اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
*لو كان يعلم انها ستقلب حياته رأسا على عقب .. لكان تركها و ذهب الى حال سبيله !! و لكنه ظن حياته بها سترقى *
بصيت لها بصة كاني بقولها اني ندمان على اليوم اللي ملكتها قلبي فيه ....
بصت ندم يتكتب عنها روايات ..
بدأت أجمع أفكاري المتضاربة و أفهم ؟!
أفهم انها باعتني عشان صاحبي الغني .. ابن المليونير ..
اللي هي عارفة قبلي انه هيقضي معاها كام ليلة و يرميها !!!
بس أنا الغبي !
أنا اللي خليتها ملكة على حياتي قبل قلبي ...
كان كل اللي بتشاور عليه بيبقى تحت امرها ..
ايوة انا فعلا اللي غبي .....
دي اصلا كانت واحدة بايعة من الاول ملهاش امان ..
أنا اللي كنت بكدب على نفسي و أعشم قلبي بحبها ليه ...
بس في الاخر رمتني و طلع كل ده وهم ..
أستاهل ... بجد أستاهل ...
قمت مشيت و سبتها ..
سبتها و خرجت من المكان كله من غير ما ارد على كلامها ب حرف واحد حتى ..
مهو ارد على كلامها اقولها اي و هي جاية تعتذر لي اصلها بتحب صاحبي ..
:ماشي خلاص روحي له و لا بتعملي فيا انا كدا لي ده انا بحبك ..
كفاية سذاجة بقى ..
هي عمرها ما كانت مناسبة ليا انا اللي كنت بستعبط نفسي و اهي طلعتني قدام الكل عبيط ..
فضلت ماشي و انا مش عارف رجلي وخداني على فين ..
و مش قادر اشوف من كتر زحمة الافكار ..
اه الافكار بتعمي يا جماعة ..
صرخة انثوية كانت كفيلة انها تخرجني من ضلمة عقلي ..
اصوات حسبنة و حوقلة و ناس بتجري من حوليا ..
و انا واقف شبه الأطرش في الزفة .. مش فاهم أي حاجة ف أي حاجة
و بدون وعي مني لقيتني بجري مع الناس اللي بتجري..
و كلنا ملمومين على حاجة مجهولة الهوية ..
سيدة1 : حسبنا الله و نعم الوكيل موت البنت ..
سيدة2 : لا حول و لا قوة الا بالله مبقاش في ضمير يا اختى ..
سيدة 3 : منهم لله كلهم شوفي كان شارب ايه خلاه ميشوفهاش ..
سيدة 4 : و الله اعلم يمكن تكون مقصودة يا اختي ..
حبيت احشر نفسي في الموضوع و استفسر..
* بدل علامات الهطل اللي ابتدت تغزو ملامحي دي *
: هو في اي حصل يا مدام ؟؟!..
بصوا لي شوية و كانهن بيتفرسوا في ملامحي الرجولية الجذابة
*اه مهو انا نسيت اعرفكم بنفسي صح !!
انا زين الشافعي .. مهندس كمبيوتر في شركة كبيرة .. قمر و جميل تحسوني بطل سينيمائي كده و متواضع و كل البنات تتمناني ... مثقف .. و بموت في القراءة هوايتي من صغري بقا .. في اواخر العشرينات كدا يعني تقريبا 28 سنة .. بلعب رياضة و ده اللي مكسبني الطابع البوليسي .. متوسط الحالة المادية $$ يعني انا زيي زي عامة الشعب ... معنديش القصور ... و الفلل ... و الشركات ... و عربية ماركة عالية مهو انا شايف ان في كل الحالات العربية دي هتنقلني من مكان للتاني ؟! يبقى على ايه المنظرة دي بس ...
بس يمكن ده اللي خلى الاولى تسيبني يلا في كل الاحوال انا راضي عن حياتي و قنوع جدا و دي احلى حاجة فيا*
نرجع ل موضوعنا بقا ...
سيدة 1 : حادثة يا اخويا ... ربنا يحميك ل شبابك ...
سيدة 2 : واحد اعمى خبط بت غلبانة يا عيني .... شكلها في العشرينات ؟!
سيدة 3 : ايوة ياختي .. زمان اهلها هيتجنوا عليها ...
سيدة 4 : البت شكلها نضيف .. و بت ناس حاجة كدا .. شعر اصفر اي .. و بياض اي .. و حلاوة اي ..
