اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سبتهم واقفين ، وقلت لهم اني هرجع المستشفى ؛ عشان خاطر ابو شمس و كدا يعني ... و هبقى ارجع لهم تاني على بيت خالتي بعد ما اخلص ..
و بالفعل ركبت عربيتي و مشيت في طريقي للمستشفى ل تالت مرة في نفس اليوم ..
كان بجد أحسن حاجة حصلت ان المستشفى قريبة من بيت ناصر جدا .. فكان الموضوع سهل عليا اني اوصل بسرعة ..
وقفت عربيتي قدام بوابة المستشفى اللي أنا ب نفسي لسه جايبها فيها الصبح .. و رجعت نظري للمقعد الخلفي اللي كان في حالة يرثى لها متغطي بالدم و كأنه اتقتل فيه قتيل ..
المنظر كان صعب و وجعني جدا ..
أنا بخاف من الدم ؟! يمكن ده سبب من الأسباب اللي مخلنيش أرمي أحلامي على أني أكون دكتور زي أنس و لا حتى ضابط زي ناصر .. بحس برهبة مخيفة جدا كل ما بشوف دم ..
على طول حضر في دماغي منظرين كملوا بالتالت انهارده ..
الأول كان جدي اللواء فاروق حسن الشافعي الراجل الطيب راللي عمري ما شفته بيؤذي حد أبدا .. اللي أخدني يفسحني في العيد و أنا ابن العشر سنين .. و برصاص ارهابي جه من العدم شق صدره .. و وقعه مرمي جنبي على الأرض .. غرقان في دمه !
و التاني ل والدي الدكتور أحمد الشافعي .. اللي كلموه في المستشفى من حوالي عشر سنين ف وقت متأخر .. عشان يعرفوه بان فيه حادثة حصلت و لازم يلحقوا الناس لأن حالتهم حرجة .. و ما كان من والدي الا انه يخرج في الوقت المتأخر ده .. و يسوق يأقصى سرعته ف محاولة منه انه ينقذ أي حياة .. فضاعت حياته ..
و التالت اللي حصل النهاردة ... شمس اللي شيلتها بين ايديا و هي متغطية ب دمها ..
........ : زين ؟!
زين : أيوة .. أنا زين !. حضرتك والد شمس ؟!
محمد والد شمس : أيوة يا بني .. اي أخبارها دلوقتي طمني ؟!
زين : متقلقش خالص يا عمي .. أنا صاحبي من ضمن التيم المختص ب حالتها و هو طمني عليها و ان شاء الله خير ..
زين : كنت عاوز اتكلم مع اي دكتور من المختصين ب حالة شمس !!
الممرضة منة : دكتور زين خرج مع حضرتك يا فندم !.
زين : ما أنا عارف انه خارج معايا يا أنسة انتي !!. ، ثم تابع ب هدوء : عشان كده بقول اي دكتور من المختصين ب حالتها ..
الممرضة منة : حاضر يا فندم عندك الدكاترة المختصين ب حالة المدام شمس زوجة حضرتك دكتور أمجد و دكتورة رغد تقدر تسئل عن اللي يعجب حضرتك فيهم و تروح له و براحتك ..
يختاااااي اقسم بالله البنت دي مش هيكفيني فيها رقبتها .. هي مصممة طول اليوم تحطني في مصايب .. الأولى مع عاصم الصبح لما اضطريت اني اكذب و اقول ان شمس مراتي قدامه .. و هي ست زفتة منة جات تكمل الليلة قدام أبو شمس .. يلهوااااي علي اللي هيحصل فيا يا جدعان ..!
زين في محاولة انه يلم الموقف دلوقتي حتى قبل م يتفضح قدام المستشفى كلها .. : طب اتفضل معايا يا عمي ندخل نسئل عن الدكاترة دول ..!
