لهفه روح

بارت 41

مساء الخير

قبل القراء ممنونه على مليون وهذا لبارت هديه هواي هواي اشكركم هذا فضل الله وفضلكم قراء ممتعه

#لهفة_عاشق.
البارت 41

،،،،،،،،،،،،،،،،،،،،،،

ما شفنة ريلك  يا حمد ضاع
العمر و تبدة
يوسف رجع من الهجر بس
حمد ياهو يردة
تانيتهم يا حمد
لمن جزاني الريل
والحيل مو حيل امس
بعكازة صار الحيل
،،،،،،،،،،،،،،،،،،،،،
ياريت انام ويطلع كل لديصير حلم
كل انسان عندو امنيه بلحياه وانه صارت امنيتي بهذا الوكت هيه
كون انام واكعد
ماسمع صوته
مااتختل
ولااصم اذني
ماابجي
وارجع قويه
ارجع سجى لتتنقل بين لبنى ومريم وبثينه
تضحك
تتشاقه
وتداهر
ارجع سجى لتشسور وهمه خاف اضفره يتذى
صبغه يتشخط
لو كشخته تروح
ياريت ارجع ليام كبل لتعارك بيه على جيس الحب لو جابو مصطفى وماحسب حسابي
جيس الجبس لو اكلو ومابقولي
ليش بيوم وليله نمحه كلشي
وماضلت حتى ذكره حلوه منه
اتلمس ايدي لجوه خدري خدارانه جثير رفعته نملت
بعدت الغطه من راسي الغرفه فارغه
يمكن هذا احسن شي عندي
حتى لحد يشوف كسرتي
ولا احد يشوف دموعي
يجوز ابالغ بس محد يحس بلنار غير لاسعتو
مهما كان ومها صار اني الي لجمه من الصار بخطاب
اضل بعيون الكل شي جان راجعله قبل
كل ماكول لامالي دخل بي
مايهمني
مايخصني
واشوف نضراتهم اتراجع بكلامي
خوف ماما عليه
ونضرات مصطفى ولبنى لتحتويني تخليني ميته بلحياه

لبنى لاتعوفين سجى
يمه بنت عليش ماله صوت
سجى
اكلت
طلعت
نامت
كعدت
كل هاي لسوالف اسمعه وانزوي
حتى لو ماريد أفكر بي هم اسمع بالهم يمي واموت قهر
اعرفوهم شايلين همي
حسابين حسابي
ويتكرضمون شون انه وياه بمجان واحد
نطويت وصوته يذكرني بكل يوم وياه جان اسود لو ابيض
انهزم بروحي وتختل منو
خاف اشوفو
خاف يلمحني
وخاف نتصادف وشتذكرلو؟

خلوتي وياه
خيانته
لسانه
اطباعه لعسره
لو اضل منعزله وأبعد منو
اي ابعد منو وجنه ما موجود
اغمض ايدي على راسي محاربه دموعي لاينزلو وروحي تفكر نزلو علموده
من روحي
من نفسي اخجل
ثامر عاف لبيت وماما مداهر هيه وياه تالي ليل اسمعه
انت ماتستحي حرمه انت حرمه ومهزوم
مو حرمه بس شوفته تفور دمي وخاف اخلي طلقه براسو وماواعي على روحي

ايدك اكسره والله ثامر ابعد عن الشر وغنيله عيب من خالتك يول خالتك نكسرت وبنات خالتك نضامن هوه عار همه شدخلهم بي

عجل مايضل بلبيت وكته انه ارد خلي يروح يم خالي فيصل موو هوه دفع فصلو وطمطم سالفتو
خلي يتحملو

ول يمه فرجست افادي خالك دفع فصلو متعافي لو يتجفى الشر ياامي
ويما مايكدر ياخذو هوه مدير وفوتت بغداد راحت عليه بعد
ثامر بعد امك وليدي لسالفه تمطمت بجم فلس والبنيه راحت إلى قير بعد ماله شغله بيه
وخطاب اخذ جزى وهل كاعد مكسر وخالتك تفر بي بدكاتره الشمال
نحنا نعمل بتربيته وخلاقنه هساع خالتك مكسوره خاطر ويعز عليه تشوفني الوب عليك وانت ماكو هسه تاكل بروحه ودكول من ورانه وهيه ماله ذنب بعمايل ابنه
رد يمه رد لخاطري رد
سكت ثامر سدته ماما وصدك نفس اليوم بليل اجه اول شي سواه فات للغرفه عليه من شفته كضبت روحي وكد مابيه سويت روحي قويه
كعدت جدامه مسد على راسي بتسمت حضني يكلي حدري نتعشى بلحديقه
رجفت شفتي برطمت هزيت راسي لا ماريد اطلع
خنزر
وكف ونتر حدري سجى بلحديقه كتلج 
سكتت وكمت
طلع جدامي وانه وراه
جني اول مره امشي
اول نوبه اخطي
خطفت خطف من يم الديوانيه ولبدت وره حايطه لمطبخ مغمضه