*********************************
1 : انت بتقول اي يا حيوان ؟!
2 : ..........
1 : يعني اي ممتتش ؟؟! هو أنا قلت لك اي ؟!
2 : ..........
1 : أنا لي كلامي مش بيتنفذ يا زفت انت ؟!
2 : ..........
1 : قلت لك مين زفت مرة احنا نمسكه من ايده اللي بتوجعه !. و بنته هي ايده اللي هتوجعه ..
2 : ..........
1 : خلاص يا حيوان .. هديك فرصة أخيرة بس أقسم ب الله لو ممتتش لهطير رقبتك انت و رجالتك كلهم . ساااامع ...
أنهى المكالمة و بداخله يردد : و ربنا ل أنا واجع قلبك على بنتك يا محمد .. زي ما وجعت قلبي على ابني و رميتته في السجن رميت الكلاب ..
***************************************************
ب عيادة دكتورة رغد في المستشفى
محمد والد شمس : يعني مفيش اي خطر على حالتها يا بنتي ؟!
دكتور رغد : صدقني يا فندم بنت حضرتك بدأت تستجيب للعلاج و حالتها مستقرة حاليا ..
محمد والد شمس : طب الله يبارك لك يا بنتي .
زين : دكتور رغد ... أنا صاحب دكتور أنس الألفي ..
رغد ب ابتسامة هادئة خجلة : دكتور أنس قالي يا فندم ..
زين : تمام .. أرجوكي بقا اعملي كل اللي تقدري عليه ... و لو احتاجتوا اي حاجة أنا تحت أمركم .
رغد : أكيد يا فندم هيحصل ..
محمد : طب نستأذنك احنا بقى يا بنتي ..
ساد الصمت بينهما ل بعض دقائق ل يقطعه زين ب قوله
زين ب توتر : حضرتك أكيد مستغرب بس أنا كنت مضتطر اني أقول لهم ان شمس مراتي .. أصل أنا عاصم ابن عمي دكتور في المستشفى هنا و لو مكنتش قلت ان شمس مراتي كان هو هيترجم الموقف ب طريقة تانية خالص .. حضرتك فاهمني ؟! ثم تابع كلامه ب توتر أزيد : و ان شاء الله يعني أول ما شمس تفوق أنا طالب ايدها من حضرتك .. أنا طالب ايد بنتك يا عمي !.
أنت تقرأ
شمس الزين
General Fictionالقلب غمد الذكريات من الذي افضى بسيف في الضلوع و سله .!! *أحمد بخيت*