: حياتي.. توحشتك
يونس(بصوت غير مسموع): ما قدوه فيل زادوه فيلة
شيماء: كيبان لي راك عياان بغيتي شي مساج
يونس: تتتت
شيماء: تكاا على الكرسي باش نماسي ليك
يونس مفيه لي يجبد معاها لهدرة ودار داكشي لي قالتو.. تكاا على الكرسي وعقلو طاار عند مرام كيفكر فيهاا.. شيماء مستمتعة وهي كتماساجي ليه وبدات تهبط يديها لصدرو حتى دخل عليهوم جمال
جمال(دار يديه على عينيه): ااا.. سس.. سمحو لياا
يونس(بحالا لقاا جمال وسيلة باش يتفك من شيماء): جمال.. دخل بغيتك
شيماء: انا غنمشي خليتكوم على خاطركوم (وهمسات فودنو) دير بحسااب اننا غناكلو غير انا وياك
يونس: واخاا 😒
من بعد ماا مشاات شيماء
يونس: اش كاين؟ شي جديد؟ لقيتي مرام!!
جمال بقا كيتبسم
يونس: دوي أصاحب راه اناا على اعصابي
جمال: عندي ليك خباار زوينةة
يونس: لي هي
جمال: مراام
يونس(بنفاذ صبر): گوول أصاحبي ماالها
جمال: كاااينة هناا فالشركة
يونس(مصدوم): شنوو؟
جمال: ايييه أسيدي شفتها طالعة لهناا فالشركة
يونس: عاود لي بالتفصيل
جمال: اسيدي كنكوون تماا فلقهوة لي كتكوون فيهاا ديما فهاد الاسبوع كاامل.. ايواا ليوم شفتها هاد الصباح.. وواحد صديق ديالهاا خدام فديك القهوة نيت.. عطاهاا شي جرائد على قبل الخدمة شداتهوم من عندو بقات كتشوف فيهوم وفلخر شدات طاكسي وتبعتها وشفتها طلعات لهناا لشركة..
يونس(كيمسح دقنو كيفكر): شووف لي واش باقاا هناا بأي طريقة
جمال: واخاا انا غنشوف
مشاا جمال وخلى يونس كيبتسم بوحدو
يونس: داباا لا شافتني.. شنوو غيكوون ردة فعلها.. على الله تكوون باقاا هناا..
ملقاا ميدير باش يشوفها وصونا لسهام السيكريتيرة ديالو
سهام: ويي مسيو
يونس: علمي الكل وقولي ليهوم بلي كاين اجتماع من هناا لنصف ساعة
سهام: واخاا مسيو هي لولةة
بلغات سهام الكل بخبر الاجتماع المفاجئ.. وفهاد الاثناء كان جمال عند عادل
عادل: معرفتيش لااش هاد الاجتماع
جمال: معرفتش بحالي بحالك.. عاد كنت عندو مقالي والو
عادل: اممم اوكي
عيط عادل على سارة جات لعندو
سارة: ويي مسيو
عادل: خبري مرام بالاجتماع
سارة: واخاا اسيدي
جمال: شكوون مرام؟؟
عادل: موظفة جديدة جاات هاد الصباح
جمال: اااه اووكيي.. يالاه خليتك على خير
عادل: بسلامة
مشا جمال عند يونس
يونس: ويي جمال بغيتي شي حاجة؟
جمال: اسيدي مرام غتبقاا خدامة هناا فالشركة
يونس: فين شفتيها؟
جمال: عادل هو لي گالهاا ليا بنفسو
يونس: هممم قول هكااك.. مكلف بيهاا داباا.. بففف (شاف ساعتو) بقات 20 دقيقة وغيبدا الاجتماع
جمال(بغباء): شنو بغيتي هاد الاجتماع؟ صافي اناا جبت ليك الخبر
يونس: ايواا منين كنتي غتجيبو كون مدرتش هاد الخطوة
جمال: ااه عندك الحق
يونس: نمشي غير نلوح ليكوم خطبة ونشوف مرامتي
جمال: هه على هاد الحساب تبقا دير كل نهار اجتماع باش يالاه تبقا على راحتك
يونس: بحال والو كولشي ممكن
جمال: ايييه اسيدي جاات معاك
يونس: يالاه سير فحالك داباا نشوفك فاجتماع
جمال: اوكي
جمال كان خارج ولقا قدامو مرام خارجة من مكتب عند عادل شافت جمال وعقدات غوباشتها
مرام(فنفسها): واش هادا غير تابعني فينماا مشيت نلقاه قدامي
جمال(توجه لعندها): اهلا وسهلا بك
مرام: السلام
جمال: بلا شك نتي هي الموظفة الجديدة
مرام(رجعات شعرها لور ومطت شفتيها): ايييه هي اناا
جمال: مرحبا بك
مرام: شكرا بارك الله فيك
جمال: خليتك هاد الساعة.. نشوفك فالاجتماع
مرام: ان شاء الله
مشات فحالها لمكتب ديالها
مرام: اممم هي السيد خدام هناا..
عجبها لحاال فخدمتها وتكات فوق الكرسي وكدور بيه وهي عاجبها الحال وكضحك.. شوية هزات رجليها فوق المكتب
مرام: اممم داباا هاكاا كيف كيجلسو رجال الاعمال.. شحاال زويينة هاد الجلسة
فهاد الاثناء كان مراقبها عادل من لبيسي ديالو وكيضحك على تصرفاتها
عادل: شحاال كيووت
شيماء)دخلات عليه): شكوون لي كيووت؟
عادل: هه الموظفة الجديدة
شيماء: نشوفها
عادل: نونونو.. حتى تشوفيها فقاعة الاجتماع
شيماء: علاش؟ كااين شي اجتماع ومفخباريش
عادل: هادشي لي قال
شيماء: اممم وانا اخر من يعلم
عادل(ناض من بلاصتو وتوجه لعندها): هاد الاجتماع جا على غفلة.. (بابتسامة شر) شحاال بااقي ليناا باش نضربو زوج دلعصافير بحجرة وحدة
شيماء)بضحكة): هههه مبقاا واالوو اخوياا لعزيييز.. بلاتي واحد الثانية
مشات سورتات لباب ورجعات لعندو يكملو على ما بداو..
فجهة اخرى.. كان زهير مسخر لحانوت
زهير: عطيني قرعة الزيت لوسيور
مول لحانوت: اوديي سير فحالك مغتعطيني مغنعطيك.. خلصوني فداكشي لي قبل.. ايمتا غتجيبولي رزقي؟؟
زهير حدر راسو وزاد فحالو لدار مقدر يقول ليه حتى كلمة.. عيط ليه واحد من حومتو
الشلامة: هييي واا فييين ازهير
زهير هز راسو شافيه وزاد فحالو وهو يتعرض ليه لاخور
الشلامة: فااش نكون كندوي معااك شوفي فيااا ولا نشرط ديلموووك هاد لوجه
زهير: بعد مني ممساليش ليك
الشلامة: اجي معاياا اجيي
وجرو معااه لواحد لقنت وجبد ليه وااحد الجواان
الشلامة: عرفتي لا دقتي هادي غتنساا الدنياا ومفيهاا.. هااك
زهير شدو من عندو ومعبس غير كيشوف فيه.. لاخور هز لغبرةة وبدا كينفح
الشلامة: اتشييييو.. (وتلفت ليه) ايوااا ياكماا باغي تجرب
زهير: اراا نشوووف
هز منوو شوية ودارو لنيفوو وهو يعطس
زهير: اتشيييو..
الشلامة(بقاا كيضحك ليه وضربو لكتفو): مزيااان اصاحبي.. تنساا علييك هاد الدنيا وااحد شوية.. لمشاكيل مكيتقادااوش
زهير(بشبه ابتسامة): عندك الصح
ورجع بقاا كيشم فديك النفحة ويعطس.. السيد عاجبو لحاال.. وبقا تمااك مع الشلامة نهار كولو
* في قاعة الاجتماع:
كان كولشي فقاعة الاجتماع كيتسناو يونس يجي
يونس: السلام وعليكم
الكل: وعليكم السلام
مرام هزات راسها شافت يونس خرجاات عينها ممصدقاش شاف فيهاا بنص عيين وراسم ابتسامة صغيرة وشاف فجمال وغمز ليه
يونس: احمم.. فينو عادل وشيماء؟
سارة: باقي ماجااو
يونس(شاف فساعتو): نوغمالمون خاصهوم يكونو داباا معنديش الوقت.. سيري عيطي عليهوم
سارة: واخاا اسيدي
جلس فلكرسي وكيراجع دوك لوراق وكل مرة كيشوف فمرام بنص عين لي كان عقلهاا ماشي معاهاا وكدوي فخاطرها
مرام: ايييه أليااام.. شحاال دوزناا انا ويااه الحلوه والمره والسيد گلب.. بحالااا عمرو عرفني.. نساني ونسى كولشي لي بيناتنا 😢 اااه ياا دنيااا شحاال قااسية
مسحات دموعها لي بداو كيطيحو ليهاا فجأة.. بعد لحظات دخلاات شيماء ويونس لي كانو مرتابكين ومتوترين بعض الشيء
يونس: تعطلتو
عادل: غير كانت عندي فالمكتب وكنا كنتناقشو فشي مواضع شخصية.. راك عاارف
يونس: امممم.. ايواا نبداو على بركة الله
بدا يونس الاجتماع ومرام بقات مراقباه فتفاصيلو.. كيف كيدوي.. وكيف كيشرح.. كأنها كتحااول تحفظ ادق تفاصيلو.. سالا الاجتماع وكل عطا كلمتو ما عدا مرام لي حسات بنفسها كالاطرش الزفة.. الكل خرج من غرفة الاجتماع كل واحد فين متاجه.. شي راجع لمكتب ديالو يكمل خدمتو.. شي غادي يتغدا..
دخلات مرام مرفوعة لمكتب ديالها حتى دق عليها شي حد
مرام(بفرح): يوونس 😍 دخوول
سارة: مرام.. يالله نمشيو ناكلو.. حسيت بالجوع وكرشي تغرغر من قبايلة
مرام(بغنج): واخا يالاه
مشات مرام مع سارة هبطو لتحت لريسطو لي حدا الشركة وشاافت تماا يونس وجمال وعادل وشيماء مجموعين على طبلة وحده..
سارة(جرات مرام من يدها): يالاه نمشيو لعندهوم.. سلاااام
الكل: وعليكم السلام
سارة: واخاا نجلسو ناكلو معاكوم
جمال(بابتسامة): مرحباا الله اودي
جلسو وهي جلسات مقابلة مع يونس معرفاات مادير من غير قالت ليه سلام براسها حتى تصدمات فااش حطات شيماء يدها على يدو وهمسات ليه فودنو شي حااجة وهو عاجبو لحاال وكيضحك مخلي وااحد لبركاان شااعل فيه ناار الغيرة.. جا عندهوم السيرفر طلبو لي بغاو
جمال: ااا.. احمم.. انسة مرام
مرام: اممم وي
جمال: كيف بقيتي من الجرحة؟
مرام(رتابكات وشافت فيونس): ااا.. لاباس الحمد لله
سارة)بفضول): علاه فين كتعرفها؟
جمال: كنت معاهاا نهار لحادثة
سارة: اااه بووون.. ميكون عندك باس أمرام
مرام: شكراً لك
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
