اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
........ : ألووو يا شمس .. أيوا يا بنتي ...من ساعتها برن عليكي .. قافلة تليفونك لي ؟!.. يا شمس .. شمس !!
تقريباّ الوقعة أثرت على الفون و شفرت كل الأرقام اللي عليه ... و لكن الصوت كان مألوف على مسامعه .. صوت يهيء له انه سمعه قبل كدا .. طبعاّ مهو زين الشافعي لو سمع صوت من ألف سنة حتى و رجع سمعه تاني هيقدر يميز ده صوت مين بالضبط و سمعه امتى و فين !! فمكنتش صعبة عليه انه يميز ان ده صوت الأستاذ محمد والد شمس .. حضرت الضابط محمد بدر الدين ..
بصلهم بصمت ل يتابع ب حذر علامات تشجيعهم ليه ؛ الظاهرة على ملامحهم ظهور الشمس حتى و ان لم ينطقوا بها
انت مستني ايه يا زين رد عليه _ أهو على الاقل تكون طمنته مؤقتاّ على بنته _ اخد نفسه و استعد انه يرمي القنبلة عليه ..
زين : أيوة .. السلام عليكم ..
محمد والد شمس ب صوت يغلبه الدهشة : و عليكم السلام و رحمة الله و بركاته .. انت مين يا ابني ؟! و فين شمس ؟! و تليفونها معاك بيعمل ايه ؟!
زين مقاطع كلامه : حضرتك أنا البشمهندس زين الشافعي ..
محمد والد شمس ب استغراب و دهشة و حيرة : زين الشافعي .. انت ابن أحمد الشافعي ؟! و الله زمان ده احنا عشرة عمر .. ازيك يا زين و ازاي ابوك عاملين اي ؟!
ثم صمت قليلاّ ليتابع ب حيرة : اي دا بس بردو شمس بتعمل اي معاك ؟؟!
زين باقتضاب : شمس بنت حضرتك عملت حادثة ..
محمد والد شمس : اييييه حادثة ؟؟! انت بتقول اي يا زين ؟؟ اي اللي حصل ؟! انتوا فين ؟؟!
زين : هي حالياّ في مستشفى ****** و متقلقش عليها هي دلوقتي بخير !!
محمد والد شمس : خلاص يا ابني انا جايلك أهو .. استر يا رب ..
زين سرح ل بعيد و لسه هاجس الخوف بينبض جواه : ربنا هيستر ان شاء الله ..
