**يوم المحاكمة:
ناضت مرام وهي على امل ان خوها يحكمو عليه ببراءة واخاا قلبها تيقول العكس
يونس: موجودة؟!
مرام: اه موجودة
يونس: ايواا يالاه
عايدة: متخافيش أبنتي ان شاء الله يكون خير
مرام: امين أخالتي
اسماعيل: حنا عائلتك من داباا
مرام: شكراً كون مكنتوش واقفين معاياا معرفتش شنوو غيوقع لياا
اسماعيل)معنقها): حنااا ديماا معاك وفجنبك
عايدة: يالاه سيرو قبل ما تعطلو
خديجة: الله يسمعكوم خبار الخير
يونس ومرام: اميين
ركبو فالطوموبيل ومرام الطريق كااملة وهي متوترة
يونس: تهدني.. فكري فشي حااجة زوينة..
مرام: متلا
يونس: كما كانت.. تكوني حااملة بغيت نحس بالابوة
مرام: كضحك علياا اناا فيين ونتا فيين
يونس: حاشا كنحاول غير نهدنك ولو شوية
وباس يدها وبقا شاد فيها طرييق كولو.. وصلو لمحكمة وهي عاد مزادت توترات وشدات فيه وشاف فيها كيطمأن ليها بعينيه بأن كولشي غيكون بخير.. دخلو لقاعة وهوما كيتسناو زهير يدخل ولقاضي حتى هو..
يونس: هاا هو دخل
مرام بقات كتشوف فزهير وهو كيطمأن ليها بعينيه باش متخافش..
القاضي: محكمةةة
ساد الصمت فلقاعة.. من بعد ما شاف القاضي جميع الدلائل لي عندو كتأكد بأن زهير عندو دخل فيهوم
القاضي: حكمت المحكمة حضوريا على المتهم زهير الانصاري.. (فهاد اللقطة شدات مرام فيونس وغمضات عينيها وقلبها كيضرب) بالسجن المؤبد
هاد الكلمة كتسمع على شكل صدى فودن مرام وممتيقاش.. شافت فيونس باش يأكد ليهاا بأن داكشي لي سمعاتو ماشي صحييح.. وهي تنوض بقات كتغوت وتبكي
مرام: لاااا خوياااا مدااار وااالوووو.. خويااااا مدااار واالووووو.. زهير برييييئ
بغا يمشي زهير عندها مخلاوهش جروه داوه لحبس مباشرة.. فقدات الوعي وهو يهزها يونس بين يديه متوجه بيها لمستشفى وهو على اعصابو.. دخلها لمستشفى وهو كيغوت حتى جات الممرضة ومعاها باياص ودخلات دوزات عليها الطبيبة
يونس: هوووف.. شنوو هادشي كيوقع ياا سيدي ربي.. لا وقعاات ليهاا شي حااجة منقدرش نتحمل
خرجات الطبيبة من الغرفة شافها يونس مشاا عندها
يونس: عافااك.. طمنيني عليهاا
الطبيبة: شنوو كتجي لمريضة؟
يونس: راجلها
الطبيبة: تبعني لمكتب
تبعها لمكتب وجلس وكيتسنا باحر من الجمر تنطق
الطبيبة: هادشي عاادي فهاد الفترة بلا متشوش عليهاا خاصها متعصبش فهاد الفترة..
يونس: مفهمتش
الطبيبة: لمدام حااملة باسبوع
يونس: بصح!! غنولي اب
الطبيبة: مبرووك عليكوم
يونس: الله يبارك فيك
الطبيبة: هادو شي ڤيتامينات ضروري متشربهوم.. ومخاصهاش تحرك بزاااف.. وتبعد على اي حاجة تعصبها
يونس: شكرا.. وايمتا غتفيق؟
الطبيبة: ساعتين ولا 3سوايع غتفيق
يونس: واخاا شكراً ليك
خرج يونس والفرحة مقداتو.. مرام حااملة
يونس: نتمنى غير تسمع هاد الخبر تفرح.. وكيف ما قالت هي مكتاب علياا غير الحزن
بعد 3 سوايع.. فاقت وهي كتعيط على يونس..
مرام: يونس.. يونس..
يونس: حبيبتي.. فقتي
مرام: شنوو وقع لياا؟
يونس: فقدتي الوعي من بعد ما حكمو على زهير بالسجن المؤبد
مرام: اهئ اهئ اهئ.. علاش أسيدي ربي مكتااب علياا هاد الحزن
يونس: ولكن لا سمعتي وااحد الخبر غتفرحي
مرام: اما هو؟
يونس)لمس فكرشها): قريب يتزااد عندنا ولد او بنت
مرام: واش بصح؟!
يونس: اه
مرام: واخيرا سمعت خبر زويين هاد النهار
يونس: هادي غير ازمة وغادي تفوت
مرام: ياا ربي
وصل لعشية وخرجو كيدورو
يونس: خاصكي تبعدي على الاعصاب
مرام: هوماا لي كيقلبو علياا ماشي اناا
يونس)عنقها من جهة الكتف): المشاغبة ديالي
فرحو العائلة بهاد الخبر لي رد فيهوم شوية د الروح وحزنو على خوها لي غيبقا حياتو كااملة وهو فالحبس
بعد اسبوع.. مرام كانت جالسة فالجردة وكتلعب مع صهيب ولد خديجة عمرو 3 سنين.. حتى سمعات الصونيت مشات حلات لقات ساعي البريد
ساعي البريد: السلام عليكم
مرام: وعليكم السلام
ساعي البريد: مدام مرام الانصاري؟
مرام: ويي هي اناا
ساعي البريد: هاكي هادي
مرام: لياا انا؟!
شداتو من عندو مفيهاا لا سمية لا والو
ساعي البريد: سني لياا هناا
سنات ليه ودخلات وهي كتحل فداك الظرف
خديجة: شكون أمرام؟
مرام: انه ساعي البريد اعطاني هاته
كضحك خديجة على اللغة العربية ديال مرام.. حلات مرام داك الظرف وجبدات ديك الورقة لقات ورقة مكتوبة فيها رسالة اعتذار
مرام: رسالة اعتذار!!
حلاتها وهي تقراها كااملة وبقات حالة فمها ومخرجة عينيها ممتيقااش..
بقات مصدومة ممتيقاش داكشي لي قرات لاحت لورقة وجرات فاتجاه لباب حتى تصدمات بسيارة يونس لي كانت داخلة.. بسرعة ركبات فيها
مرام: ديني لحبس.. مغنخليكش تموت لاااا مبغيتكش
يونس(بخوف عليها): مرام مالكي؟
مرام: قلت ليك ديني لحبس
مزادش معاها لهدرة وهو يديها لحبس.. خديجة هزات ديك لورقة بقات كتقرا فيها ودارت يدها على فمها بهول الصدمة.. جلسات وهي كتحسر على حالة مرام مسكينة لي حتى كتجاوز صدمة و تبعها لوخرا.. وصلات مرام و يونس للسجن وهي كتجري
لبوليسي: هيييي ألالة فين غاادية؟
مرام: بغيييت خوياا.. نقدووو لي خويااا.. اهئ اهئ
لبوليسي: خووك راه بخير خرجي من هناا
مرام: مغنتحرك من هناا حتى تخرجو لي خويااا
شي وااحد كان كيجري جيهتهوم
---: سيدي سمعت شي غواات من الغرفة 10
لبوليسي: اناا غنمشي نشووف (وتلفت عند مرام) نتي بقااي هناا حتى نرجع
مرام ومأت ليه براسها زعما واخا
يونس: عاودي لياا شنو وااقع؟
مرام(والدموع فعينيها): زهير بغاا ينتااحر
يونس(مصدوم): شنوو؟
ضمها ليه ومزير عليهاا حتى سمعو سيارة الاسعاف جااية ومخرجين داك لباياص وغاديين بيها لغرفة 10 لي فيها زهير.. خرجوه من تماا ويدو مضروبة وهو زرگ مقدراتش تملك راسها وبقات تبكي وتغوت.. ركبو فالسيارة بسرعة وتابعين سيارة الاسعاف
مرام(وهي كتجري معاهوم وشادة فداك لباياص): عافاااك أخوياا متمشيش وتخليني اهئ اهئ
دخلوه باش يفحصوه لقاو فقد الدم بزاااف والنبض ديالو غادي وكينخافض والتنفس حتى هو.. خرجو وهوما حادرين ريوسهوم توجهات عندهوم مرام بتثاقل
مرام: طمنوني! ياكماا...
الطبيب: للاسف فقدنا للمريض.. ان لله وان اليه راجعون
مرام رجعات لور وممصدقاش
مرام: ميمكنش ميمكنش.. لاااااا
طاحت فالارض منهارة وشدها يونس بين يديه وخشاها فحضنو
مرام: ماااات أيونس.. مااات.. خويااا لي بقا لي فالدنيا ماات
يونس: الله يرحمو وهادي سنة الحياة كولنا ليها
بقات كتبكي وهي فحضنو..
يونس: يالاه نمشيو (وكيمسح ليها دموعها)
مرات 9 شهور على حمل مرام.. الشهور الاولى دازت عليها لامن ناحية الوحم والاعصاب.. كتحس بالفراغ الاسري.. توحشات عائلتها ولا كتحس کأنها مقطوعة من الشجرة كون ما كانوش معاها عائلة راجلها كون دارت شي حااجة فراسها.. شيماء من بعد ما فاقت من الغيبوبة هزات السلاح وقلبات على مختار الرحماني وقتلاتو بدم بارد ونتاحرات.. ما عندها ما تخسر فقدات عائلتها وعادل الشخص لي بغاتو من كل قلبها ولجنين حتى هو.. حسات بالدنيا ظلامت فعينيها ومعندها ما تخسر.. اصلا خسرات كولشي..
وككل ويكاند.. مرام ويونس كيمشيو يبدلو الجو فدارهوم لي جات خارج المدينة..
يونس: مرام.. حبيبةة..
مرام: ويي
يونس: اش بان ليك ندوزو هاد الاسبوع هناا
مرام: ولخدمة؟
يونس: معليش غنوصي جمال يتكلف.. ايواا اش بان ليك
مرام: فكرة زوينة
يونس: ايواا نمشي نتقدا لي غيكفينا هاد السيمانة
مرام: واخاا متعطلش علياا
يونس: واخاا
طبع قبلة على جبهتها ومشاا وهي بقات كتفرج فالتلفازة من قناة لقناة.. وقتما تحس بلوجع كتنوض تحرك شوية وتجلس
مرام: هووووف تعطل
شوية حسات بلماا نزل وهو يجيها لوجع وغوتاااات
مرام: ااااااااااااي.. ربييييييييييييي.. مممممممممم.. ااااااااااااااا.. يووووووووووووووووناااااااااس.. ااااااااااايييييي.. ماااامااااااا.. (وكطلع النفس وتهبطو) هوووووف هوووووف.. هوووووف..
حتى نقص ليها شوية لوجع هزات تيليفونها بقات كتصوني عليه مكيجاوبش
مرام: اكيييد.. غيكووون جاااي فالطريق.. (عاود رجع ليها لوجع) مييييييييييي.. ااااااااا.. الله يااااخد فييييييك الحقق أيوووووونس.. نتاااااا السبب.. ندمت حتى تزوجت بييييييك.. نتااااا سبااااابيييييي فعدااااابييييييي.. اااااااا..
بقات تقريبا نص ساعة وهي كتوجع والعرق على وجهها.. حتى دخل يونس هاز التقدية حطها فلكوزينة كيعيط على مرام
يونس: مرااام.. مرااام
مرام مبقااش عندها الجهد باش تغوت والا تحرك.. مشا لعندها جهة التلفازة لقاها تماا وجرا عندها مخلووع
يونس(كيصرفق فوجهها): مراام.. مرااام نتي معاياا
فحص التنفس لقاهاا مزاالة كتنفس هزها وركبها فالطوموبيل وغادي مكسيري خاايف عليها وكيشتم فراسو علااش يمشي ويخليها بوحدها
يونس(كيضرب فراسو): مكااانش علياا نخليها.. مكااانش علياا نخرج اصلا..
زااد فالسرعة وتوجه لاول مستشفى باان ليه وهازها بين يديه وكيغوت
يونس: عتقووووونيييييي..
الممرضة: شنوو خاصك اسيدي؟
يونس: عتقوو ليااا مراتي كتولد
الممرضة جاابت ليهاا كرسي متحرك وجلسوها ودخلوها لغرفة التوليد لقاو لماا نشف ليها ولولد تخنق
الطبيبة: حاولي تعاونيناا ألالة.. الجنين في خطر
مرام كتحاول تغوت ولكن مكاينش الجهد وكتحاول تجمع گااع قواها وهي تغوت على جهدها
الطبيبة: زيدي غوتي.. يالاه
مرام: ااااااااااااااااااااايييييي.. اااااااااااااااااااا
وهو يخرج الجنين وهو سااكت.. مرام بقات مصدومة وغمضات عينيها
أنت تقرأ
عشق ودموع | مكتملة |
Short Storyقصة قصيرة درامية من النوع التراجيدي مع رشات من الرومانسية بـعنوان: #عشق_ودموع بـقلمـي: So Rma " The highest ranked in Tragedy " 🚫 ملاحظة: تمت كتابة القصة في سنة 2017، يعني غتلقاو القصة عامرة أخطاء 🌚🖤
