لهفه روح

بارت 9

ﻣﺴﺎﺀ ﺍﻟﺨﻴﺮ
#لهفة_عاشق.

#بارت٩
،،،،،،،،،
ﻣﺎﺭﺩﺕ ﺍﻟﻘﺪﺭ ﻳﺒﻌﺪﻧﻲ ﻋﻨﻚ ﻳﻮﻡ
ﻭﻣـﺎﺭﺩﺕ ﺍﻟﺴﻌــﺎﺩﺓ ﺗﻌــﻮﻑ ﺑﻴﺒـــﺎﻧﻲ
ﻳﺎﻟﻴﻞ ﺃﻻﻣﺎﺍﺍﺍﺍﺍﻥ ﺍﻟﻤﺎﺗﻤﺮّﻩ ﻏﻴﻮﻡ
ﻭﻳﺎﺣﻈــﺮﺓ ﺣﻨﻴﻦ ﺑﺤﻈﻨـﻪ ﺩﻓّــﺎﻧﻲ
ﻳﺎﺃﺟﻤﻞ ﻗﺼﻴﺪﺓ ﻭﺑﺎﻟﻮﺯﻥ ﻣﺤﻜﻮﻡ
ﻭﻳﺎﺃﺭﻭﻉ ﻧﺪﻯ ﺍﻋﻠﻰ ﺃﻭﺭﺍﻕ ﺑﺴﺘﺎﻧﻲ
ﻳﺎﻧﺒﻊ ﺍﻟﻜﺮﻡ ﻣﺤﺘﺎﺍﺍﺍﺟﺘﻚ ﻫﺎﻟﻴﻮﻡ
ﻣﻮ ﺗﺪﺭﻱ ﺑﻐﻴﺎﺑﻚ ﻃﺎﺣﺖ ﺃﺭﻛﺎﻧﻲ
ﻳﺎﺃﺟﻤﻞ ﺣﻠﻢ ﻭﺳﻂ ﺍﻟﺠﻔﻦ ﻣﺮﺳﻮﻡ
ﺭﺣﺖ ﻭﺍﻟﺼﻮﺭ ﻇﻠﺖ ﻓﻮﻙ ﺣﻴﻄﺎﻧﻲ
ﺍﻟﻚ ﺣﻨﻴﺖ ﻳﺎﺑﻮﻳﺔ ﺍﻋﻠﻰ ﺑﺨﺘﻚ ﻛﻮﻡ
ﻋﻔﺘﻨﻲ ﻭﻳﺘﻤﺘﻨﻲ ﻭﺿــﺎﻉ ﻋﻨــﻮﺍﻧﻲ
ﺃﻓﺰ ﻣﻦ ﻧﻮﻣﻲ ﻭﺃﺳﻤﻊ ﺻﻮﺗﻚ ﺍﻟﻤﻬﻤﻮﻡ
ﻭﺃﻓﻜﺪﻙ ﻭﺃﺭﺟﻊ ﺃﻏﺮﻙ ﻭﻳﻪ ﺃﺣﺰﺍﻧﻲ
ﺻﺮﺕ ﺃﻧﻌﺎﻙ ﻭﺃﺑﺠﻲ ﺍﻋﻠﻴﻚ ﻣﻦ ﺩﻣﻮﻡ
ﻭﺁﻧﻪ ﺍﻟﻘﻠﻢ ﺻــــﺎﺭ ﺍﻟﻴــﻮﻡ ﻳﻨﻌــــﺎﻧﻲ
ﺭﺩﺕ ﺃﺷﺮﻳﻚ ﺑﺲ ﺍﺷﺒﻴﺪﻱ ﻉ ﺍﻟﻤﻘﺴﻮﻡ
ﻳﺎﻟﻔــﺮﻛــﺎﻙ ﻫﺒّــﻂ ﺭﺍﺳـﻲ ﻭﺃﺫﺍﻧـﻲ
ﺑﺲ ﺍﻧﺘﻪ ﺃﺻﺒﺤﺖ ﻃﻴﺮ ﺑﺠﻨﺎﺍﺍﻥ ﻳﺤﻮﻡ
ﻭﻫﺬﺍ ﺍﻟﺬﻱ ﻣﺴّﻜﻦ ﻧﻮﺣﻲ ﻭﺃﺷﺠﺎﻧﻲ
،،،،،،،،،،،،،،،،،،
ﺷﺼﺎﻳﺮ ﺍﺩﻳﺎﻥ
ﻓﺎﺭﺱ ﻋﻔﻴﻪ ﺑﺎﺑﺎ ﻻﺣﺲ ﻭﻻﻧﻔﺲ ﻭﺍﺩﻙ ﺑﺎﺏ ﺍﻟﻜﺮﻓﺎﻥ ﻋﻠﻰ ﺣﺎﺭﺱ ﻣﺎﻛﻮ ﺍﺣﺪ
ﺳﺪﻱ ﺍﻟﺨﻂ ﺟﺎﻳﺞ ﻫﺴﺎﻉ ﻣﺴﺎﻓﻪ ﺍﻟﻄﺮﻳﻖ
ﻓﺎﺭﺱ ..... ﺻﻮﺗﻪ ﻭﺷﻜﻬﺘﻪ ﺷﻜﻜﺖ ﻛﻠﺒﻲ ﻣﺸﻴﺖ ﻋﻠﻰ ﻋﻤﺮ ﻣﺎﺑﻴﻪ ﺍﺳﻮﻕ ﺍﻧﻪ ﻛﻮﻩ ﻭﺍﺟﻒ ﺟﺎﻥ ﺑﺴﺎﺑﻊ ﻧﻮﻣﻪ ﺍﻧﺪﻩ ﺑﻲ ﻣﺎﻳﻔﻌﻞ ﻳﻜﻌﺪ
ﻋﻤﺮﺭﺭﺭﺭ ﻛﻮﻡ ﺭﺍﺡ ﺍﺩﻭﺱ ﺑﻄﻨﻚ
ﺛﺒﺮﻙ ﺍﻟﻠﻪ ﻳﻮﻝ ﻭﻳﻦ ﺗﺮﻳﺪ ﺑﻴﻪ ﻣﻮ ﻣﻄﻤﻮﺭ
ﻋﻤﺮ ﻣﻮ ﻭﻛﺘﻚ ﺣﺎﻟﻪ ﺧﻄﺮﻩ ﺑﻠﻤﺨﻴﻢ ﺍﻧﻬﺾ ﻋﺎﺩ
ﻭﺍﺣﻨﺎ ﺷﻌﻠﻴﻨﻪ ﻳﻮﻝ ﺍﻧﻪ ﺩﻛﺘﻮﺭ ﻟﻠﺰﻣﺎﻳﻞ ﻣﺎﺭﻫﻢ ﻣﺎﺧﺬﻧﻲ ﻋﻠﻰ ﺣﺎﻟﻪ ﺑﻨﻴﺎﺩﻡ ﺧﺎﺑﺮ ﺍﻟﻤﻔﺮﺯﻩ ﺍﻟﻄﺒﻴﻪ ﻫﻤﻪ ﻳﺘﺼﺮﻓﻮﻥ
ﺍﻟﻠﻪ ﻳﺼﻜﻌﻚ ﻫﺴﺎﻉ ﺍﻛﻮﻡ ﺍﺧﺎﺑﺮ ﻭﻫﻤﻪ ﺗﻨﺨﻮﻧﻲ ﺍﻟﻲ ﺍﻧﻬﻤﺪ ﺍﺭﻭﺡ ﺍﻧﻪ ﻻﺑﺎﺭﻙ ﺍﻟﻠﻪ ﺑﻴﻚ
ﻋﻔﺘﻪ ﻫﺬﺍ ﻳﺪﺍﻫﺮ ﻣﺎﻳﻌﺮﻑ ﺍﻟﻨﺎﺭ ﺍﻟﺸﺎﺑﻪ ﺑﻴﻪ ﺣﻄﻴﺖ ﺭﺍﺳﻲ ﺟﻮﻩ ﺍﻟﻤﻐﺴﻠﻪ ﻏﺮﻛﺘﻮ ﻭﻣﺸﻴﺖ ﺷﻠﺖ ﺍﻟﺴﻮﻳﺞ ﻭﺍﻟﻨﻘﺎﻝ ﻣﻌﺪﺗﻲ ﻛﻠﺒﺖ ﻭﻛﻔﺖ ﻋﻠﻰ ﺩﺭﺝ ﺍﻟﻌﻤﺎﺭﻩ ﻛﺎﺿﺒﻪ ﻣﻨﺼﻲ ﺭﺍﺳﻲ ﻧﻔﺴﻲ ﻳﺮﺟﻒ ﻫﺬﺍ ﺍﻟﺴﻢ ﺍﻟﺸﺘﺮﺑﻮ ﻭﻗﻒ ﻋﻠﻰ ﻓﺎﺩﻱ ﺗﻔﺘﺤﺖ ﺍﻟﺒﺎﺏ ﺩﺣﻜﺖ ﻋﻤﺮ ﺯﻛﺢ
ﻳﻮﻝ ﻭﻳﻦ ﺗﺮﻳﺪ ﻭﺍﻧﺖ ﻣﻮﺷﺎﻳﻒ ﺩﺭﺑﻚ
ﺣﺪﺭ ﻋﻤﺮ ﺳﻮﻕ ﺑﻤﺠﺎﻧﻲ ﻣﻮ ﻭﻛﺖ ﺳﻮﺍﻟﻔﻚ
ﺍﻣﺶ ﺍﻣﺶ ﺍﻣﺮﻱ ﻟﻠﻪ ﺗﺎﺷﻮﻑ ﺗﺎﻟﻴﺘﻚ ﺷﻠﻮﻥ
ﺯﺗﻴﺖ ﻋﻠﻴﻪ ﺍﻟﺴﻮﻳﺞ ﻭﻧﺰﻟﻨﻪ ﺍﻟﻄﺮﻳﻖ ﻛﻠﻮ ﻳﺮﻃﻦ ﻭﺍﻧﻪ ﻣﺴﻄﻮﺭ ﺭﺍﺳﻲ ﺻﺎﺭ ﻫﻠﻜﺒﺮﻭ ﻭﺻﻠﻨﻪ ﺍﻟﻤﺨﻴﻢ ﻃﻠﻌﺖ ﺍﻻﺳﻌﺎﻑ ﻃﺎﻳﺮﻩ ﺧﻔﻒ ﻋﻤﺮ ﻛﺒﻞ ﻻﻳﻜﻒ ﻧﺰﻟﺖ ﻫﻮﻩ ﻳﺼﻴﺢ ﻏﻴﺮ ﺩﻛﻮﻝ ﺭﺍﺡ ﺍﻧﺰﻝ ﺷﻠﻮﻥ ﺗﻨﺰﻝ ﻫﻴﺞ ﻣﺎﺳﻤﻌﺘﻠﻮ ﺑﺎﺳﻢ ﻭﺍﻛﻒ ﻫﻤﻴﺖ ﺳﺮﻳﻊ ﻟﻴﻤﻪ ﺍﻟﻨﺎﺱ ﻣﻠﺘﻤﻪ ﻳﻢ ﺧﻴﻤﺘﻬﻢ ﻋﻴﻨﻲ ﻋﻠﻴﻬﺎ ﻭﺣﺎﺟﻲ ﺑﻲ
ﺍﻟﻜﻮﻭﻩ ﺑﺎﺳﻢ ﺷﺼﺎﻳﺮ
ﻫﻼ ﺍﺑﻮ ﺍﻟﻔﻮﺍﺭﺱ ﺍﻟﺤﺠﻲ ﺗﺨﺮﺑﻂ ﻭﺩﻛﻴﺖ ﻋﻠﻰ ﺍﻻﺳﻌﺎﻑ ﺟﻮﻱ ﺍﺧﺬﻭ
ﻋﻤﺮ ﻧﺰﻝ ﻳﻤﻨﻪ ﺧﻠﻴﺘﻬﻢ ﻭﻣﺸﻴﺖ ﻟﻠﺨﻴﻤﻪ ﺍﺩﻳﺎﻥ ﻣﺎﻛﻮ ﺑﺲ ﺍﺧﺘﻪ ﺗﺒﺠﻲ ﻭﺍﻳﻬﻢ ﻳﺒﺠﻲ ﻭﺟﻢ ﻣﺮﻩ ﻳﻬﺪﻭﻥ ﺑﻴﻬﻢ ﺭﺩﻳﺖ ﺍﺍﺋﺸﺮ ﻟﻌﻤﺮ ﻭﻃﻠﻌﺖ ﺍﻟﻤﺨﻴﻢ ﺻﻌﺪﺕ ﺍﻟﺴﻴﺎﺭﻩ ﻭﺟﻲ ﺑﺼﻔﻲ ﻛﺘﻠﻪ
ﻋﻤﺮ ﺑﻠﻌﺠﻞ ﻭﺭﻩ ﺍﻻﺳﻌﺎﻑ
ﺷﻜﻮﻭﻭ ﺍﻟﺤﺠﻲ ﻭﺍﺧﺬﻭ ﻋﻠﻴﺶ ﺑﻌﺪ ﻻﺣﻜﻴﻬﻢ
ﻳﻮﻝ ﺳﻮﻱ ﻟﻜﻮﻟﻚ ﻋﻠﻴﻪ ﻣﻦ ﺍﻧﻌﻞ ﺟﻼﺏ ﺍﻫﻠﻚ ﺍﻧﻪ ﻟﻮ ﺻﺎﺣﻲ ﺍﺟﻴﺒﻚ ﺗﻔﻴﻚ ﻋﻠﻰ ﺭﺍﺳﻲ ﻣﻮﺍﺟﻲ ﺑﺮﻭﺣﻲ ﻭﺍﺑﺮﺩ ﺭﺍﺳﻲ
ﻓﺮ ﺍﻟﺴﻴﺎﺭﻩ ﻳﻨﺎﻓﺦ ﻃﻠﻌﻨﻪ ﻟﻠﻤﺴﺘﺸﻔﻰ ﻟﻘﺮﻳﺐ ﻋﻠﻰ ﻣﺨﻴﻢ ﺑﺎﻟﻲ ﻳﻢ ﺍﺩﻳﺎﻥ ﺷﺤﺎﻟﻪ ﻫﺴﺎﻉ
ﻋﻤﺮ ﺃﺳﺮﻉ
ﻳﻮﻝ ﻗﺎﺑﻞ ﺍﻃﻴﺮ ﺍﺻﺒﺮ ﺩﺣﻚ ﺍﻟﺸﺎﺭﻉ ﺍﺿﻠﻢ ﺍﻛﻀﺐ ﺍﻋﺼﺎﺑﻚ ﻻﺗﻜﻠﺒﻨﻪ
ﻫﺰﻳﺖ ﺭﺍﺳﻲ ﺻﺎﺑﺮ ﺻﺎﺑﺮ ﺑﺲ ﺍﺭﻳﺪ ﺍﺻﻞ ﻃﺒﻚ ﻋﻤﺮ ﻋﻠﻰ ﺗﻔﺘﻴﺶ ﺑﺎﺏ ﺍﻟﻤﺴﺘﺸﻔﻰ ﺣﺪﺭﺕ ﺍﻣﺸﻲ ﻓﺘﺸﻮﻧﻲ ﻭﺻﻮﺕ ﻋﻴﺎﻁ ﺗﺎﺭﺱ ﺍﻟﻄﻮﺍﻯ ﻛﻠﺒﻲ ﻧﺨﻤﺶ ﺍﻟﺸﺮﻃﻲ ﻳﺒﺎﻭﻋﻠﻲ ﺑﺸﻚ ﺷﻜﻠﻲ ﺑﺎﻳﺒﻦ ﻋﻠﻴﻪ ﺍﻟﺸﺮﺏ ﻛﻮﻩ ﻓﺎﺗﺢ ﻋﻴﻨﻲ ﻭﻣﺘﻮﺍﺯﻥ ﻓﺘﺖ ﺍﺩﻳﺎﻥ ﺑﻠﻜﺎﻉ ﺗﻀﺮﺏ ﻋﻠﻰ ﺭﺍﺳﻪ ﺍﻟﺤﺠﻲ ﻋﻠﻰ ﺍﻟﺴﺪﻳﻪ ﻣﻐﻄﻰ ﻭﺟﻬﻮ ﻏﻤﻀﺖ ﻗﺎﺑﺾ ﺍﻳﺪﻱ ﻋﺮﻓﺘﻮ ﺗﻮﻓﻪ
ﻭﻛﻔﺖ ﻛﺎﺿﺐ ﺍﻟﺒﺎﺏ ﺍﺩﺣﻚ ﺑﻴﻬﺎ ﻣﻮﺗﺖ ﻧﻔﺴﻪ ﺍﻟﺤﺠﻴﻪ ﻣﻜﺎﺑﻠﺘﻪ ﻣﻐﻄﻴﻪ ﻭﺟﻬﻪ ﺑﻌﺒﺎﺗﻪ ﺗﺒﺠﻲ ﺟﻲ ﺑﺼﻔﻲ ﻋﻤﺮ ﻓﺎﻙ ﻋﻴﻨﻪ ﻳﺒﺎﻭﻉ ﻋﻠﻰ ﺍﺩﻳﺎﻥ ﻭﺟﻪ ﻧﻜﻠﺐ
ﻻﺩﻛﻠﻲ ﺍﺑﻮﻩ ﻣﺎﺕ
ﻫﺰﻳﺖ ﺭﺍﺳﻲ ﻭﻛﻠﺒﻲ ﻣﺠﻤﺮ ﺩﻣﻮﻋﻪ ﻧﺎﺭ ﻭﺗﺠﻮﻱ ﺑﻴﻪ ﻭﺩﻱ ﺍﺣﻀﻨﻪ ﺍﺿﻤﻪ ﺑﺮﻭﺣﻲ ﺍﺷﻴﻞ ﻫﺬﺍ ﺍﻟﺤﺰﻥ ﻣﻨﻬﺎ ﺟﻮﻱ ﺟﺮﻭ ﺍﻟﺴﺪﻳﻪ ﻳﻮﺩﻭﻩ ﻟﻠﺜﻼﺟﺎﺕ ﻛﻤﺰﺕ ﻣﺠﻠﺒﻪ ﺑﻴﻪ ﺗﺼﺮﺥ ﻣﺘﺎﺧﺬﻭﻥ ﺑﺎﺑﺎ ﻣﺎ ﻣﺎﺕ ﺑﺎﺑﺎ ﻣﺎ ﻣﺎﺕ ﺗﺼﺮﺥ ﺗﺼﺮﺥ ﻭﻛﻌﺪﺕ ﻣﻦ ﻃﻮﻟﻪ ﻋﻠﻰ ﻛﺎﻉ
ﻋﻜﻞ ﻣﺎﺿﻞ ﺑﺮﺍﺳﻲ ﻭﻻﻓﻜﺮﺕ ﺍﻟﻨﺎﺱ ﺷﺪﻛﻮﻝ ﺑﻠﻌﺠﻞ ﻣﺸﻴﺖ ﺷﻠﺘﻪ ﻭﺍﺭﻛﺾ ﺑﻴﻪ ﺍﺩﺣﻚ ﺍﻟﻌﻴﻮﻥ ﻣﺒﻠﻠﻪ ﺩﻣﻊ ﻭﺍﻟﺨﺸﻢ ﺍﺣﻤﺮ ﺍﻟﺸﺎﻝ ﻣﻔﺘﻮﺡ ﻳﺮﻳﺪ ﻳﻜﻊ ﻭﻫﻴﻪ ﻋﻠﻰ ﺻﺪﺭﻱ ﻛﻤﺖ ﺍﺿﻐﻂ ﺭﺃﺳﻪ ﻋﻠﻰ ﺣﻴﻞ ﻋﻠﻰ ﺻﺪﺭﻱ ﺗﺎﻣﻴﻜﻊ
ﻓﻮﺗﺘﻪ ﻏﺮﻓﻪ ﺍﻟﺪﻛﺘﻮﺭ ﺟﻲ ﻳﻜﻠﺐ ﺑﻴﻪ ﻭﻳﻔﺤﺺ ﻭﺍﻧﻪ ﺍﺿﻢ ﺑﺸﻌﺮﻩ ﺟﻮﻩ ﺍﻟﺸﺎﻝ ﻭﺍﻏﻄﻲ ﺑﺼﺪﺭﻩ ﻓﺎﺗﺖ ﺩﻛﺘﻮﺭﻩ ﻭﻛﻔﻮ ﻳﺮﻃﻨﻮﻥ ﻓﻮﻛﻪ ﺗﺎﻟﻲ ﻛﺎﻟﻮ ﺍﻃﻠﻊ
ﻋﻠﻴﺶ
ﺍﺧﻮﻳﻪ ﻧﻬﻴﺎﺭ ﻋﺼﺒﻲ ﻫﺴﻪ ﺗﺼﺤﻰ ﺍﻟﻬﻮﺳﻪ ﻣﻮﺯﻳﻦ ﻓﻮﻛﺎﻩ
ﻃﻠﻌﺖ ﻭﻛﻔﺖ ﺑﻠﺒﺎﺏ ﺍﻟﺤﺠﻴﻪ ﺟﺖ ﺗﻤﺸﻲ ﻻﺯﻣﻪ ﺍﻟﺤﺎﻳﻂ ﺿﻠﻴﺖ ﻭﺍﺟﻒ ﻣﺎﺑﻴﻪ ﺍﻛﺮﺏ ﻳﻤﻪ ﻣﺎﻟﻲ ﻃﺎﻗﻪ ﺍﺣﺠﻲ ﻋﻴﻮﻧﻲ ﻛﺎﻣﺖ ﺗﺴﻮﺭﺏ ﻭﺻﻠﺖ ﻳﻤﻲ ﻛﺎﻟﺖ
ﺍﺳﺘﺎﺫ ﻓﺎﺭﺱ ﺑﻨﺘﻲ ﻭﻳﻦ ﻭﺍﻟﻠﻪ ﻛﻠﺒﻲ ﻣﻴﺘﺤﻤﻞ ﺑﻌﺪ
ﺣﺠﻴﻪ ﻣﺎﺑﻴﻪ ﺷﻲ ﻫﺴﺎﻉ ﺗﺼﺤﻰ ﺍﻟﺒﻘﻴﻪ ﺑﺤﻴﺎﺗﻜﻢ ﻧﻄﻴﻨﻲ ﺍﻳﺪﺝ ﺍﻛﻌﺪﺝ
ﻛﻌﺪﺕ ﺗﺒﺠﻲ ﺟﻲ ﻋﻤﺮ
ﻫﺎﺍ ﻓﺎﺭﺱ ﺷﻨﺴﻮﻱ
ﻣﺎﺩﺭﻱ ﻋﻤﺮ ﻭﻟﻚ ﺍﻧﻲ ﻛﻮﻩ ﻭﺍﺟﻒ
ﻟﺨﺎﻃﺮ ﺭﺑﻚ ﺑﻠﻪ ﻭﻛﺘﻚ ﺗﺸﺮﺏ ﺍﺩﺭﻱ ﻣﺎﺗﻔﻮﺕ ﻳﻮﻡ ﺍﻧﺖ ﺷﻮﻑ ﻋﻴﻮﻧﻚ ﺭﺍﺡ ﻳﻨﻄﻮ
ﻛﻨﺒﺼﺖ ﺭﺟﻴﺖ ﺭﺍﺳﻲ ﻋﻠﺤﺎﻳﻂ ﺟﺮﻧﻲ ﻣﻦ ﺍﻳﺪﻱ
ﺷﺒﻴﻚ
ﺍﻣﺶ ﻭﻳﺎﻱ
ﻭﻳﻦ
ﺍﻣﺶ ﻭﻣﺎ ﻋﻠﻴﻚ
ﻣﺸﺎﻧﻲ ﻟﻠﺤﻤﺎﻣﺎﺕ ... ﻓﺎﺭﺱ ﺍﺳﺒﺢ
ﻳﻮﻝ ﻫﺬﺍ ﻭﻛﺘﻚ
ﺍﺳﺒﺢ ﺗﺼﺤﻰ ﺗﺮﻩ ﻣﺒﻴﻦ ﻋﻠﻴﻚ ﺍﻧﺖ ﺷﺎﺭﺏ ﻻﺗﺴﻮﻳﻠﻨﻪ ﺳﺎﻟﻔﻪ
ﺳﺪ ﺍﻟﺒﺎﺏ ﺳﺒﺤﺖ ﻋﻠﻰ ﺳﺮﻳﻊ ﻭﻃﻠﻌﺖ ﺻﺎﺣﻲ ﻫﻴﻨﻮﺏ ﺑﺲ ﺍﻟﻠﻢ ﻗﻮﻱ ﺑﺮﺍﺳﻲ ﺟﺎﺑﻠﻲ ﻋﻤﺮ ﺛﻨﻴﻦ ﺑﻨﺪﻭﻝ ﺻﺮﻃﺘﻬﻢ ﺳﻮﻩ ﻭﻣﺸﻴﻨﻪ ﺑﺠﺮﺍﺋﺎﺕ ﺷﻬﺎﺩﻩ ﺍﻟﻮﻓﺎﺀ ﻭﻛﻞ ﻧﻮﺏ ﺍﺩﺣﻚ ﻋﻠﻰ ﺍﺩﻳﺎﻥ ﻧﺎﻳﻤﻪ ﺍﻟﻜﺎﻧﻮﻧﻪ ﺑﻴﺪﻩ
ﺣﺘﺎﺟﻮ ﺍﻟﻤﺴﺘﻤﺴﻜﺎﺕ ﺟﻴﺖ ﻋﻠﻰ ﺍﻟﺤﺠﻴﻪ ﺟﺎﻧﺖ ﺣﺎﻳﺮﻩ ﻭﺿﺎﻳﻌﻪ ﻣﺎﺑﻄﻠﺖ ﺑﺠﻲ ﻭﺣﺎﻟﻪ ﻳﻜﺴﺮ ﺍﻟﺨﺎﻃﺮ ﻛﻌﺪﺕ ﻳﻤﻪ
ﺣﺠﻴﻪ ﺍﻟﺒﻘﻴﻪ ﺑﺤﻴﺎﺗﺞ ﻳﻤﻪ ﻛﻠﻨﻪ ﻟﻬﺬﺍ ﺍﻟﻄﺮﻳﻖ ﻭﺍﻧﺘﻲ ﻣﻮﺋﻤﻨﻪ ﻫﻮﻩ ﺭﺟﺎﻝ ﻣﺮﻳﺾ ﻭﺍﻟﺸﺎﻓﻮ ﻣﻮ ﺷﻮﻳﻪ ﺗﻌﺬﺏ ﺑﻤﺮﺿﻮ ﻭﺭﺗﺎﺡ ﻫﺴﺎﻉ
ﺻﻴﺮﻱ ﻛﻮﻳﻪ ﻭﺍﻛﻔﻲ ﻭﻳﻪ ﻋﻴﻠﺘﺞ ﻣﺤﺘﺎﺟﻴﺞ ﺍﺯﻭﺩ ﻣﻦ ﻛﻞ ﻭﻛﺖ ﻭﺍﻧﻪ ﺍﺑﻨﺞ ﺣﺎﺿﺮ ﻟﻜﻠﺸﻲ ﻳﻤﺞ ﻣﺎﻋﻮﻓﻜﻢ ﻻﺗﺤﺴﻮﻥ ﻧﻔﺴﻜﻢ ﻭﺣﻴﺪﻛﻢ ﺑﺎﻟﻠﻪ ﺍﻟﺪﻧﻴﻪ ﺑﻌﺪﻩ ﺑﺨﻴﺮ ﻭﺍﺣﻨﺎ ﻳ
ﻤﻜﻢ ﻭﺍﻥ ﺷﺎﻟﻠﻪ ﻣﺎﻧﻘﺼﺮ ﻣﻨﻜﻢ
ﺭﺣﻤﻪ ﺍﻟﻠﻪ ﻭﺍﻟﺪﻳﻚ ﺍﺑﻨﻲ ﻣﺘﻘﺼﺮ ﺑﺲ ﺷﻮﻓﺖ ﻋﻴﻨﻚ ﺍﻧﻲ ﻭﺣﺪﻱ ﻣﺮﻩ ﺟﺒﻴﺮﻩ ﻣﻜﺮﻣﻪ ﻻ ﺍﺣﻞ ﻭﻻ ﺍﺭﺑﻂ ﺍﺩﻳﺎﻥ ﺍﺩﻳﻨﻪ ﻭﻫﻴﻪ ﺭﺟﻠﻴﻨﻪ ﻭﻫﺴﻪ ﻭﻛﻌﺖ ﺿﻠﻴﺖ ﺍﻋﺎﻳﻦ ﺑﺲ ﻋﻠﻰ ﺍﻟﻠﻪ
ﺍﻓﺎﺍﺍﺍ ﻋﻠﻴﺞ ﺣﺠﻴﻪ ﻭﻧﻌﻢ ﺑﺎﻟﻠﻪ ﺑﺲ ﺍﻧﻪ ﻭﻳﻦ ﺭﺣﺖ ﻣﻦ ﻳﻮﻡ ﻓﺘﺖ ﺍﻟﻤﺨﻴﻢ ﺗﻜﻔﻠﺘﻜﻢ ﻭﻣﺎﻋﻮﻓﻜﻢ ﻻﺗﻔﻜﺮﻳﻦ ﺑﺸﻲ ﺍﻟﺤﺠﻲ ﻳﺮﻭﺡ ﻟﻤﺜﻮﻯ ﺍﻷﺧﻴﺮ ﻭﺍﺩﻳﺎﻥ ﻫﺴﺎﻉ ﺗﺼﺤﻰ ﻭﺍﻟﻠﻪ ﻳﺼﺒﺮﻛﻢ ﺍﻧﻪ ﺟﻴﺖ ﺍﺳﺌﻠﺞ ﻋﺪﻛﻢ ﺍﺣﺪ ﻧﺒﻠﻐﻮ ﻋﺪﻛﻢ ﺍﺣﺪ ﻳﺤﻀﺮ ﺩﻓﻨﻮ ﺍﺫﺍ ﺗﻜﺪﺭﻳﻦ ﺗﺨﺒﺮﻳﻬﻢ ﺗﺎﻧﻜﻤﻞ ﺍﻻﺟﺮﺍﺋﺎﺕ
ﺩﻧﺠﺖ ﺗﺒﺠﻲ ﻭﺗﻤﺴﺢ ﺑﺪﻭﻣﻌﻪ ﻭﻛﻔﺖ ﻣﺘﻨﻬﺪﺕ ﻣﺎﻋﺮﻑ ﺷﺤﺠﻲ ﺑﻌﺪ ﺭﻓﻌﺖ ﺭﺍﺳﻪ ﻋﻴﻨﻪ ﺑﻌﻴﻨﻲ ﻛﺎﻟﺖ
ﻳﻤﻪ ﻣﺎﻋﺪﻧﻪ ﻏﻴﺮ ﺭﺣﻤﻪ ﺍﻟﻠﻪ ﺍﺧﻮﺗﻪ ﻣﺴﺎﻓﺮﻳﻦ ﻭﺍﻫﻠﻲ ﻣﻮ ﻋﻠﻰ ﺻﻠﺢ ﻭﻳﺎﻫﻢ ﻟﻮﻋﻨﺪﻩ ﺍﺣﺪ ﺟﺎﻥ ﻣﺎﺻﺎﺭ ﻫﺬﺍ ﺣﺎﻟﻨﻪ ﺑﺲ ﺍﻟﻠﻪ ﻣﻴﻜﻄﻊ ﺍﻥ ﺷﺎﻟﻠﻪ ﺍﻟﺨﻴﺮﻳﻦ ﻳﺪﻓﻨﻮ ﻭﻓﺎﺗﺤﻪ ﻣﺎﻧﺴﻮﻱ ﺍﻟﻠﻪ ﻳﻌﻠﻢ ﺑﺤﺎﻟﻨﻪ ﻭﻻﻋﻨﺪﻩ ﺍﺣﺪ ﻳﺠﻲ ﻳﻌﺰﻱ
ﺧﻴﺮ ﺍﻥ ﺷﺎﻟﻠﻪ ﻋﺠﻞ ﺃﻧﻪ ﺍﻛﻤﻞ ﻛﻠﺸﻲ ﻭﻫﺴﺎﻉ ﺍﺧﻠﻲ ﻋﻤﺮ ﻳﺎﺧﺬﺝ ﻟﻠﺒﻴﺖ ﺗﺠﻴﺒﻴﻦ ﻣﺴﺘﻤﺴﻜﺎﺗﻮ ﻭﺍﻟﻔﺠﺮ ﺑﺎﺫﻥ ﺍﻟﻠﻪ ﻧﺪﻓﻨﻮ ﻭﻳﻦ ﻣﺎﺗﺪﻓﻨﻮﻥ ﻣﻮﺗﺎﻛﻢ
ﺍﻟﻠﻪ ﻳﻮﻓﻘﻚ ﻳﻤﻪ ﻭﻣﺎﻋﺮﻑ ﺷﻠﻮﻥ ﺍﺟﺎﺯﻳﻚ ﻭﺍﻟﻠﻪ ﺍﻧﺖ ﻭﻫﺬﺍ ﺍﻟﻮﻟﻴﺪ ﻭﺍﻟﻤﻨﻀﻤﻪ ﺳﻮﻳﺘﻮ ﺍﻟﻤﺎﺳﻮﻭﻩ ﺍﻗﺮﺏ ﺍﻟﻨﺎﺱ ﺍﻟﻨﻪ
ﻭﺍﺟﺒﻨﻪ ﺣﺠﻴﻪ ﺍﻟﻠﻪ ﻳﺠﻌﻠﻪ ﺁﺧﺮ ﺍﻻﺣﺰﺍﻥ
ﺭﺍﺣﺖ ﻭﻳﻪ ﻋﻤﺮ ﻭﺍﻧﻪ ﺍﻓﻮﺕ ﻭﻃﻠﻊ ﺍﺩﻳﺎﻥ ﻧﺎﻳﻤﻪ ﺣﺎﺟﻴﺖ ﺍﻟﺪﻛﺘﻮﺭ ﻛﺎﻝ ﺿﺎﺭﺑﻴﻪ ﻣﻬﺪﺍﺀ ﻣﻔﻌﻮﻟﻮ ﻗﻮﻱ ﺟﺒﺖ ﻛﺮﺳﻲ ﻛﻌﺪﺕ ﻛﺒﺎﻟﻪ ﻭﺟﺮﻳﺖ ﺍﻟﺒﺮﺩﻩ ﺳﺪ ﻧﺎﻳﻤﻪ ﺍﻭﻝ ﺳﺮﻳﺮ ﺟﺪﺍﻡ ﺍﻟﺒﺎﺏ ﻏﻄﻴﺘﻪ ﺯﻳﻦ ﻭﻛﻌﺪﺕ ﺍﺩﺣﻚ ﺑﻴﻪ ﺷﻜﺪ ﺗﺤﺒﻮ ﺑﺤﻴﺚ ﻛﻠﺒﻪ ﻣﺎﺗﺤﻤﻞ ﻓﺮﺍﻛﻮ ﻭﻛﻌﺖ ﻣﻐﻤﻰ ﻋﻠﻴﻪ ﺭﻛﺰﺕ ﺣﻴﻞ ﺑﻴﻪ ﺧﺪﻩ ﻣﺠﺮﺡ ﻭﺭﺍﻡ ﺯﺍﻟﻐﺘﻮ
ﻣﺴﺤﺖ ﻭﺟﻬﻲ ﻣﺪﻧﺞ ﺍﺗﺬﻛﺮ ﺷﻠﻮﻥ ﺟﺎﻧﺖ ﺗﺸﻴﻠﻮ ﺟﻨﻮ ﻃﻔﻞ ﺷﻠﻮﻥ ﻣﻦ ﺗﺼﺤﻰ ﻣﺎﺗﻠﻜﺎﻩ ﺷﻮﻥ ﺭﺍﺡ ﺗﺘﺤﻤﻞ ﻭﺷﻮﻥ ﺍﻧﻪ ﺍﺗﺤﻤﻞ ﺣﺰﻧﻪ ﻭﺍﺫﻳﺘﻪ ﻋﻠﻰ ﺭﻭﺣﻪ
ﺛﻼﺙ ﺍﺭﺑﺎﻉ ﺍﻟﺴﺎﻋﻪ ﻭﻛﺎﻣﺖ ﺗﻔﺘﺢ ﻭﺗﻐﻤﺾ ﻛﻤﺖ ﻭﺍﻛﻒ ﻓﻮﻙ ﺭﺃﺳﻪ ﻓﻜﺖ ﻋﻴﻨﻪ ﺷﺎﻓﺘﻨﻲ ﻏﻤﻀﺖ ﻭﻧﺪﺍﺭﺕ ﺗﺒﺠﻲ ﺟﺮﻳﺖ ﻧﻔﺲ ﻭﺻﺪﻳﺖ ﻋﻠﻴﻪ ﻛﺎﺿﺒﻪ ﻃﺎﺭﻑ ﺍﻟﻔﺮﺍﺵ ﻻﺯﻣﺘﻮ ﺑﻴﺪﻩ ﺣﻴﻞ ﺿﺎﻏﻄﻪ ﻋﻠﻴﻪ ﻭﺻﻮﺕ ﺷﻬﻜﺎﺗﻪ ﺗﻌﺎﻟﻰ ﻓﺘﺮﻳﺖ ﺻﺮﺕ ﻛﺒﺎﻟﻪ
ﺍﺩﻳﺎﻥ ﺗﺮﺣﻤﻴﻠﻮ ﺭﺟﺎﻝ ﻣﺮﻳﺾ ﻭﺍﻟﻠﻪ ﺭﺗﺎﺡ ﺍﻟﻤﺮﺽ ﻋﻠﻮ
ﺭﻓﻌﺖ ﻋﻴﻨﻪ ﻧﺪﺍﺭﺕ ﺻﻔﺢ ﻟﻤﺖ ﺭﻭﺣﻪ ﺗﻌﺪﻝ ﺑﺸﺎﻟﻪ ﺑﺮﻃﻤﺖ .... ﻳﻌﻨﻲ ﺍﻧﻲ ﻣﺎﺣﻠﻤﺎﻧﻪ ﻳﻌﻨﻲ ﺻﺎﺭﺕ ﺻﺪﻙ ﻭﺑﺎﺑﺎ ﻣﺎﺕ
ﺍﻟﻠﻪ ﻳﺮﺣﻤﻮ ﻳﺎﺑﻪ ﻫﺬﺍ ﻳﻮﻣﻮ
ﻛﻌﺪﺕ ﺗﺎﺟﺮ ﺟﻬﺎﺯ ﺍﻻﻋﻄﺎﺀ ﻛﻀﺒﺖ ﺍﻳﺪﻩ ﺩﺣﻜﺖ ﺑﻴﺪﻱ ﻫﺪﻳﺘﻪ ﺑﺴﺮﻋﻪ ... ﺍﺩﻳﺎﻥ ﻭﻳﻦ ﺗﺮﻳﺪﻥ
ﺍﺷﻮﻓﻪ
ﺍﻧﺘﻀﺮﻱ ﺑﺲ ﺍﻓﺼﻠﻮ ﻣﻦ ﺍﻳﺪﺝ ﺩﺣﻜﻲ ﺳﺤﺐ ﺩﻡ
ﻏﻄﺖ ﻭﺟﻪ ﺑﻴﺪﻩ ﺗﺒﺠﻲ ﻭﺍﻧﻪ ﺍﻓﻞ ﺍﻟﺠﻬﺎﺯ ﻣﻦ ﺍﻳﺪﻩ ﻛﻤﻠﺘﻪ ﻭﻛﻔﺖ ﻣﺸﺖ ﺧﻄﻮﺗﻴﻦ ﻭﺩﺍﺧﺖ ﺗﻮﻩ ﺗﻮﻛﻊ ﻛﻀﺒﺘﻪ ﺟﺘﻲ ﻛﻠﻪ ﺑﺤﻀﻨﻲ ﺣﻮﻃﺘﻪ ﺍﺭﻳﺪ ﺍﺭﺟﻊ ﺍﻛﻌﺪﻩ ﺑﻌﺪﺗﻨﻲ ﺑﻴﺪﻩ
ﻋﻔﻴﻪ ﻫﺪﻧﻲ ﺑﺲ ﺍﺷﻮﻓﻪ
ﻭﻳﻦ ﺗﺮﻳﺪﻳﻦ ﻣﺸﻴﺘﻲ ﺧﻄﻮﻩ ﻭﻛﻌﺘﻲ ﺷﻴﻄﻠﻌﺞ ﺑﺮﻩ
ﻫﺰﺕ ﺭﺃﺳﻪ ﺭﺍﻓﻀﻪ ﺗﻮﺟﺖ ﻋﻠﻰ ﺣﺎﻳﻂ ﻭﺗﻤﺸﻲ ﺧﻄﻮﻩ ﺧﻄﻮﻩ ﻭﻛﻠﺒﻲ ﻳﻤﺸﻲ ﻭﻳﺎﻫﻪ ﻳﺼﺮﺥ ﻫﺴﺎﻉ
ﺩﻭﺥ
ﺗﻮﻛﻊ
ﺗﺘﺎﺫﻯ
ﻳﺼﻴﺮ ﺍﻟﻪ ﺷﻲ
ﺍﺩﻳﺎﻥ ﺍﻛﻔﻲ
ﻣﺎﺗﺴﻤﻌﻠﻲ ﺗﻤﺸﻲ ﺭﺍﻓﻌﻪ ﺭﺃﺳﻪ ﺩﺣﻚ ﺗﻘﺮﻩ ﻣﻜﺎﻥ ﺍﻟﺜﻼﺟﺎﺕ ﻃﻠﻌﻨﻪ ﺑﺮﻩ ﺍﻟﻤﺴﺘﺸﻔﻰ ﻛﻌﺪﺕ ﺟﺪﺍﻣﻪ ﺑﻠﻜﺎﻉ ﻣﻐﻄﻴﻪ ﻭﺟﻪ ﺑﻴﺪﻩ ﺗﺤﺎﺟﻲ
ﺑﺎﺑﺎ ﻭﻳﻦ ﺭﺣﺖ ﻭﻋﻔﺘﻲ ﻫﺎﺍﺍ ﺧﻠﺺ ﺻﺒﺮﻙ ﺗﻌﺒﺖ ﻋﻔﺖ ﺍﺩﻳﺎﻥ ﻭﺣﻴﺪﻩ
ﺍﻟﻠﻪ ﻭﻳﺎﻙ ﻣﺤﻠﻞ ﻭﻣﺎﻫﻮﺏ
ﻣﺎﻗﺼﺮﺕ
ﺭﺑﻴﺘﻨﻪ ﻭﻛﺒﺮﺗﻨﻪ ﻻﺟﻮﻋﺘﻨﻪ ﻭﻻﻣﺪﻳﻨﻪ ﺍﺩﻳﻨﻪ ﻟﺤﺪ ﻭﺍﻧﺖ ﺑﺤﻴﻠﻚ
ﺭﺍﺡ ﺣﺎﺯﻡ ﻭﻫﺴﻪ ﺍﻧﺖ ﻭﻗﺼﻲ ﻣﺎﺩﺭﻱ ﺑﻲ ﻭﻳﻦ
ﺍﻟﻠﻪ ﻭﻳﺎﻙ ﺑﺎﺑﺎ ﺍﻣﻨﺘﻚ ﻋﻨﺪ ﺍﻟﻠﻪ ﻫﻨﺎﻙ ﻳﻤﻪ ﺍﺣﺴﻦ ﻣﻦ ﺩﻛﺘﺎﺕ ﺍﻟﻤﺮﺽ ﺑﻀﻠﻮﻋﻚ ﻭﺑﺮﺩ ﺍﻟﺨﻴﻢ ﻭﻗﺴﻮﻩ ﺍﻟﻜﺎﻉ ﺍﻻﻛﻠﺖ ﺿﻬﺮﻙ
ﺍﺣﺴﻦ ﻣﻦ ﺍﻟﻌﺮﺑﺎﻧﻪ ﻟﺘﺨﺠﻞ ﺗﻜﻌﺪ ﺑﻴﻪ ﻭﺍﻧﺖ ﺻﺎﻋﻮﺩ ﺍﻟﻨﺨﻞ
ﺭﻭﺡ ﺑﺎﺑﺎ ﻳﻢ ﺍﻟﻠﻪ ﺍﺣﺴﻦ ﻣﻦ ﻳﻢ ﺍﻟﺒﺸﺮ ﺩﻋﻴﻠﻲ ﺑﺎﺑﺎ ﻛﻠﻪ ﻟﺮﺑﻲ ﺍﻣﺴﺢ ﻋﻠﻰ ﻛﻠﺐ ﺑﻨﺘﻲ ﻭﺻﺒﺮﻩ
ﻫﻮﺍﻱ ﺣﺠﺖ ﺑﺠﺖ ﺣﺘﻰ ﺍﻟﺤﺠﺮ ﻣﺎﺗﺤﻤﻠﺖ ﻛﻤﺖ ﻛﻨﺒﺼﺖ ﻛﺒﺎﻟﻪ
ﺍﺩﻳﺎﻥ ﻛﻮﻣﻲ
ﻋﻔﻴﻪ ﻋﻮﻓﻨﻲ ﺑﻌﺪ ﻣﺎﺷﻮﻓﻪ ﺭﺍﺡ ﺑﺎﺑﺎ ﺑﻌﺪ ﻣﻨﻮ ﺍﻟﻲ
ﺍﻟﻠﻪ ﻣﻮﺟﻮﺩ ﺭﺑﺞ ﻣﺎﻳﺨﻠﻲ ﺍﺣﺪ ﻛﻮﻣﻲ ﻳﺎﺑﻪ ﺍﻟﻜﺎﻉ ﺑﺎﺭﺩﻩ
ﻟﻌﺪ ﺑﺎﺑﺎ ﺷﻠﻮﻥ ﺭﺍﺡ ﻳﻨﺎﻡ ﺑﻴﻪ
ﻻﺗﺤﺠﻴﻦ ﻫﻴﺞ ﺍﺩﻳﺎﻥ ﺑﺪﺍﻋﻪ ﺍﻟﻠﻪ ﻛﻮﻣﻲ
ﻣﺎﺳﻤﻌﺘﻠﻲ ﺗﺒﺠﻲ ﻭﺗﺤﺎﺟﻲ ﺭﺍﺡ ﺻﻮﺗﻪ ﻭﻧﺒﺢ ﺩﻣﻮﻋﻲ ﻧﺰﻟﻮ ﻣﻦ ﻣﺎﺕ ﺍﺑﻮﻳﻪ ﻣﺎﻧﺰﻟﺘﻠﻲ ﺩﻣﻌﻪ ﻭﻛﻼﻣﻪ ﺍﻟﺤﺠﺮ ﻳﻔﻄﺮﻭ ﻃﺮ ﺍﻟﻔﺠﺮ ﻭﺍﻟﻬﻮﺍ ﺻﺎﺭ ﻳﻜﺺ ﻛﺺ ﻣﻮ ﺭﺍﺿﻴﻪ ﺩﻛﻮﻡ ﺟﻮﻱ ﻋﻤﺮ ﻭﺍﻣﻪ ﻛﻮﻣﺘﻪ ﻭﺍﺣﻨﺎ ﻛﻤﻠﻨﻪ ﻛﻠﺸﻲ ﺧﺎﺑﺮﻧﻪ ﻣﺴﺌﻮﻝ ﺍﻟﻤﻨﻀﻤﻪ ﺩﺯ ﻣﺘﻄﻮﻋﻴﻦ ﻻﻥ ﻳﻌﺘﺒﺮﻭﻥ ﻣﺴﺌﻮﻟﻴﻦ ﻣﻨﻬﻢ ﺗﻐﺴﻞ ﺍﻟﺤﺠﻲ ﻭﺗﺼﻠﻰ ﻋﻠﻴﻪ ﻣﺒﺼﻠﻰ ﺍﻟﻤﺴﺘﺸﻔﻰ
ﺟﺎﻧﺖ ﻫﺎﻱ ﺍﻭﻝ ﺻﻼﻩ ﺍﻟﻴﻪ ﺑﻜﻠﺐ ﺧﺎﺷﻊ ﻣﻘﻬﻮﺭ ﺟﻨﺖ ﺧﺠﻼﻥ ﺣﻴﻞ ﻣﻦ ﺭﺑﻲ ﻛﺒﻞ ﺟﻢ ﺳﺎﻋﻪ ﺟﻨﺖ ﻋﺎﺻﻲ ﻭﻫﺴﺎﻉ ﻭﺍﺟﻒ ﻛﺒﺎﻟﻮ؟
ﺻﻠﻴﺖ ﻣﻐﻤﺾ ﺟﻨﻲ ﺷﺎﻳﻒ ﺭﺑﻲ ﻛﺒﺎﻟﻲ ﻭﺍﺳﺘﺤﻲ ﺍﺧﻠﻲ ﻋﻴﻨﻲ ﺑﻌﻴﻨﻮ ﺻﻠﻴﺖ ﺻﻼﻩ ﻻﺭﻛﻌﻮﻉ ﻭﻻﺳﺠﻮﺩ ﺑﻴﻪ ﺑﺲ ﻭﺍﺟﻒ ﻭﺻﻮﺕ ﺍﻟﺘﻜﺒﻴﺮ ﻭﺍﻻﻳﺎﺕ ﺑﺬﻧﻲ ﺷﻌﻮﺭ ﺑﻲ ﺧﻮﻑ ﻭﺭﻋﺐ ﻣﻦ ﺍﻟﻠﻪ ﻣﻮ ﻋﺎﺩﻱ ﺗﺼﻠﻲ ﻭﺗﺘﺨﻴﻞ ﺭﻭﺣﻚ ﻓﺪﻳﻮﻡ ﻳﺼﻠﻮﻥ ﻋﻠﻴﻚ
ﻣﻮﻗﻒ ﻳﻘﺸﻌﺮ ﺍﻟﺒﺪﻥ
ﻛﻤﻠﻨﻪ ﻭﺍﻧﻪ ﻣﺨﻨﻮﻙ ﺍﻫﺠﺲ ﺭﻭﺣﻲ ﺭﺍﺡ ﺗﻄﻠﻊ ﻭﻛﺎﺿﺒﻪ ﻛﻮﻩ
ﺷﺪﻳﻨﻪ ﺍﻟﺘﺎﺑﻮﺕ ﺑﺴﻴﺎﺭﺗﻲ ﺧﻠﻴﺖ ﻋﻤﺮ ﻳﺮﺩﻫﻢ ﻟﻠﻤﺨﻴﻢ ﻭﺍﻧﻲ ﻭﺟﻢ ﻭﺍﺣﺪ ﻣﻦ ﺍﻟﻤﻨﻀﻤﻪ ﺩﻓﻨﺎﻩ ﺑﻤﻘﺒﺮﻩ ﺑﻐﺪﺍﺩ ﺍﻟﻤﻘﺒﺮﻩ ﺍﻟﻜﺎﻟﻮ ﻋﻠﻴﻬﺎ ﺑﺪﻳﺮﺗﻬﻢ ﻭﻋﻠﻰ ﻛﻼﻣﻬﻢ ﺍﻭﺿﺎﻋﻪ ﺻﻌﺒﻪ ﺗﻜﻔﻠﺖ ﺑﻜﻞ ﺷﻲ ﻭﻋﺪﺗﻬﻢ ﻏﻴﺮ ﻳﻮﻡ ﺍﺟﻴﺒﻬﻢ ﻋﻠﻰ ﻛﺒﺮﻭ
ﻟﻠﻀﻬﺮ ﺭﺩﻳﻨﻪ ﻟﻠﻤﺨﻴﻢ ﺍﻟﻨﺎﺱ ﺗﻔﻮﺕ ﻭﺗﻄﻠﻊ ﻋﻠﻴﻬﻢ ﺑﻠﺨﻴﻤﻪ ﺍﻳﻬﻢ ﻳﻠﻌﺐ ﺑﺮﻩ ﻳﺮﻛﺾ ﺑﻠﺘﺮﺍﺏ ﻭﺍﻟﺒﺮﺩ ﻣﺤﺪ ﺑﺤﺎﻟﻮ ﺻﻜﺎﺭﺗﻮ ﺍﻟﻠﻪ ﻳﺪﺭﻱ ﺑﺤﺎﻟﻪ ﻛﻀﺒﺘﻪ ﻣﻦ ﺍﻳﺪﻩ ﺍﺧﺬﺗﻮ ﻟﻠﺴﻴﺎﺭﻩ ﻛﻌﺪﺗﻪ ﺑﺤﻀﻨﻲ ﻳﺪﺣﻜﻠﻲ ﺻﺎﻓﻦ
ﺣﺒﻴﺒﻲ ﺷﺒﻴﻚ
ﺟﺪﻭ ﺭﺍﺡ
ﻭﻳﻦ ﺭﺍﺡ
ﻳﺌﺎﺷﺮ ﻋﻠﻰ ﺳﻤﺎ
ﻣﻨﻮ ﻛﻠﻚ
ﻣﺎﻣﺎ
ﻭﻳﻨﻪ ﻣﺎﻣﺎ
ﺗﺒﺠﻲ ﺑﻴﻪ ﺍﻭﺍﺀ ﻭﺟﺪﻭ ﺭﺍﺡ
ﻻﺗﻄﻠﻊ ﺑﻌﻴﺪ ﻣﺎﻣﺎ ﺧﺎﻑ ﺗﺪﻭﺭﻟﻚ ﻭﻻﺗﻠﻌﺐ ﺑﺮﻩ ﺑﺎﺭﺩﻩ ﺷﻮﻑ ﺧﺪﻭﺩﻙ ﻣﺜﻠﺠﻪ ﺭﺍﺡ ﺍﻧﺰﻟﻚ ﻓﻮﺕ ﺟﻮﻩ ﺍﻛﻌﺪ ﻳﻢ ﻣﺎﻣﺎ ﻣﺎﺷﻲ ﻳﻠﺴﺒﻊ
ﻫﺰ ﺭﺃﺳﻪ ﺍﻱ
ﺑﺴﺘﻪ ﻭﻧﺰﻝ ﻳﺮﻛﺾ ﻓﺮﻳﺖ ﺍﻟﺴﻴﺎﺭﻩ ﻟﻠﺸﻘﻪ ﻓﺘﺖ ﻋﻤﺮ ﻳﻠﻤﻠﻢ ﺑﻴﻬﺎ ﺑﺲ ﺷﺎﻓﻨﻲ ﺗﺨﻮﺻﺮ ﻫﺪﻭﻣﻲ ﺑﻴﺪﻩ
ﺑﻌﺪ ﻭﻛﺖ ﻳﺎﺑﻪ ﻋﻠﻴﺶ ﺟﺎﻱ ﺟﺎﻥ ﺧﻠﺼﺖ ﺍﻟﺜﺎﻟﺚ ﻳﻤﻬﻢ
ﺍﻧﺠﻌﻢ ﺭﺍﺳﻲ ﻳﻮﺟﻌﻨﻲ
ﺣﻜﻚ ﺍﺫﺍ ﺍﻧﺖ ﻧﺎﺳﻒ ﻧﺺ ﺍﻟﺒﻄﻞ ﻭﺻﺎﻳﺮ ﺧﻴﺮ ﺳﺎﺣﻠﻨﻲ ﻣﻦ ﺍﻟﻤﺨﻴﻢ ﻋﻠﻰ ﻣﺴﺘﺸﻔﻰ ﻳﻮﻝ ﺷﺴ
ﺎﻟﻔﺘﻚ
ﻻ ﺳﺎﻟﻔﻪ ﻭﻻ ﺵ ﻧﺎﺱ ﻣﺎﻋﺪﻩ ﺍﺣﺪ ﺳﺎﻋﺪﻧﺎﻫﻪ ﻭﺍﺑﻮﻙ ﺍﻟﻠﻪ ﻳﺮﺣﻤﻮ
ﻋﻠﻴﻴﻴﻴﻨﻪ ﺳﻴﺪﻱ ﻋﻠﻰ ﻋﻤﺮ ﻫﺬﺍ ﺍﻟﺤﺠﻲ ﺩﺣﻜﺖ ﺭﻭﺣﻚ ﻭﺍﻧﺖ ﺷﺎﻳﻠﻪ ﻭﺗﺮﻛﺾ ﺟﻨﻚ ﻭﺍﺣﺪ ﺷﺎﻳﻞ ﺍﺻﻐﺮ ﺟﻬﺎﻟﻮ
ﺍﺳﻜﺖ ﺍﺳﻜﺖ ﻻﺗﺠﻴﺐ ﺳﻴﺮﺗﻪ ﻭﺗﻀﻞ ﺗﺨﺒﻂ ﺍﻧﻌﺠﻢ ﺍﺣﺴﻦ
ﺑﺲ ﻭﺍﻟﻠﻪ ﺣﻜﻚ ﺍﻟﻠﻪ ﻳﺴﺘﺮ ﻋﻠﻴﻪ ﺣﻠﻮﻩ
ﻋﻤﻤﻤﻤﻤﻤﻤﻤﺮﺭﺭﺭﺭ
ﺧﻠﻠﻠﻠﺺ ﺑﻌﺪ ﺍﺧﻮﻙ ﻫﺬﺍ ﺍﻟﺠﻮﺍﺏ ﺍﺧﺬﺗﻮ ﺩﺍﻋﻴﻚ ﻳﻌﺮﻑ ﻳﺠﺮﺟﺮ ﻟﺴﺎﻧﻚ
ﺧﺰﺭﺗﻪ ﺿﺤﻚ ﺍﺑﻦ ﺍﻟﻄﺮﺍﻙ ﺟﺮ ﻟﺴﺎﻧﻲ ﻭﺩﻙ ﻋﻠﻰ ﻭﺗﺮ ﺍﻟﺤﺴﺎﺱ ﺑﻌﺪ ﻋﺮﻑ ﺷﺮﺍﺡ ﻳﻜﻀﺐ ﻟﺴﺎﻧﻮ ﺯﺕ ﻫﺪﻭﻣﻲ ﻋﻠﻴﻪ ﻭﻳﺪﻧﺪﻥ ﻭﻳﻪ ﺭﻭﺣﻮ ﻟﻜﻌﺪﻟﺞ ﻋﻠﻰ ﺍﻟﺪﺭﺏ ﻛﻌﻮﺩ ﺣﻠﻮﻩ ﻳﻢ ﻋﻴﻮﻥ ﺍﻟﺴﻮﺩ
ﻃﺮﻳﺖ ﺍﻟﻜﻮﺷﻪ ﺑﻮﺟﻬﻮ ﻳﺮﻛﺼﻠﻲ ﺑﺤﺎﺟﺒﻮ ﻋﻔﺘﻪ ﻭﻓﺘﺖ ﻧﻤﺖ ﻣﻮ ﻧﻌﺴﺎﻥ ﺑﺲ ﺗﻌﺒﺎﻥ ﻭﻣﻮ ﺗﻌﺐ ﺟﺴﺪ ﺗﻌﺐ ﺗﻔﻜﻴﺮ ﺑﻴﻪ ﻭﺑﺪﻭﻣﻌﻪ ﻭﺣﺰﻧﻪ ﺗﻠﻤﺲ ﺻﺪﺭﻱ ﻫﻴﻦ ﺭﺍﺳﻪ ﺟﺎﻥ ﺑﺴﺪ ﻛﻠﺒﻲ ﻣﻦ ﺷﻠﺘﻪ
ﺍﺩﺣﻚ ﻭﻫﺎﻱ ﺍﻳﺪﻱ ﺗﻠﻤﺴﺖ ﺷﻌﺮﻩ ﻣﻦ ﺿﻤﻴﺘﻮ ﺿﻠﻴﺖ ﺍﺗﻜﻠﺐ ﻟﻴﺤﺪ ﻣﺎﻧﻤﺖ ﻭﻣﻦ ﻳﻮﻣﻪ ﺍﺩﻳﺎﻥ ﺧﻴﻢ ﻋﻠﻴﻪ ﺍﻟﺤﺰﻥ ﻟﺒﺴﻪ ﻛﻠﻮ ﺍﺳﻮﺩ ﺭﻏﻢ ﺑﺸﺎﻋﻪ ﻫﺬﺍ ﺍﻟﻮﻥ ﺑﺲ ﻋﻠﻴﻪ ﻳﻄﺮ ﻛﻠﺒﻲ ﺍﻟﻒ ﻭﺻﻠﻪ ﺍﻻﺳﻮﺩ ﻭﻳﻪ ﺧﻤﺎﺭ ﻭﺟﻪ ﻭﻛﺜﺎﻓﻪ ﺭﻣﻮﺷﻪ ﺻﻔﺎﺀ ﻋﻴﻮﻧﻪ ﺍﻻﺑﻴﺾ ﺑﻴﺎﺽ ﻧﺎﺻﻊ ﻭﺍﻟﻌﺪﺳﻪ ﺍﻟﺠﺒﻴﺮﻩ ﺍﻟﺴﻮﺩﻩ ﺗﺼﻔﻨﻲ ﻭﺗﺨﻠﻴﻨﻲ ﻓﺎﺿﺢ ﺣﺎﻟﻲ
ﻧﻄﻮﺕ ﻭﻏﺎﺑﺖ ﺑﺘﺴﺎﻣﻪ ﺍﻟﻤﻤﻨﻮﻧﻴﻪ ﻭﺍﻟﻤﺠﺎﻣﻠﻪ ﻟﺸﻮﻓﻪ ﻛﺒﻞ ﻛﻞ ﺣﻤﻠﻪ ﺗﺮﻭﺡ ﺗﻮﺻﻞ ﻣﺴﺎﻋﺪﺍﺕ ﺍﻛﻮﻥ ﺣﺎﺿﺮ ﺑﻴﻪ ﺍﺭﻳﺪ ﺍﻟﻤﺤﻪ ﻣﺎﺗﻄﻠﻊ ﻗﻠﺖ ﻃﻠﻌﺎﺗﻪ ﻛﻠﻴﻞ ﺍﻟﻤﺤﻪ
ﺍﻟﺤﺠﻴﻪ ﺗﻜﻒ ﺑﺴﺮﻩ ﺗﺴﺘﻠﻢ ﺍﻟﺤﺼﻪ ﻭﻫﻴﻪ ﻣﺎﻛﻮ ﺟﻢ ﻣﺮﻩ ﺍﻛﻀﺐ ﺍﻳﻤﻬﻢ ﺍﻛﻌﺪﻩ ﻳﻤﻲ ﻛﻮﻥ ﺗﻄﻠﻊ ﺗﺴﺌﻞ ﻋﻨﻮ ﻛﻮﻥ ﺍﺷﻮﻓﻪ ﻛﻠﺒﻲ ﻧﺎﻁ ﻋﻠﻴﻬﺎ ﺣﺘﻰ ﻟﺴﺎﻧﻪ ﻭﺳﻼﻃﻮ ﺣﻨﻴﺖ ﺍﻟﻪ ﺑﻠﻴﻞ ﺍﺗﻤﺸﻰ ﻟﺨﻴﻤﺘﻬﻢ ﺍﺳﻤﻊ ﺻﻮﺕ ﻗﺮﺍﻧﻪ ﺑﺤﺰﻥ ﺍﺯﻳﺪ ﻣﻦ ﻛﺒﻞ ﺍﺧﺘﻨﻚ ﺣﻴﻞ ﻭﺍﻃﻠﻊ ﻣﻦ ﺍﻟﻤﺨﻴﻢ ﻛﻠﻮ ﺍﺭﺩ ﻟﻠﺸﻘﻪ ﺍﺿﻞ ﻻﻳﺐ ﺍﺣﺎﻭﻝ ﺍﺑﻌﺪ ﺭﻭﺣﻲ ﻣﻦ ﺍﻟﺸﺮﺏ ﻣﻦ ﺍﺷﻮﻑ ﻧﻔﺴﻲ ﺍﻛﺮﺏ ﻣﻨﻪ ﺍﻛﻮﻝ ﻫﻴﻪ ﻧﻘﻴﻪ ﻭﺍﻧﻲ ﺷﺎﻳﻞ ﻛﻮﻣﻪ ﺫﻧﻮﺏ ﺷﻮﻥ ﺍﺭﻳﺪﻩ ﺑﺲ ﻣﺎﻛﺪﺭ ﺍﻟﺸﺮﺏ ﻣﺮﺽ ﻳﺠﺮﻱ ﺑﺪﻱ ﺳﺒﻮﻉ ﻣﺤﺎﺭﺏ ﻭﻣﺤﺎﺭﺏ ﺣﺘﻰ ﻋﻤﺮ ﻣﺘﻔﺎﺟﻰ ﺗﺎﻟﻲ ﻃﻜﺖ ﺑﺮﺍﺳﻲ ﻭﺭﺣﺖ ﻧﺎﺳﻲ ﺭﻭﺣﻲ ﻭﺟﺎﻋﺪ ﺍﺷﺮﺏ ﺳﺮﺣﺎﻥ ﺑﻴﻪ ﻭﺑﻜﻞ ﺗﻔﺎﺻﻴﻠﻪ ﺍﻧﻪ ﻓﺎﺭﺱ ﺍﻟﻤﺎﺣﻄﻴﺖ ﺣﺮﻣﻪ ﺑﺮﺍﺳﻲ ﻓﺪ ﻳﻮﻡ ﻫﺴﺎﻉ ﺍﺗﻤﻨﻰ ﺍﻟﻨﻀﺮﻩ ﻣﻦ ﺍﺩﻳﺎﻥ ﻭﻣﻮ ﻃﺎﻳﻠﻪ
ﺳﺠﻰ ......... ﺧﺎﻟﻪ ﺭﺍﺡ ﺍﻧﺎﻡ ﺷﻮﻳﻪ ﻭﻛﻌﺪﻳﻨﻲ ﻻﺗﺨﻠﻴﻨﻲ ﻟﻠﻤﻐﺮﺏ
ﺍﻡ ﺣﺴﻦ ... ﻛﻴﻔﺞ ﻳﻤﻪ ﻧﺎﻣﻲ
ﺣﺎﻣﺪ ...... ﻧﺎﻣﺖ ﻋﻠﻴﺞ ﻃﺎﺑﻮﻛﻪ ﺣﺪﺭﻱ ﺍﻟﻌﺒﻲ ﻭﻳﺎﻱ ﺑﻠﻲ ﻋﻠﻴﺶ ﻧﺎﻳﻤﻪ
ﺩﻭﻟﻲ ﻟﻚ ﺍﻧﻲ ﺻﺎﻳﺮﻩ ﺑﻠﻲ ﺍﻟﻌﺐ ﻭﻳﻪ ﺭﻭﺣﻚ
ﻃﺎﺡ ﺣﻀﺞ ﻣﻮ ﺻﻮﺟﺞ
ﺧﻄﺎﺏ .... ﺍﻟﺴﻼﻡ ﻋﻠﻴﻜﻢ
ﺳﺠﻰ ..... ﺭﺩﻭ ﻭﺍﻧﻪ ﺻﻮﺗﻲ ﻣﺎﻃﻠﻊ ﺟﻤﺪﺕ ﺑﻤﻜﺎﻧﻲ ﺑﺲ ﻋﻴﻨﻲ ﺻﺪﺕ ﻋﻠﻴﻪ ﻭﺍﻛﻒ ﺭﺍﻓﻊ ﺍﻳﺪ ﻛﺎﺿﺐ ﺍﻟﺒﺎﺏ ﻭﺍﻟﺜﺎﻧﻴﻪ ﻣﺘﺨﻮﺻﺮ ﺑﻴﻪ ﺧﺎﻟﻪ ﻛﺎﻟﺘﻪ ﺍﻛﻌﺪ ﻳﻤﻪ ﺗﻨﻬﺪ ﻳﺒﺎﻭﻋﻠﻲ ﺑﻌﺘﺐ ﻭﻛﻌﺪ ﺣﺎﻣﺪ ﻣﺎﻳﺴﻜﺖ ﺻﺨﻤﻬﻪ ﻭﻋﺰﺍﻫﻪ
ﻫﻼ ﺍﺑﻦ ﻋﻤﺘﻲ ﺍﻟﻠﻪ ﺟﺎﺑﻚ ﺣﺪﺭﻱ ﺍﻟﻌﺐ ﻭﻳﺎﻱ ﻛﻴﻢ ﺣﺮﻣﺘﻚ ﺗﺘﻌﻴﻘﻞ ﻋﻠﻴﻪ ﺍﻟﺒﺎﺭﺣﻪ ﺑﻠﻴﻞ ﻏﺎﺳﻠﻪ ﺍﺭﺑﻊ ﻣﺮﺍﺕ ﻭﻫﺴﺎﻉ ﺗﺨﺎﻑ ﺗﻠﻌﺐ
ﻣﺎ ﺟﺎﻭﺑﻪ ﻧﺼﻰ ﻳﻤﺴﺢ ﻋﻠﻰ ﻟﺤﻴﺘﻪ ﺑﻬﺪﻭﺀ ﻳﺒﺎﻭﻋﻠﻲ ﺑﻄﺮﻑ ﻋﻴﻨﻪ ﻛﻌﺪﺕ ﺑﺼﻒ ﺧﺎﻟﻪ ﻣﻨﺼﻴﻪ ﺭﺍﺳﻲ ﻛﺎﻟﺖ
ﻛﻮﻣﻲ ﺧﺎﻟﻪ ﻫﻴﺮﻱ ﻟﻜﻤﻪ ﻟﺨﻄﺎﺏ
ﺗﻌﻴﺸﻴﻦ ﺧﺎﻟﻪ ﻣﻮ ﻣﺸﺘﻬﻲ ﻣﺎﻛﻞ ﻭﺍﻟﻠﻪ
ﻭﻳﻦ ﺍﻛﻠﺖ ﺷﺒﻴﻚ ﻻﺗﺴﺘﺤﻲ ﻫﺬﺍ ﻫﻢ ﺑﻴﺘﻜﻢ ﺗﺮﻩ
ﻋﺎﻣﺮ ﺍﻥ ﺷﺎﻟﻠﻪ ﺑﺎﻫﻠﻪ ﺑﺎﻟﻠﻪ ﻣﻮ ﻣﺴﺘﺤﻲ ﺑﺲ ﻣﻮ ﺟﻮﻋﺎﻥ
ﻋﺠﻞ ﺗﺴﻮﻱ ﺟﺎﻱ
ﺍﻱ ﺟﺎﻱ ﻣﺎﻳﺨﺎﻟﻒ
ﻭﻛﻔﺖ ﻭﻋﻴﻨﻪ ﻭﺭﺍﻱ ﻓﺘﺖ ﺍﻟﻤﻄﺒﺦ ﺳﻮﻳﺖ ﺍﻟﺠﺎﻱ ﺩﺍﺧﻠﻲ ﺧﺎﻳﻒ ﻭﺍﻟﻠﻪ ﺍﻟﺴﻮﻳﺘﻪ ﺻﺤﻴﺢ ﺩﺭﺍﺳﺘﻲ ﻫﻴﻪ ﻛﻠﺸﻲ ﺑﺤﻴﺎﺗﻲ ﻭﺣﻠﻤﻲ ﺍﻟﺨﻠﺼﺖ ﻋﻤﺮﻱ ﺍﺣﻠﻢ ﺑﻲ ﻭﻫﻮﻩ ﻧﻄﻪ ﻛﻠﻤﻪ ﺟﺪﺍﻡ ﺍﻟﻜﻞ ﻛﺎﻝ ﺗﻜﻤﻞ ﻋﻠﻴﺶ ﺗﺮﺍﺟﻊ ﺍﻧﻪ ﺷﺬﻧﺒﻲ
ﺍﺣﺎﺟﻲ ﺭﻭﺣﻲ ﺧﺎﻳﻔﻪ ﻣﺎﺩﺭﻱ ﻟﻴﺶ ﺷﻮﻓﺘﻪ ﺗﻜﻠﺐ ﺣﺎﻟﻲ ﻫﻮﻩ ﻻﻣﺎﺩ ﺍﻳﺪﻩ ﻋﻠﻴﻪ ﻓﺪ ﻳﻮﻡ ﻭﻻ ﻣﺘﺠﺎﻭﺯ ﺣﺪﻩ ﻭﺣﺘﻰ ﻟﻮﻳﻤﺪ ﺍﻳﺪﻩ ﻣﻴﻮﺻﻞ ﺍﻟﺨﻮﻑ ﻟﺮﺑﻊ ﺍﻟﻮﺍﺻﻠﻮ ﻫﺴﺎﻉ
ﺣﻀﺮﺕ ﻛﻮﺍﺑﻪ ﻭﺩﺭﺕ ﺍﻟﺸﻜﺮ ﺍﻓﺘﺮ ﺍﻛﺮﺽ ﺑﺸﻔﺘﻲ ﺻﺎﺭﺕ ﺧﻄﻮﺍﺗﻪ ﻭﺭﺍﻳﻪ ﻧﺼﻴﺖ ﺭﺍﺳﻲ ﺩﺍﺷﻮﻑ ﺣﺬﺍﺀ ﻛﺒﺎﻟﻲ ﺑﺤﺪﻩ ﻛﺎﻝ ﺣﺪﺭﻱ ﺍﺣﺎﺟﻴﺞ ﻣﺸﻴﺖ ﻣﺪﻧﻜﻪ ﻛﺸﺖ ﺍﻟﻨﺎﺭ ﻧﺰﻳﺖ ﻟﺘﻔﺘﺖ ﺍﻟﻘﻮﺭﻱ ﻓﺎﺭ ﻭﺍﻟﺠﺎﻱ ﻃﻠﻊ ﻣﻨﻮ ﺭﺟﻌﺖ ﻃﻔﻴﺘﻪ ﺯﻳﻦ ﻣﺎﻧﺴﻴﺘﻪ ﻭﻃﻠﻌﺖ ﺷﺒﺒﻪ ﺷﻔﺖ ﺧﻄﺎﺏ ﻟﻮ ﺷﺒﺢ
ﺭﺟﻌﺖ ﺍﺩﺣﻚ ﻭﻳﻦ ﺭﺍﺡ ﺍﻟﺼﺎﻟﻪ ﺑﻴﻪ ﺧﺎﻟﻪ ﻭﺣﺎﻣﺪ ﻛﺎﻋﺪ ﻋﻠﻰ ﺑﻠﻲ ﻧﺪﺭﺕ ﺑﺎﺏ ﺍﻟﻬﻮﻝ ﻣﻔﺘﻮﺡ ﻭﻫﻮﻩ ﻭﺍﻛﻒ ﻳﻢ ﺍﻟﺸﺒﺎﺝ ﺍﻳﺪﻩ ﺑﺠﻴﻮﺏ ﺍﻟﺒﻨﻄﻠﻮﻥ ﻣﺪﻧﻚ ﻓﺘﺖ ﻭﻛﻔﺖ ﻧﺪﺍﺭ ﻧﺺ ﺟﺴﻤﻪ ﻧﺘﺮ
ﺭﺩﻱ ﺍﻟﺒﺎﺏ
ﺑﺪﻭﻥ ﻛﻼﻡ ﺭﺩﻳﺘﻪ ﻭﺍﺟﻪ ﻛﻌﺪ ﻋﻠﻰ ﻗﻨﻔﺎﺕ ﺍﺷﺮﻟﻲ ﺍﻛﻌﺪﻱ ﻛﻌﺪﺕ ﺑﻴﻨﻪ ﻣﺴﺎﻓﻪ ﺍﻟﺴﻮﻳﺞ ﺑﻴﺪﻩ ﻛﺎﺿﺒﻪ ﺍﻟﻤﻔﺘﺎﺡ ﺑﺪﻳﻪ ﺛﻨﻴﻦ ﻣﻦ ﺍﻭﻟﻪ ﻭﺍﺧﻴﺮﻩ ﺑﺼﺎﺑﻌﻪ ﻳﻜﺸﻂ ﺑﻲ ﺣﺮﻛﺘﻪ ﻭﺗﺮﺗﻨﻲ ﺑﻬﺪﻭﺀ ﻛﺎﻝ
ﻋﻠﻴﺶ ﻛﺴﺮﺗﻲ ﻛﻼﻣﻲ ﺍﻧﻪ ﺷﻜﺘﻠﺞ
ﺑﻠﻬﻔﻪ ﺭﺩﻳﺖ ...... ﻭﺍﻟﻠﻪ ﻣﺎﻛﺴﺮﺗﻪ ﺑﺲ ﺩﺭﺍﺳﺘﻲ ﻣﺎﻛﺪﺭ ﺍﻋﻮﻓﻪ ﺷﻜﺜﺮ ﻛﺘﻠﻚ
ﻭﺍﻧﻪ ﺷﻨﻮ ﻛﺒﺎﻟﻚ ﻣﻜﺮﻥ ﻣﺎﻟﻲ ﺟﻠﻤﻪ ﻋﻠﻴﺞ
ﺳﻜﺘﺖ ﻓﺮ ﺭﺃﺳﻪ ﻣﺨﻨﺰ ..... ﺷﻜﺪ ﺻﻠﻔﻪ
ﺧﻨﻜﺘﻨﻲ ﺍﻟﻌﺒﺮﻩ
ﺻﻠﻔﻪ ﻭﻛﻞ ﺣﺘﺮﺍﻡ ﺍﻟﻲ ﻣﺎﻋﻨﺪﺝ ﺍﺑﺴﻂ ﺷﻲ ﻫﺴﺎﻉ ﻣﺤﺸﻮﻡ ﻣﺎﻛﻠﺘﻲ
ﺳﻜﺘﺖ ﻧﺘﺮ .... ﺧﺮﺳﻪ ﺍﻧﺘﻲ ﻟﻮ ﺷﻨﻮ
ﺑﺮﻃﻤﺖ ...... ﺧﻄﺎﺏ ﺷﺒﻴﻚ
ﺑﻴﻪ ﻭﺟﻊ ﻟﻴﻮﺟﻌﺞ ﺗﺴﻮﻳﻨﻲ ﻃﺮﻃﻮﺭ ﺟﺪﺍﻡ ﺍﻟﻜﻞ ﺍﺧﺎﺑﺮ ﺍﻛﻠﻬﻢ ﺳﺠﻰ ﻭﻳﻦ ﻳﺼﻔﻨﻮﻥ ﺑﻮﺟﻬﻲ ﺑﻠﻜﺎﻣﺮﻩ ﺍﻣﻲ ﺗﻜﻠﻲ ﺍﻛﻮ ﻭﺍﺣﺪ ﻣﺎﻳﺪﺭﻱ ﺑﺤﺮﻣﺘﻮ
ﺍﻧﺖ ﻛﺘﻠﻲ ﻟﺪﺍﻭﻣﻴﻦ ﻛﺘﻠﻚ ﺩﺭﺍﺳﺘﻲ ﻣﺎﻋﻮﻓﻪ ﻃﻠﻌﺖ ﻭﻋﻔﺘﻨﻲ ﻛﺒﻞ ﻣﺎﻧﺘﻨﺎﻗﺶ
ﻭﻋﻠﻴﺶ ﻧﺘﻨﺎﻗﺶ ﺣﺠﻴﺘﻠﺞ ﻛﻠﻤﻪ ﻭﺗﻨﻬﺖ ﻧﻀﻞ ﻧﻌﻴﺪ ﻭﻧﺰﻗﻞ ﺑﻴﻬﺎ ؟
ﺍﻱ ﻳﺎﻋﻴﻨﻲ ﻏﻴﺮ ﺗﻔﻬﻤﻨﻲ ﺍﻧﺖ ﻣﻮ ﻗﺒﻠﺖ ﻛﺒﻞ ﺷﻐﻴﺮﻙ
ﻳﺎﺑﻪ ﻣﺎﺗﻐﻴﺮﺕ ﺑﺲ ﺍﻟﻮﺿﻊ ﺗﻐﻴﺮ ﺷﻨﻮ ﻛﻌﺪﺗﺞ ﻫﻴﻦ ﻋﺎﻳﻔﻪ ﺍﻫﻠﺞ ﻋﻠﻤﻮﺩ ﺍﻟﺪﺭﺍﺳﻪ
ﻭﺍﻧﺖ ﻣﻮ ﻋﺎﻳﻒ ﺍﻫﻠﻚ ﺣﺘﻰ ﺗﺪﺭﺱ ﻳﻌﻨﻲ ﺍﻧﺖ ﺣﻼﻝ ﻭﺍﻧﻪ ﺣﺮﺍﻡ
ﻭﺗﻘﺎﺭﻧﻴﻦ ﺭﻭﺣﺞ ﺑﻴﻪ ﺍﻧﻪ ﺭﺟﺎﻝ ﺍﺩﺭﺱ ﻭﺍﺷﺘﻐﻞ ﻫﻴﻦ ﺍﻧﺘﻲ ﺣﺮﻣﻪ ﻛﻌﺪﺗﺞ ﻭﺳﻂ ﻭﻟﺪ ﺧﺎﻟﻲ ﺗﺨﻠﻲ ﺍﻟﺸﻴﺎﻃﻴﻦ ﺗﻜﻤﺰ ﻓﻮﻙ ﺭﺍﺳﻲ ﻫﺴﺎﻉ ﺟﻴﺖ ﺍﺣﻂ ﺣﺎﻣﺪ ﻭﺩﻭﺱ ﺑﻄﻨﻮ ﻣﻜﺎﺑﻠﺘﻮ ﺗﻠﻌﺒﻴﻦ ﻭﻳﻪ ﺷﻨﻮ
ﺗﺮﻩ ﺣﺎﻣﺪ ﺍﺯﻏﺮ ﻣﻨﻲ ﻭﻛﻠﻨﻪ ﻧﻌﺮﻓﻪ ﻳﺸﺎﻗﻪ ﻭﻳﻀﺤﻚ ﻭﻳﺪﺍﻫﺮ ﻟﻴﺶ ﻭﻳﻪ ﺍﻟﻜﻞ ﻋﺎﺩﻱ ﻭﻳﺎﻱ ﻣﺎﺗﻘﺒﻞ
ﻟﺞ ﺑﻨﺖ ﺍﻟﻨﻌﺎﻝ ﻏﻴﺮ ﺍﺣﺒﺞ ﻭﺍﻏﺎﺭ ﻋﻠﻴﺞ
ﺑﺮﻃﻤﺖ ..... ﻋﻠﻴﺶ ﺗﻐﻠﻂ
ﻋﺠﻞ ﻻ ﺗﻠﻮﺻﻴﻦ
ﻫﺎﻱ ﻓﻮﻛﺎﻫﻪ ﺍﻱ ﺗﺤﺒﻨﻲ ﺻﺪﻛﺘﻚ ﺍﺷﻮﻓﻚ ﺑﺎﻭﻋﺖ ﺑﻮﺟﻬﻲ ﻣﻦ ﻋﻘﺪﻧﻪ ﻟﻠﻴﻮﻡ
ﻭﺍﻧﺘﻲ ﺍﺩﻣﻴﻪ ﺍﺟﻲ ﺑﻠﻴﻞ ﻭﺭﻩ ﺍﻟﺨﻄﺒﻪ ﻣﺎ
ﺗﻄﻠﻌﻴﻦ ﻋﻠﻴﻪ ﻋﺒﺎﻟﺞ ﺗﻌﺒﺮ ﻋﻠﻴﻪ ﺳﺎﻟﻔﻪ ﻧﺎﻳﻤﻪ ﺷﺎﻳﻔﺘﻨﻲ ﺟﺪﺍﻣﺞ ﻃﺮﻥ
ﻭﺍﻧﺖ ﺗﺴﺘﻨﻜﻒ ﺗﻔﻮﺕ ﺗﻜﻌﺪ ﻳﻤﻲ ﻭﺭﻩ ﺍﻟﺨﻄﺒﻪ ﺗﻠﺒﺴﻨﻲ ﺍﻟﺤﻠﻘﻪ ﺣﺘﻰ ﻭﺟﻬﻚ ﻣﺎﺷﻔﺘﻮ
ﻳﻮﻟﻲ ﺍﻟﺒﻴﺖ ﻳﻐﺺ ﻭﻳﺒﻠﻊ ﺍﻟﻮﻟﺪ ﻛﻠﻬﻢ ﻣﻮﺟﻮﺩﻳﻦ ﻭﺍﻧﺘﻲ ﺣﺎﻟﻪ ﺍﻟﺸﻌﺮ ﻭﻫﺪﻭﻣﺞ ﻻﻃﺸﻪ ﺗﻠﻤﻊ ﺍﺟﻲ ﺍﻛﻌﺪ ﺑﺼﻔﺞ ﻳﻀﻠﻮﻥ ﻳﺪﺣﻜﻮﻥ ﺑﻴﻨﻪ ﻭﻧﺎﺱ ﺗﺼﻮﺭ ﻭﻧﺎﺱ ﺗﺪﺣﻚ ﺧﻮ ﺍﺷﺪ ﺍﻛﺮﻭﻥ ﺍﺣﺴﻦ ﺗﺎﺗﺤﻠﻰ ﺍﻟﺤﻔﻠﻪ
ﻟﻴﺶ ﻋﻘﻠﻚ ﻣﻮ ﻧﻀﻴﻒ ﺗﺮﻩ ﻋﺸﻨﻪ ﻋﻤﺮ ﻭﺍﺣﻨﺎ ﺍﻫﻞ
ﺍﻧﺠﺒﻲ ﺍﻧﻪ ﺷﻜﺎﻳﻞ ﺧﺒﻞ ﻭﻫﻴﺞ ﺗﻔﻜﺮﻱ ﻧﺠﻌﻤﻲ ﻭﺗﺤﻤﻠﻲ
ﺳﻜﺘﺖ ﺗﻜﺮﺏ ﺣﻴﻞ ﻭﺍﻧﻪ ﺍﺭﺟﻊ ﻟﻴﻮﺭﻩ ﺧﻠﻪ ﺍﻳﺪﻩ ﻓﻮﻙ ﺍﻟﻘﻨﻔﻪ ﻭﻛﻌﺪ ﻧﺺ ﺭﺟﻞ ﻭﺍﻟﺜﺎﻧﻴﻪ ﻣﻨﺰﻟﻪ ﻳﺒﺎﻭﻋﻠﻲ ﺭﺍﻓﻊ ﺣﺎﺟﺒﻪ
ﺑﻌﺪ ﺑﻌﺪ ﻧﺤﺸﻜﻲ ﺑﻠﻘﻨﻔﻪ ﻓﻮﺗﻲ ﺑﻴﻬﺎ ﻫﻴﻨﻮﺏ
ﻧﺼﻴﺖ ﻛﻠﺒﻲ ﻳﻄﺐ ﺍﻟﺤﺮﺍﺭﻩ ﺻﻌﺪ ﻣﺪﺭﻱ ﺷﻜﺜﺮ ﻣﻴﻞ ﺭﺃﺳﻪ ﻭﺭﻩ ﺭﻛﺒﺘﻲ ﻟﺤﻴﺘﻪ ﻻﻣﺴﺖ ﻃﺮﻑ ﺟﺘﻔﻲ ﻣﻦ ﻳﻢ ﺍﺫﻧﻲ ﺟﺴﻤﻲ ﻗﺸﻌﺮ ﺗﻨﻔﺲ ﻏﻤﻀﺖ ﻧﺤﺒﺲ ﺍﻟﻨﻔﺲ ﻳﺸﺘﻢ ﻭﻳﺴﺤﺐ ﻧﻔﺲ ﺍﺻﺎﺑﻌﻲ ﺗﻜﺴﺮﻭ ﻛﺪ ﻣﻀﺎﻏﻄﻪ ﻋﻠﻰ ﺭﻭﺣﻲ ﺍﺟﻌﺺ ﺑﻴﻬﻢ ﺑﺘﻌﺪ ﻳﺒﺎﻭﻉ ﺑﻌﻴﻨﻲ ﻛﺎﻝ ﻫﻤﺲ ﺻﻮﺗﻪ ﺭﺍﻳﺢ ﺑﻲ ﺷﺤﻄﻪ
ﺷﺸﺸﺒﻴﺞ
ﻋﻴﻮﻧﻲ ﻏﺮﻏﺮﻥ ﺣﺴﺎﺱ ﻭﻻﻣﺮﻩ ﺣﺎﺳﺘﻪ ﻧﺼﻰ ﺭﺃﺳﻪ ﺗﻨﻬﺪ ﻳﺪﺣﻚ ﺍﻷﻳﺪﻱ ﻧﺘﺒﻬﺖ ﻓﻜﻴﺘﻬﻢ ﺣﻤﺮ ﻋﺮﻛﺎﻧﺎﺕ ﺑﺘﺴﻢ ﺑﺨﻔﻪ ﻓﺸﻠﺖ ﺧﺮﺏ ﺣﻀﻲ ﺷﻮﻑ ﺍﻟﺮﻋﺐ ﻭﺍﺿﺢ ﻋﻠﻴﻪ ﺷﺎﻝ ﻭﺣﺪﻩ ﻣﻨﻬﻢ ﻓﻜﻴﺖ ﻋﻴﻨﻲ ﺣﻴﻞ ﺿﻴﻚ ﻋﻴﻨﻪ ﺑﺸﻚ ﻛﻠﻲ
ﻭﻳﻦ ﺣﻠﻘﺘﺞ
ﻫﺎﺍﺍ ﺍﺍﺍ ﻣﻮﺟﻮﺩﻩ
ﻋﺠﻞ ﻣﺎﻻﺑﺴﺘﻪ ﺷﻌﺠﺐ
ﺍﻣﺒﻼ ﻻﺑﺴﺘﻪ ﺑﺲ ﻏﺴﻠﺖ ﻭﻧﺰﻋﺘﻪ
ﻭﻛﻒ ﺭﻓﻊ ﺑﻨﻄﺮﻭﻧﻪ ﻭﺟﺮ ﻋﻠﻴﻪ ﺍﻟﺘﺸﺮﻳﺖ ﻭﻛﻔﺖ ﺍﻧﻲ ﻫﻢ ﺣﻚ ﺣﺎﺟﺒﻪ ﻭﻓﺮﻙ ﻛﺼﺘﻪ ﻋﻴﻨﻪ ﺑﻌﻴﻨﻲ ﺩﺭﺕ ﻭﺟﻬﻲ ﻧﻀﺮﺍﺗﻪ ﺗﺤﺴﺴﻨﻲ ﻣﺴﻮﻳﻪ ﺟﺮﻳﻤﻪ ﺍﺟﻪ ﺻﺎﺭ ﻛﺒﺎﻟﻲ
ﺷﺒﻴﻚ
ﺍﻣﺸﻲ ﻭﻳﺎﻱ ﻟﺸﻘﻪ ﺧﺎﻟﻲ ﻓﺎﺭﺱ
ﺷﺸﻨﻮﻭ
ﺷﺒﻴﺞ ﺷﻜﺘﻠﺞ
ﺷﺴﻮﻱ
ﻫﺪﻭﻣﻲ ﻭﺻﺨﻪ ﺣﺘﻰ ﺗﻐﺴﻠﻴﻬﻢ
ﻣﺎﺭﻭﺡ ﺟﻴﺒﻬﻢ ﻫﻨﺎ
ﺷﺒﻴﺞ ﻟﺞ ﺭﺍﺡ ﺍﻛﻠﺞ ﻗﺎﺑﻞ
ﺍﻧﻪ ﻛﻠﺖ ﻫﻴﺞ ؟
ﻋﺠﻞ ﻧﺠﺒﻲ ﻭﺍﻣﺸﻲ
ﻣﺎ
ﺭﺍﺡ ﺍﻧﻌﻞ ﻭﺍﻟﺪﻳﺞ
ﺑﺮﻃﻤﺖ ﻻ ﺗﻐﻠﻂ .... ﺗﻜﺮﺏ ﻭﺍﻧﻪ ﺍﺭﺟﻊ ﻟﻄﺸﺖ ﺑﻠﺤﺎﻳﻂ ﻟﻄﺶ ﻋﻠﻰ ﺟﺴﻤﻲ ﺍﻳﺪﻩ ﺧﻄﺮﻱ ...
ﻋﺠﻞ ﺍﻣﺸﻲ ﻭﺍﻧﺘﻲ ﺳﺎﻛﺘﻪ ﺩﺍﻗﺎﻳﻖ ﺗﻬﻴﺮﻱ ﺗﺎﻫﻨﺎﻙ ﻧﺘﻔﺎﻫﻢ ﻋﻠﻰ ﺍﻟﺪﺭﺍﺳﻪ
ﺑﺴﻤﺖ ﻳﻌﻨﻲ ﺍﻛﻮ ﺍﻣﻞ ﻭﺣﺘﻰ ﻫﻢ ﺍﻗﻨﻌﻮ ﺷﺎﻑ ﺑﺘﺴﺎﻣﺘﻲ ﺭﺧﺖ ﻣﻼﻣﺤﻮ ﺑﺘﻌﺪ ﺻﺪﺭﻭ ﺭﺗﻔﻊ ﻭﻧﺨﻔﺾ ﺟﺮ ﺣﺴﺮﻩ ﻭﻃﻠﻊ
ﺍﺩﻳﺎﻥ ...... ﻣﺎﺕ ﺑﺎﺑﺎ ﻭﻃﻠﻌﺖ ﺍﻟﺪﻧﻴﻪ ﻣﻦ ﻋﻴﻨﻲ ﺗﺨﺮﺑﻂ ﺑﻴﺪﻱ ﻭﺍﻧﻲ ﻻﺣﻮﻝ ﻭﻻ ﻗﻮﻩ ﻛﻠﺒﺘﻪ ﺍﺑﻮﺱ ﺑﻲ ﺍﻛﺐ ﻋﻠﻴﻪ ﻣﻲ ﺍﻣﺴﺢ ﺑﻮﺟﻪ ﺍﺗﻠﻤﺲ ﺑﻲ ﺍﻓﺮﻙ ﺻﺪﺭﻩ ﺍﺩﻳﺎﺗﻪ ﺭﺟﻠﻴﻪ ﺍﻫﺰ ﺑﻲ ﻣﺎﻛﻮ ﻻﺣﺲ ﻭﻻ ﻧﻔﺲ ﺧﺸﺒﻪ ﺻﺎﺭ ﻭﺑﻠﺤﻀﺘﻪ ﺛﻠﺞ ﻋﺮﻓﺘﻪ ﻣﺎﺕ ﺑﺤﻀﻨﻲ ﺑﺲ ﺍﻏﺎﻟﻂ ﺭﻭﺣﻲ ﺍﺭﻳﺪ ﺍﺍﺍﺣﻴﻲ ﺍﺭﻳﺪ ﺍﺭﺩ ﺍﻟﺮﻭﺡ ﺑﻲ
ﺭﺣﺖ ﺍﺭﻛﺾ ﻣﺜﻞ ﺍﻟﺨﺒﻠﻪ ﺍﻓﺰﻉ ﺍﻫﻞ ﺍﻟﻤﺨﻴﻢ ﻣﺤﺪ ﻳﻌﺮﻑ ﺷﺒﻲ ﺍﺩﻙ ﺑﺎﺏ ﺍﻟﻜﺮﻓﺎﻥ ﻣﺤﺪ ﻳﻄﻠﻊ ﺭﻛﻀﺖ ﺧﺎﺑﺮﺕ ﻓﺎﺭﺱ ﺑﺪﻭﻥ ﻋﻘﻞ ﺗﺎﺧﺮ ﻓﺮﻓﺤﺖ ﺭﻭﺣﻲ ﻭﻣﺎﻳﺴﺖ ﻳﻐﻄﻮﻥ ﻭﺟﻬﻪ ﻭﺍﻛﺸﻔﻪ ﺍﺟﻪ ﻟﺤﺎﺭﺱ ﺗﻮﺳﻠﺖ ﺑﻲ ﻳﺴﻮﻟﻲ ﺣﻞ ﺧﻄﻴﻪ ﺧﺎﺑﺮ ﻭﻋﺸﺮ ﺩﻗﺎﻳﻖ ﺟﺘﻲ ﺍﺳﻌﺎﻑ ﺷﺎﻟﺘﻪ ﻭﺭﺣﻨﻪ ﻟﻠﻤﺴﺘﺸﻔﻰ ﻣﻦ ﺑﺎﺏ ﺍﻟﻄﻮﺭﻯ ﻧﻀﺮﻩ ﻭﺣﺪﻩ ﻣﻦ ﺍﻟﺪﻛﺘﻮﺭ ﻏﻄﻪ ﻭﺟﻬﻪ ﻛﺎﻝ ﺍﻟﺒﻘﺎﺀ ﻟﻠﻪ
ﺗﻬﺴﺘﺮﺕ ﻣﻠﺨﺖ ﺭﻭﺣﻲ ﺯﻟﻐﺖ ﺧﺪﻭﺩﻱ ﻓﺼﻠﺖ ﻭﻛﻌﺖ ﻣﻐﻤﻰ ﻋﻠﻴﻪ ﺑﻌﺪ ﻣﺎﺩﺭﻳﺖ ﺑﺪﻧﻴﻪ ﻭﻳﻦ ﻣﺎﻛﻌﺪﺕ ﻏﻴﺮ ﻟﻮﻳﻦ ﺑﺲ ﺍﻧﻲ ﻭﻓﺎﺭﺱ ﺑﻠﻐﺮﻓﻪ ﻣﺎﺟﻨﺖ ﻣﺘﺨﻴﻠﻪ ﺑﺎﺑﺎ ﺭﺍﺡ ﻭﻻ ﻣﺠﺮﺩ ﺗﻔﻜﻴﺮ ﺍﻛﺪﺭ ﺍﻓﻜﺮ ﺑﻤﻮﺗﻪ ﻛﺒﺎﻝ ﻋﻴﻨﻲ ﻃﻠﻌﻮ ﻣﻦ ﺍﻟﺜﻼﺟﻪ ﻟﻠﻤﻐﺘﺴﻞ ﻭﻟﺘﺎﺑﻮﺕ ﻭﺍﻧﻲ ﻣﺎﻣﺘﺨﻴﻠﻪ ﺑﻌﺪ ﻣﺎﺷﻮﻓﻪ
ﻧﺘﺮﺳﺖ ﺣﺰﻥ ﻋﻠﻴﻪ ﻭﻧﻄﻮﻳﺖ ﻣﺎﺻﺎﺭ ﺷﻲ ﺑﻌﻴﻨﻲ ﻣﻦ ﺑﻌﺪﻩ ﻫﻤﻠﺖ ﺍﻳﻬﻢ ﻭﻃﻮﻝ ﺍﻟﻮﻛﺖ ﻣﻠﻔﻠﻔﻪ ﻭﻧﺎﻳﻤﻪ ﻭﺍﺫﺍ ﺭﺩﺕ ﺍﻛﻌﺪ ﺍﺻﻔﻦ ﻋﻠﻰ ﻣﻜﺎﻧﻪ ﺷﻤﺎﻏﻪ ﻭﻋﺮﺑﺎﻧﺘﻪ ﻛﺒﺎﻟﻲ ﻭﻋﻼﻛﻪ ﺍﻟﺪﻭﻩ ﻣﺎﺫﺑﻴﺘﻪ ﻣﺨﺪﺗﻪ ﺭﺍﺳﻲ ﻣﻴﻨﺎﻡ ﺍﻟﻪ ﻋﻠﻴﻪ ﻣﻠﻴﺎﻧﻪ ﺑﺮﻳﺤﺘﻪ ﻭﻋﻘﻠﻲ ﻣﺤﺼﻮﺭ ﺑﺬﻛﺮﻳﺎﺗﻲ ﺑﻲ
ﺣﻨﺎﻧﻪ
ﺗﻌﺒﻪ
ﻃﻴﺒﻪ ﻛﻠﺒﻪ
ﻛﻠﺸﻲ ﻛﻠﺸﻲ ﻳﻌﻴﺸﻨﻲ ﺑﻌﺎﻟﻢ ﺑﻌﺪﻩ ﺑﺎﺑﺎ ﻋﺎﻳﺶ ﺑﻲ
ﻓﺎﺭﺱ ﺍﻟﻠﻪ ﻳﻮﻓﻘﻪ ﺗﻜﻔﻞ ﺑﻜﻠﺸﻲ ﺍﻟﺪﻓﻨﻪ ﻭﺷﻬﺎﺩﻩ ﺍﻟﻮﻓﺎﻩ ﺍﻣﻲ ﺗﺴﻮﻟﻒ ﺩﻛﻮﻝ ﺭﻛﻀﻮ ﻫﻮﻩ ﻭﻋﻤﺮ ﺭﻛﺾ ﺍﻻﻟﻨﻪ ﻣﺎﻳﺮﻛﻀﻮ ﺑﺼﻼﻩ ﻫﻮﺍﻱ ﺩﻋﻴﺘﻠﻪ ﻭﺣﻤﺪﺕ ﺍﻟﻠﻪ ﻣﻦ ﺳﺨﺮﻫﻢ ﻋﻠﻴﻨﻪ ﺟﺎﻥ ﻣﻨﻮ ﺩﻓﻦ ﺑﺎﺑﺎ ﻭﻳﻦ ﻧﻄﻴﻨﻪ ﻭﺟﻬﻨﻪ ﺑﺬﺍﻙ ﺍﻟﻴﻮﻡ
ﺍﻟﻤﺨﻴﻢ ﻛﻠﻪ ﻣﺤﺪ ﻋﺎﻓﻨﻪ ﻛﻞ ﺷﻮﻳﻪ ﻓﺎﻳﺘﻴﻦ ﻋﻠﻴﻨﻪ ﻳﻮﺍﺳﻮﻥ ﺑﻴﻨﻪ ﺍﻣﻲ ﻧﻜﺴﺮﺕ ﻭﻛﺒﺮﺕ ﻋﺒﺎﻟﻚ ﻣﺪﺭﻱ ﺷﻜﺪ ﻭﻋﺬﺭﺍﺀ ﻃﻔﺖ ﻭﺭﻭﺣﻪ ﺍﻟﺤﻠﻮﻩ ﻧﻄﻮﺕ ﻳﻮﻡ ﺑﻌﺪ ﻳﻮﻡ ﻋﺮﻓﺖ ﺍﻟﺤﺰﻳﻦ ﻻﻳﻘﺪﻡ ﻭﻻ ﻳﺎﺧﺮ ﺟﻤﺮﻩ ﻭﻣﺸﺘﻌﻠﻪ ﻭﺳﻂ ﺍﻟﻜﻠﺐ ﻟﻮ ﺍﻟﻠﻪ ﻳﻄﻔﻴﻬﺎ ﻟﻮ ﻣﺘﻄﻔﻪ ﺍﺑﺪ
ﻟﺠﺌﺖ ﺍﻟﺮﺏ ﺍﻟﻌﺎﻟﻤﻴﻦ ﺍﻟﻴﻞ ﻛﻠﻪ ﺍﺻﻠﻲ ﻭﺍﻗﺮﻩ ﻗﺮﺍﻥ ﻧﻮﺑﺎﺕ ﺍﺧﺘﻨﻚ ﻭﺍﺑﺠﻲ ﺍﻭﺻﻞ ﺍﻻﻳﻪ ﻛﻨﻤﺎ ﺭﺑﻨﺎ ﻳﺤﺎﺟﻴﻨﻪ ﺑﻴﻬﺎ ﺍﺗﻮﻗﻒ ﻭﺍﺧﺘﻨﻚ ﺑﻠﺒﺠﻲ ﺍﺳﺪ ﺍﻟﻤﺼﺤﻒ ﻭﺍﻛﻒ ﻗﺮﻳﺐ ﻋﻠﻰ ﻓﺘﺤﻪ ﺍﻟﺨﻴﻤﻪ ﺍﺭﻳﺪ ﻫﻮﺍ ﻳﻔﻮﺕ ﺭﻳﺘﻲ ﻫﻮﺍ ﻳﺒﺮﺩ ﻛﻠﺒﻲ
ﻫﻨﺎﻙ ﻭﺍﻟﻤﺢ ﺧﻴﺎﻝ ﺍﺑﺎﻭﻉ ﻣﻦ ﺍﻟﺰﺭﻑ ﻓﺎﺭﺱ ﺍﻭﻭﻭﻭﻑ ﻫﺬﺍ ﻫﻢ ﺛﺎﻧﻲ ﺧﺒﻠﻨﻲ ﻣﺪﺭﻱ ﺷﺒﻲ ﻫﻞ ﺃﻳﺎﻡ ﻣﺎﻓﺘﻬﻢ ﻋﻠﻴﻪ ﻳﺒﺎﺕ ﻫﻨﺎ ﻣﺪﺭﻱ ﻳﺠﻲ ﺑﻠﻴﻞ ﺯﻳﻦ ﺷﻌﻨﺪﻩ ﻻﻃﺶ ﻳﻢ ﺧﻴﻤﺘﻨﻪ ﻭﺍﻟﻠﻪ ﻛﻠﺒﻲ ﻳﻮﺟﻌﻨﻲ ﻭﻫﺎﻱ ﺍﻟﻨﻐﺰﺍﺕ ﻟﺘﺼﻴﺮ ﺑﻲ ﻣﻦ ﺗﺸﻮﻓﻪ ﺗﺴﻜﺘﻨﻲ ﺩﻛﻠﻲ ﺍﻧﺘﻲ ﺑﻴﺎ ﺣﺎﻝ ﺑﺲ ﺍﻟﺮﺟﻔﻪ ﻭﺍﻻﺣﺴﺎﺱ ﺍﻟﻤﺨﺮﺑﻂ ﻫﻮﻩ ﻫﻮﻩ ﺍﺫﺍ ﻣﻮ ﺯﺍﺩ ﺃﻛﺜﺮ
ﺍﻟﻴﻮﻡ ﻣﺜﻞ ﻛﻞ ﻳﻮﻡ ﺩﺍﻗﺮﻩ ﻗﺮﺍﻥ ﺍﺧﺮ ﺻﻔﺤﺎﺕ ﺧﺘﻤﺘﻪ ﻭﺍﺻﻠﻪ ﺍﻟﻤﻌﻮﺫﺍﺕ ﻭﺍﺳﻤﻊ ﺻﻮﺕ ﺧﻨﻴﻚ ﻗﻮﻱ ﻛﻠﺒﻲ ﻧﻄﺮﻙ ﻭﻛﻔﺖ ﺗﻌﺜﺮﺙ ﺑﻠﺒﺲ ﺍﻟﺼﻼﻩ ﺑﺎﻭﻋﺖ ﻣﻦ ﺯﺭﻑ ﺍﻟﺨﻴﻤﻪ ﻓﺎﺭﺱ ﻭﺍﻛﻒ ﻟﻴﻐﺎﺩ ﻻﺯﻡ ﺭﻛﺒﺘﻪ ﻳﻔﺮﻙ ﺑﻴﻪ ﻭﺍﻳﺪﻩ ﺻﺎﻣﻪ ﺣﻠﻜﻪ ﻳﺮﻳﺪ ﻳﻜﺢ
ﺑﻠﻌﺖ ﺭﻳﻚ ﺍﺗﻠﻔﺖ ﻋﻠﻰ ﺍﻣﻲ ﻭﻋﺬﺭﺍﺀ ﻭﺭﺍﺟﻊ ﺍﺑﺎﻭﻉ ﻋﻠﻴﻪ ﺷﻔﺘﻪ ﻛﻌﺪ ﻣﻜﻨﺒﺺ ﻻﺯﻡ ﺭﺍﺳﻪ ﻭﺣﺎﻟﺘﻪ ﺣﺎﻟﻪ ﺧﻠﻴﺖ ﺍﻟﻤﺼﺤﻒ ﺑﻤﻜﺎﻧﻪ ﻭﺑﺪﻭﻥ ﺗﺮﺩﺩ ﻃﻠﻌﺖ ﻋﻠﻴﻪ ﺍﻣﺸﻲ ﻭﺑﺎﻭﻉ ﻋﻠﻰ ﺍﻟﻤﺨﻴﻤﺎﺕ ﺧﺎﻑ ﺍﺣﺪ ﻳﺸﻮﻓﻨﻲ ﺣﻠﻜﻲ ﻳﺎﺑﺲ ﻭﺟﺴﻤﻲ ﻳﺮﺟﻒ ﺑﺮﺩ ﻣﺪﺭﻱ ﺧﻮﻑ ﻟﺘﺠﻴﻨﻲ ﺣﺠﺎﻳﻪ ﻭﺻﻠﺖ ﻳﻤﻪ ﻋﻠﻰ ﺧﻴﺎﻟﻲ ﻟﻜﺒﺎﻟﻪ ﺭﻓﻊ ﺭﺃﺳﻪ ﻓﺎﻙ ﻋﻴﻨﻪ ﻧﺼﻴﺖ ﻟﻤﺴﺘﻮﺍﻩ ﻋﻴﻮﻧﻪ ﺩﻡ ﻭﺍﻟﺪﻧﻴﻪ ﺿﻠﻤﻪ ﺻﺎﻳﺮ ﻳﺨﻮﻑ ﺗﻠﻔﺘﺖ ﻭﻫﻮﻩ ﻫﻢ ﺗﻠﻔﺖ ﻫﻤﺴﺖ
ﻓﺎﺭﺱ ﺷﺒﻴﻚ

ﻳﺘﺒﺒع