ب حزن العالم كله اللي كان محتل قلبي من دقايق حضنتها !!
تلك الفتاة الصغيرة التي لم تنجبها أمي ... أختي الصغيرة ف الرضاعة و أخت ناصر و نور ...
صغيرة خالتي !! و لكن بقدر صغرها ب تحتل ف قلبي مكانة عليا مع مرتبة الشرف ...
ندى : اي ي زين ؟! مالك ي حبيبي ؟؟ قلقتني عليك !! أنت كويس .؟!
ب بعض من الراحة : عارفة يا ندى من اول ما شفتك و أنا بقيت كويس ..
ندى بنبرة ام حنونة : طيب تعالى ي حبيبي ادخل معايا ، سلم على خالتك عشان هتلاقيك واحشها جدا ، على ما اعملك كوباية عصير ب ايدتيني دول ، و هجيلك اقعد معاك نرغي ف الفرندا - البلكونة يعني - قصاد البحر كدا للصبح ..
: ايدتين اي دول ؟! انتي هتفضلي عمرك هبلة كدا ؟؟!
ندى : بقا كدا ؟! .. مين دي اللي هبلة ي أستاذ ؟؟ طيب مفيش عصير !! .
و لاول مرة من أول اليوم اضحك .. صغيرة ف السن اه بس عندها حس فكاهي و قدرة عجيبة ع الاقناع ل درجة اني بحس ان انا خايف منها ف اوقات كتيرة .. اغلب اسراري محدش يعرف عنها غيرها ...
طول عمري انطوائي بس دي كانت بنتي ... بحكي لها عن كل حاجة و بتقبل اي انتقاد بتوجهه ليا ب صدر رحب ...
كنت ماشي وراها ب هدوء و فجأة بصت لي و شاورت على الاوضة اللي فيها خالتي .. و بحركة سنمائية منها شجعتني اني اتقدم و انسحبت هيا ل المطبخ تعمل العصير ...
: نكتة البنت دي .!!
خبطت على الباب ب رقة شبيها ب رقة ندى !! لحد ما جالي صوت خالتي من جوة
خالتي عائشة : ادخلي يا ندى !!
فتحت الباب و شاورت ل نور تسكت و متتكلمش ... و بدات بالكلام ..
زين..... : ازيك يا عيوش ؟!
عائشة : زين !!! ازيك ي حبيبي وحشتني .. كدا يا جذمة نسيت ان ليك خالة ؟! طب بلاش دي ده انا امك التانية يا ولا !! و لا انت خلاص هتكبر عليا ...
: مهو أنا جيت لك أهو يا عائش يا قلبي انتي .. و هقعد معاكم انهارده طول اليوم كمان .. بس سيبيني اقوم اسلم ع البت نور طاب
نور ب كسوف : ازيك يا زين ؟!
زين : بقيتي أحلى من القمر يا نور اي الجمال ده ؟!
عائش : متقدم لها عريس يا زين و الله و قرفتنا و مش راضيه توافق مع انه مبسوط و ابن ناس كويسين عمالة تقولي الجامعة و مش الجامعة و قرفاني احلى قرف ... خدها انت بقى اقنعها !!
زين : معلش يا خالتي ، بس انا نفسي شايف ان دراستها اهم و هي لسه صغيرة متشغليهاش ب المواضيع دي من دلوقتي ..
نور ب فرحة : شكرا يا زين .. الف شكر ..
زين : ده انتي حبيبتي يا نونو ..
عائشة : يعني اي ؟.. يعني ف الاخر بقيت انا الوحشه ؟!
زين : لا يا خالتي متقوليش كدا اكيد ... بس كل الفكرة اني حابب انها تعيش حياتها ب مزاجها و الجواز يجي بعدين ...
عائش : خلاص سيبك من الموضوع ده و قولي ازاي امك و ابوك يا ولا و عمتك العقربة ... عاملين اي كلكم ؟!
ل طالما كانت علاقة خالتي عائشة و امي ب عمتي * علاقة معدومة الهوية *
ل طالما كانت علاقة الجميع ب عمتي * علاقة معدومة الهوية *
ب اختصار : الحمد لله كلنا بخير .. هو ناصر فين ؟! مشفتهوش من ساعة ما جيت يعني ؟!...
ندى من ورايا : لسه مجاش من الشغل ... تعالى بقى ندخل نقعد جوا ع ما ييجي ..
دخلت وراها ب سكوت من غير منطق و لا حرف ...
ندى : احكي لي بقا مالك ؟!
زين : شمس !!
* * * * * * * * * * * * * * * * * * * * * * * * * * * * * * * * * * * * * * * * * * * * *
أنت تقرأ
شمس الزين
General Fictionالقلب غمد الذكريات من الذي افضى بسيف في الضلوع و سله .!! *أحمد بخيت*