بصيت له بصدمة : قصدك اي يا انس ؟!
أنس : بص ي زين كل اللي ربنا كاتبة هيحصل .. الخبطة كانت جامدة عليها ... بس و لا انا و لا الف دكتور غيري يقدر يقولك اي هيحصلها دلوقتي ! ... كل اللي هنعمله ان احنا هنستناها ل حد لما الدكاترة يدخلوا لها وتفوق و نشوف اي اللي هيحصل ؟! احنا كل اللي عملناه اصلا جبسنا دراعها و رجلها عشان كانوا مكسورين ..._ تابع كلامه ف محاولة منه ل انهاء الموضوع _ بس و مش ازيد من كدا و عموما كل اللي يجيبه ربنا خير كل اللي يجيبه ربنا خير ... كل اللي محتاجه دلوقتي انك تكلم لها ناصر ييجي يتبرع بالدم المطلوب هنا بسرعة ...
مشي و سابني ف دوامة افكاري ... مشى و سابني و انا ف حالة من الجمود الغريب .! اللي نادرا جدا ما بتحصلي ..
خرجت من المستفى و انا مش عارف انا هعمل اي...
مشيت ...
مشيت و كل اللي بيتردد ف عقلي ..
ان يعني و لا كاني لقيت شمس خالص؟!
ان يعني قصتنا انتهت خلاص ل حد كدا ؟!
اه لو تعرف اني فضلت ادور عليها عشر سنين كاملين ل حد ما فقدت الامل اني الاقيها !!
من اول ما اختفت لما كان عمرنا 15 سنة ل حد ما بقى عمري 25 و انا برده لسه بدور عليها ...
عشر سنين عايش ادور عليها فيهم !! كنت بهرب من تفكيري فيها بالمذاكرة و افتكر ايام ما كنا بنذاكر سوا مع بعض ...
عشر سنين بدور عليها !. معرفش عايشة كانت و لا حتى ميتة ... بس كنت بدور عليها ف الفترة دي كلها ل وحدي ...
و هوب فجأة لقيتني بقيت منطوي أكتر ع نفسي !!!
مبكلمش حد و لا حد بيكلمني ...
بس بين الفترة و التانية كنت بكتشف ان الحديد اللي انا بحاول اظهره للناس ما هو الا شيء ارق من الزجاج ...
ف كنت مضطر .....
فقت من شرودي و أنا قدام بيت ....
بيت برتاح فيه نفسيا .... بحسه بيخطفني عن كل الناس ....
خبطت ع بابا البيت و سرحت ب أفكاري ل بعيد .. ل سنين طويلة مرت ب حلوها و ... ب مرها
.... : جرا ا اي ي عم زين ؟!. و لا عشان انت حليوة و مز يعني تتقل عليا كدا ؟! ..
أنت تقرأ
شمس الزين
General Fictionالقلب غمد الذكريات من الذي افضى بسيف في الضلوع و سله .!! *أحمد بخيت*