لاحظت انه بيبص لي ببصت المحقق كونان كده .. لما بيكتشف جريمة رهيبة ..
شكله ناوي يحطني في دايرة الاتهام . *.. و كأني فعلت ما لا تحمد عواقبه . .*
ي عيني عليا ياني .... و الله ما كان يومي .. و الله لسه صغير ... اه ياني .. ي عيني عليك يا زين يا ابن هبة الهبلة ... اه ياني هيعملوا من امي بطاطس محمرة على ما اروح اه يا اختااااي ...
حودت نظري ل ناحية تانية .. في محاولة بائسة مني اني ابين له اني مش متهم و لا مهتم ولا ليا علاقة ب الموضوع اصلا ....
بس خلاص بقا كان هو حطني في دماغه و ربنا يطلعني منها على خير ..
ببص قدامي لقيت تلاته من ملايكة الرحمة !! قاعدين يتهمزوا و يبصولي و يضحكوا .... اه عارف اني قمور بس مش للدرجة يا شباب .. بالله كبرتوا الموضوع ..
لما لاحظوا اني شفتهم قامت واحدة منهم قالت لهم حاجة و قربت ناحيتي
: مساء الخير .. انا منة .. اسم حضرتك اي ؟!
: يخصك في حاجة
الممرضة ب دلع : ده امر روتيني يا فندم
: انا البشمهندس زين احمد الشافعي
الممرضة : اسمك جميل يا زين .. أختك المصابة اللي كانت معاك دي ؟!
:شكرا ليكي .. عرفتي منين ؟!
بدلع اشد قرب انه يفقع لي المرارة :انها اختك يعني .. امممم .... يمكن لأن فيكم شبه من بعض ... و غير كل ده اكيد كان لازم اعرف انها اختك من لهفتك عليها و هي داخله .. هو انت مش خاطب يا زين ؟!
كنت عارف انها هتوصل للنقطة دي ... : للاسف يا انسة احساسك خيب المرة دي ..
ظهر عليها علامات الاندهاش و الغباء ...
فتابعت كلامي ب ابتسامة ثقة مش لايقة بالموقف و لا بالمكان اللي احنا فيه... : البنوته اللي كانت معايا دي تبقى مراتي ...
:نعاااااااام
أنت تقرأ
شمس الزين
General Fictionالقلب غمد الذكريات من الذي افضى بسيف في الضلوع و سله .!! *أحمد بخيت*