يونس: عطيني ناكل أحبيبة
شيماء: هاك أحياتي
يونس كلا من عندها وهو كيتبنن وشيماء كل مرة تخنزر فمرام
شيماء(فخاطرها): زعماا تكوون هادي ديك لبنت لي كان متعلق فيهاا يونس وكيبغيها.. هي لبنت لي عاوداتلي عليها خديجة.. ياا ربي متكونش هي حيت لا كانت هي مخططاتي غتفشل ونشد فلكابل.. منين خرجات لي هادي عااود
بدات تندب فزهرها لعوج وحدسها تيقول بلي هاد مرام هي عشيقة يونس.. زفرات بعمق وهي غير مخنزرة
جمال(بغا ينشط الجو): ايواا اش بان ليكوم نخرجو هاد ليلة
سارة: ايييه علاش لااا
شيماء)بحماس): فكرة زوينة منها نبدلو الجو.. يااك أحياتي؟!
يونس: yes, why not!
جمال: ونتي أمرام اش بان ليك؟ 😉
يونس: لا غير سيرو بصحتكم لخرجة
سارة: لا ميمكنش ضروري متخرجي معاناا
مرام: لااا غير عدروني نخليوها مرة خرا ان شاء الله
عادل: شنو السبب لي مخلاكش تخرجي معاناا؟
يونس: صاافي خليوها على خاطرها بلا متبززو عليها حاجة مبغاتهاش
مرام شافت فيه وبتاسم ليها ابتسامة صغيرة وبادلاتو اياها وشيماء بقات غير مرقباهوم وداخل ديالها كيغلي
شيماء: تخنقت.. عادل يالاه نعاياا
يونس: فين غادية؟
شيماء: حسيت براسي مخنوقة
عادل: انا غنمشي معاها
يونس: واخا
مرام: انا مشيت بصحتكوم
هزات صاكها ومشات فحالها راجعة لشركة
يونس: حتى انا غادي فحالي
ومشا فحالو بغا يتبعو جمال وشداتو سارة من يدو وجلساتو
سارة: هاكااوااا هااك هااك.. تخليوني بوحدي
جمال: نتي لي تاكلي متشبعي اختي
سارة: بقا معاياا مونسني حتى نكمل ماكلتي
جمال: هوووف اللهم طولك يا رووح
مرام طلعات فلاسونسور وكيف بغا يتسد حبسو يونس حتى دخل وصاوب لكوستيم ديالو وخشا يديه فجيبو وبقاو ساكتين وحتى حد مكيشوف فلاخر.. سهات مرام لوهلة فاحلامها حتى فيقها صوت يونس من غفوتها
يونس: واش غتبقاي هناا؟
مرام: هااا
يونس: خدمتك كتسناك
مرام(دارت شعرها مورا ودنها بارتباك): وو.. واخاا
توجهات لمكتب ديالها وكتقيش فشنايفها
مرام: هوووف.. كان حلم.. حلم.. حلم.. حلم يقضة
"كَيْفَ لي أَنْ أَنْســاَكَ.. وَ يَغْمُرُنِي الشّــوْق والحَنِيـن إِلَيْــك.. كُنْـتَ لِي صَدِيقاً و أَخـاً وَ حَبِيبــاً.. وَ فَجْــأةً.. أَصْبَحْنَــا غُرَبَــاء.. كُنْـتَ وَ سَتَكُـونَ لِي وَحـْدِي أَنَــا.. أَنَــا التِّـي عَشِقْتُــكَ بِكُـلِ جـَواَرِحَ قَلْبِـي.. وَ سَأَظَـلُ أعْشَقُــكَ إلَــى حـَدِ المَـوْت.. لَـكِــن.. لَـمْ أَحْـضــاَ شَـيْـئـاً بِـهَــذاَ الْـحُــب سِــوَى قَـلْـبـاً مـُنْـكَسِــراً.. هَـذاَ الْـعِـشْــق الـذِي لَــمْ يُـسَبِــب وَراَءَه إلا دُمــوع"
مسحات دموعها وركزات فخدمتها لي غتنفعها.. نسات راسها وسط لخدمة وكتحاول تفادى تفكر فيونس..
يونس محيد گرافاط ديالو ودوز على راسو
يونس: هوووف معرفتش كيف غنتعامل معاهاا.. اكيد غيبقا فيها لحال على هاد التعامل ديالي معاهاا
شوية دق عليه جمال
يونس: دخل
دخل جمال لعندو وجلس على لكرسي
جمال: شنو هادشي لي درتي أصاحبي؟ انا كنت متوقع انك غدوي معاها عادي واخاا تفارقتو يعني تعامل معاها كانها صديقة
يونس: سكت أصاحبي معرفتش اصلا كيف غنتصرف معاها.. بغيت غير نعرف واش هي مزالة كتبغيني ولا لا؟ واش مزالة كتبادلني نفس الاحساس ولا لااا
جمال: ايواا ما باان ليك غير هاد الطريقة باش تشوفها واش غتغير عليك.. برااكة غير لي كتعانيه هي حاليا.. خااصك تقرب منها وتشوف شنو لي بيهاا وباش كتمر
يونس: عندك الحق.. اناا عارف شنوو ندير
هز گرافاط صاوبها ولبس لافيست ديالو
جمال: فين غادي؟
يونس: داكشي لي كان علياا ندير من شحاال هادا
خرج وتوجه عند سهام سيكريتيرة ديالو
يونس: عطيني نمرة ديال مرام مع العنوان لي كااينة فيه
سهام: ولكن لاااش أمسيو؟
يونس: ديري داكشي لي قلت ليك وبلا متزيدي معاياا لهدرة
سهام: واخاا مسيو غير كون على خاطرك
بعض لحظات قليلة عطات ليه النمرة ديال مرام والعنوان فين ساكنة اول حاجة دارها هو توجه لبلاصة فين سااكنة.. خارجة على كازا شوية معرووفة بلگريساج..
داز من حدا دارهوم وبقا كيشوف لبلاصة فين كااينة وتحسر على حالها
يونس: اش هاد لحالة لي وليتي فيها أمرام؟ خاصني ضروري نعرف شنوو وقع وكيفاش جيتو لهنا
الشلامة: الزين لمسرار.. أيااااي مدورش مع خووك
يونس بقا غير كيخنزر فيه
يونس: سير تكمش فداركوم حسن ليك
صفر الشلامة حتى خرج ليه زهير من لور وهاز جنوي وبتاسم ابتسامة جانبية
زهير: حشوومة أصاحب تزورنا ومتعطيناش شي عومار 😏
يونس: مقدووه فيل زادوه فيلةة.. هوووف
قرب ليه الشلامة وكيلعب بزيزوار فيدو وغمز زهير لي جا ليه من لور وحط الجنوي على عنقو
زهير: غطلق داكشي لي عندك ولا نحيي خوياا هناا
يونس(بلغوات): بعدو مني اش بغيتو مني
بقا كيقلب الشلامة فحوايج يونس ماا حس حتى عطاه ركلة لوجهو وهو يرعف وشد يد زهير لواها ليه ورجعها ليه ورا ظهرو وعطاه بونية لوجهو وضربو بروسية حتى جاا محط على لارض وناض ليه الشلامة محلف عليه شدو من قاميجة بغا يعطيه بروسية وهو يخوي ليه يونس رجليه وهو يعلق وتبعوه بزوج ركب اللوطو وكسيرا
يونس: اش هاد لبلاصة لي وليتي ساكنةة فيها أ مرام.. ومالها لخاطرها انا معارفش شنو واقع ليها بالضبط
عادل: قولي لياا مالكي؟ بنتي لي ماشي حتال تما
شيماء: لي خفنا منو طحنا فيه
عادل)بعدم فهم): مفهمتش
شيماء: انسة المحترمة مع سيهوم يونس
عادل: مالها؟ وشنوو علاقتها بيونس؟
شيماء: انا متأكدة بلي هي عشيقة يونس
عادل: شنوو؟ متقوليهااش
شيماء: متأكدة 100% وحدسي قوي
عادل: ولكن باش عرفتيها؟
شيماء: مشفتيش السيدة كيف نقزات.. (وكتعوج فيها) ألااا مكياكلش فريت بمايونيز.. بغيت ليها كسيدة
عادل: ملقيتي باش دعي ليها غير بكسيدة.. تيتيييزة
شيماء: نعاااام
عادل: غير قلت رأيي وصاف.. اما نتي لحووب
شيماء: ياا هكااك
عادل: اجي قربي
شيماء: هاناا
عادل: زيدي قربي
شيماء: قوول بااغي..
عادل مخلاهاش تكمل ونقض عليها
وصلات لوقيتة ديال الخروج.. وتاجهات لاسونسور لقات جمال تماا
مرام: سلااام
جمال: وعليكم السلام.. ظهر لي بأنك تألقمتي مع جو د لخدمة
مرام: هه ضروري
جمال: كون غير خرجتي معاناا ليوم
مرام: حتال مرة خرا حسن.. معنديش لگانة وماما عيانة شوية
جمال: ايواا على خاطرك
مرام: فلول كان تيسحااب لي تابعني قوول راك خداام هنا
جمال: ااه ونتي فداك الصباح خليتيني حتى مشيت ونتي تهربي
مرام: مكنقدش على جو د سبيطارات.. عاد مكنزيد نمرض
من بعد ما خرجو من الشركة بقات كتساين بالطاكسي يجي
جمال: ياكماا بغيتي نوصلك
مرام: مكااين لاااش غنمشي فالطاكسي حسن بلا منعدبك
جمال: مكاين لا عداب لا والوو.. يالاه
مرام: لااا بلااش
وقق عليهوم يونس
جمال: مالك أصاحبي على هاد لحالة
يونس: غير سكت تعرضو لي واحد زوج شمكاارة
وكيسوس فحوايجو وعاقد غوباشتو
مرام)فخاطرها): رحمني ورحم قلبي.. غير سول فياا عادي واخاا نكونو غير أصدقاء معليش.. غير متجاهلنيش كأنني مكايناش فهاد العالم
بان ليها طاكسي جاي
مرام: خليتك على خير أ جمال.. انا غنمشي
جمال: بسلامة حتال غدا ان شاء الله.. وميكون باس عند ماماك والله يشافيها
مرام: اميين
مشات ويونس بقا كيشوف فجمال
يونس: مالها ماماها باش مريضة؟
جمال: مقالت لياا والوو قالت لي غير عياانة
يونس: لبلاصة فين ساكنة فيها جات فلخرجة ديال كازا.. فيهاا غير شمكاارة
جمال: اناا نجيب ليك خبارها
يونس: مكرهتهاش تعاود لياا شنو ضارها
جمال: بلا متفقد الامل اكييد داباا يجي داك النهار لي تجمعو فيه
يونس: ان شاء الله يالاه اناا غادي
جمال: see you
دازو ايام.. ونفس الروتين اليومي كيتعاود بالنسبة لمرام.. من الدار لخدمة.. لخدمة لدار.. وخوهاا زهير نحاارف كليا مبقاش كيعمر الدار.. دايما مع لكليكة لي خرجو ليه على حياتو من بعد ما كاان ولد الناس وكيعرف طريقو بينو وبين الله.. ولكن تشتهي الرياح كما تشتهي السفن.. رفقاء السوء خرجو ليه على حياتو.. ويونس فهاد الايام دايما كيصوني لمرام فنصاص الليل حتى كيسمع صوتها وعاد ينعس وفالصباح كذلك..
هاد الصباح.. فايقة مرام وخاطرها مروع وقلبها كيضرب حاسة بشي حاجة خاايبة غادي توقع
مرام: مييي شهاد الحالة..
ناضت غسلات وجهها ولبسات لي قدامها ومشات بلا فطور.. شدات الطاكسي كيف ديما وتوجهات لشركة وصدرها مزير عليها وقلبها كيضرب غيخرج من بلاصتو
مرام: صاافي سكت.. سكت.. برااكة مضرب
فااش كانت غادة لمكتب ديالها تلاقات بجمال
جمال: شنوو كديري هناا؟
مرام: كيفاش شنو كندير هناا.. جاياا نخدم
جمال: غير سيري كملي على نعاسك.. ليووم مكاين خدمة
مرام: هااا.. وفينهاا سارة؟
جمال: باقي مجاات
سارة: هاناا جييت سمعت سميتي
مرام: مكاين بوو خدمةة هاد النهار
سارة: وايلييي
مرام: وايييه هانتي تشووفي
سارة: يالاه ندوزو انا ويااك هاد النهار
مرام: نهاار كاامل
سارة: اه ومتتقبل منك حتى عدر زيدي قدامي
مرام: حااضر ياا ست
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
