اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
1 : بقولك اي ... انتوا بتدلعوا و دلعكم هيخرب الدنيا فوق دماغي ..
2 : ...............
1 : لا يا حبيبي انا مينفعنيش الشغل ده ...
2 : ...............
1 : خلاصة الكلام الحاج محمد مهددني ان لو البنت جه عليها آخر الاسبوع اللي احنا فيه ده و هي لسه حيه ... مش هيكفيه فينا رقابنا كلنا .. و انت عارف الحاج محمد رجالة الصعيد كلها ف ضهره ...
2 : ...............
1 : خلاص ي سيدي .. بس حط في علمك ان احنا مش هنام الكام يوم دول ل حد منخلص من بت ال**** دي ..
اغلق المكالمه ل يتأفف بقلة حيرة و هو يردد : استرها يا رب ...
ضحى زوجته بيأس من فكرة أن ينصلح حال زوجها : لا ما شاء الله يا محمود بيه ايمانك بقا في السما ..
محمود ب تجهم : اصطبحنا و اصطبح الملك لله ... مالك يا ست ضحى و مالي ؟؟! .. عاوزة اي ؟؟!
ضحى : حرام عليك اعتبرها بنتك .. و لا عشان ربنا حرمك من نعمة الأبوة ف مش حاسس بيها ؟!
محمود ب صراخ و هو يسحب ضحى من شعرها : انتي بتتصنطي عليا يا بنت الفقرية ... وقعتك سودة ...
ضحى و قد اشتعل الغضب منها ف انفلتت من بين يدي محمود لتصرخ بوهن : انت عمرك ما هتتعدل .. بس نقول ايه ؟! انا اللي غبية انا اللي بعت كرامتي عشان خاطر واحد زبالة ميسواش ... و قال ايه كنت بقولهم أنا بحبه و مش هسيبه .. يا شيخ يا ريتني كنت دفنت قلبي من ساعة ما دق ليك ب أول دقة .. حسبي الله و نعم الوكيل .. ربنا على الظالم و المفتري .. و القوي الأقوى عليه ربنا ...
مجبرة على العيش معه برغم كل ما يفعل ... لقد كان حبه أكبر غلطة في حياتها .. ف باتت تحلم ب ليالي الخلاص .. و كانه تبدل .. ليس هذا من عشقته ... لقد عشقته و خسرت اهلها .. لتصبح على كارثة ..
ها قد انهارت حياتها ..
في البداية خسرت أهلها بسببه .. و من ثم بدأت كل المصائب بالانصياع خلف بعضها البعض ...
لا ينجب .. سأتحمله ..
أصبح قاسي الطباع .. سأتجنب لحظات قسوته و هيجانه ..
