سيدة1 : كله خايف على نفسه و محدش راضي ينقلها مستشفى يا حبة عيني ...
ببلاهة حمار صغير رديت : لي يا طنط ؟!
سيدة4 : كله خايف احسن يتأذي يبني ... البت شكلها بنت عيلة ... و لو جرالها حاجة هو اللي هيتأذي
لسه ب فكر ف عقلي اني اسئل لو معاها اي ورق اثبات شخصية ؟!
و كأن السؤال اتحول ب قدرة قادر من دماغي ل دماغ واحدة من الستات دول !!!
سيدة2:ده كفاية اسمها يا اختي شمس بدر الدين
الاسم كان كفيل انه يخرسني ... و يشل مشعري .... و يكبت حركتي ...
شمس بدر الدين !!! شمس بدر الدين !!!
فضل الاسم يتردد في عقلي كتير ... و انا واقف متنح شبه الاهبل !!
معقول .. معقول .. بعد كل السنين دي تبقى هي *شمس* !!
_اكيد و انت بتقرا دلوقتي مش متوقع شكلي عامل ازاي ؟!.. بص ي سيدي انا اقولك ... واقف فاتح بؤي .. و تقريبا في دبانة استريحت في القاعدة جوة احم احم .. قصدي يعني عارف الاهبل ؟! اها هو ده ... انا بقى في اللحظة دي توأمه !!... ايون !! اخوه التوأم اقسم بالله يا جدع ... _
******************
بنوتة صغيرة ب فستان قصير و شعر حريري شمسي و عيون اشبه ب حقول القمح و بشرة صافية و ابتسامة اجمل من جمال الحياة .. ايوة كانت هي شمس ؟! الصورة بدأت تتلاشى ..
و كاننا في يوم ممطر اتفقت فيه الغيوم ع تغطيتها ...
******************
هو ده اللي حضر في ذهني ف اللحظة دي
بعزم قوتي زقيت الناس اللي لسه ملمومة حواليها
ايوة كانت هي شمس قمر احلامي اللي السحاب خفاه فجأة عن عيوني
شمس .. شمس .. و للاسف _ لا حياة ف لمن تنادي _
شيلتها بين ايديا في مظهر سينيمائي احسد عليه الصراحة يا جماعة ..
شعرها بيطير بين ايديا و كانها فراشة رقيقة او لوحة مرسوم فيها بنت ب فستان وردة جميلة ..
هي كانت و ما زالت أرق انسانة شفتها في حياتي ..
بعدت عن الناس و مشيت بيها ...
و انا مش مهتم بالهمهمات و التحذيرات اللي عمالة تتوجه لي و انا ماشي ..
